Psalms 97
This book is a draft. It has been translated but has not yet finished checking, and is published here so the community can read and respond to it.
Fɨyini fɨ̀ nɨ̀n ghɨ nsaʼ ànchɨl
1Bôbo Fɨyini nɨ̀n saʼ ɨ̀fôyn ŋweyn Mbzɨ ì jɨ̀m na saŋlɨ-à Tɨlaʼtɨ mbæ̀ jvàtɨ̀ na saŋlɨ-à.
2Mbàʼsɨ jɨŋ meyn kàli ŋweyn Abe a fɨmnɨ-a jɨ̂ŋ kàli ŋweyn Wù n-saʼ ki àtì-ati, saʼ fyeʼtɨ̂ wì iwo.
3Wù fvɨsɨ meyn ɨ̀vɨs wu na ndû a ŋweyn asɨ Nyôʼlɨ̀ ndû nɨ̀ mbàynɨ̀ sɨ ŋweynsɨ kɨ̀ ɨbyâs ɨ̀ jɨ̀m.
4Wù fvɨsɨ meyn ìbayn yi na myàynà Myâyn ta ivɨ, fu ìbayn a mbzɨ Mbzɨ yeyn meyn ìbayn ateyn nà neʼà.
5Kfɨynsɨ nɨn buŋ asɨ nɨ̀ BÔBO Kfɨynsɨ nɨn buŋ kalì ta ileŋ Asɨ nɨ̀ BÔBO ɨ bò mbzɨ ì jɨ̀m.
6Iyvɨ i nɨn dyêyn na BÔBO nɨn saʼ kɨ àtì-ati Mbzɨ ì jɨ̀m nɨ̀n yeyn ìbayn i ghaʼnɨ-i nɨ̀ ŋweyn.
7Iwumi nɨn ghɨ sɨ̂ ghelɨ Ɨ ghelɨ ghì a ghɨ n-koʼsɨ mɨyini Koʼsɨ̂ tì fî ghaŋsɨ̂ ɨ̀wuyn Mɨ̀yìnì nô ɨ̀n jɨ̀m na koʼsɨ̂ kɨ BÔBO.
8Ghelɨ nɨn yvɨ a Zayòn nà saŋlɨ-à Ghelɨ nɨn yvɨ a ntèʼsɨ a Judà nà saŋlɨ-a Bòm ìsaʼ i àtì-ati nɨ̀ và a BÔBO.
9Wà n-gaŋtɨ̂ chwô mɨyini ɨ̀n jɨ̀m a mbzɨ Wà n-gaŋtɨ̂ chwô nô mɨ ghà a BÔBO.
10Zɨ̀ ghelɨ ghì a yi n-kôŋ BÔBO Yì na bâyn àwo a bɨ-a Wù n-tôʼnɨ̀ nɨ̀ ɨghî a ghɨ n-yvɨnɨ ŋweyn Fvɨsɨ̀ àŋena sɨ a ɨwu nɨ̀ ghelɨ ghɨ bɨ.
11Wù suʼsɨ meyn ìbayn atu nɨ̀ ghelɨ àtì-ati Ɨ̀ nì ghelɨ mɨtem ɨnlaynɨ̂ na saŋlɨ-à.
12Zɨ̀ ghelɨ àtì-ati na saŋlɨ-à Yì na fu àyòŋnɨ̀ bòm àwo kì a BÔBO nì Yì na koʼsɨ̂ ìzɨyn ilaynɨ-i nɨ̀ ŋweyn.