Psalms 93
This book is a draft. It has been translated but has not yet finished checking, and is published here so the community can read and respond to it.
Bôbo Fɨyini nɨ̀n ghɨ fòyn
1Bôbo Fɨyini nɨ̀n saʼ nɨ̀ àdèŋà
Wù n-kelɨ àdyaʼ kɨ kfeynɨ-à
Mbzɨ ì jɨ̀m nɨ̀n ti kɨ a ŋweyn ital awu nêʼlɨ̀ wì
2Ɨfôyn vâ lum ghɨ kɨ ghɨ kɨ̀ sɨ a nzɨ̀tɨ a BÔBO
Wà lum ghɨ kɨ ghɨ kɨ̀ sɨ a nzɨ̀tɨ.
3Jvasɨ nɨn kalì a BÔBO
Jvasɨ to meyn nà lî ghelɨ
Ànkuŋa fvɨ̂ meyn ɨ̀ nà seynsɨ̂ ɨ̀lwêʼ.
4Mɨtì gyà BÔBO ɨ to chwô jvasɨ ɨlvɨ ta sɨ nkû
To chwô àdyaʼ a jvâsɨ̀ nô mɨ ɨlvɨ ta sɨ chɨ̀yntɨ̀
Bôbo Fɨyini nɨ̀n to chwô nô mɨ ghà.
5Tɨsaʼ tyatɨ nɨn kfeynɨ-à a BÔBO
Tɨsaʼ tyatɨ faŋ meyn kɨ̀ samoʼ
Ndô zyâ nɨn layna kɨ̀ sɨ a mɨlvɨ ɨ̀n jɨ̀m.