Psalms 43
This book is a draft. It has been translated but has not yet finished checking, and is published here so the community can read and respond to it.
1Fvɨ̀sɨ ma sɨ a ngeʼ afêyn a Fɨyini femfɨ,
Saʼ fu nsaʼ yem sɨ̂ mà. Ghelɨ nɨn jelɨ̀ a ma ibàm kya wi vâ.
Fsɨ ma sɨ awu nɨ̀ ghelɨ ghɨ bɨ ghèyn a ghɨ n-wam têyn.
2Wà n-ghɨ Fɨyini femfɨ, wà n-ghɨ àlêʼ a leytɨnɨ-a nɨ̀ mà.
Bòm ghà ta wà màʼì ma teyn a?
Bòm ghà ta wà vìsi mbàynɨ̀ semsɨ na fu ngeʼ sɨ̂ mà têyn a?
A mà ti n-koynsɨ̂ dzɨ̂ tèyn wa yeyna?
3Tòʼnɨ nɨ̀ mà ɨ tum ibayn ì zæ,
mà keli sɨ tom sɨ koʼ atû kfɨ̀yn i laynɨ-i nɨ̀ và,
Alèʼ ghè a wà n-ghɨ ateyn.
4A à na ghɨ ìsaŋlɨ i ghaʼnɨ-i sɨ nà ghɨ alèʼ ghè a abaŋ ifu nɨ̀ Fɨyini fɨ a nɨn ghɨ ateyn.
Ta ka mà na buʼ ìluŋ kôʼsɨ̂ và a Fɨyini femfɨ.
5Mà ti n-kfâʼ nô ngeʼ tèyn bòm ghà?
Mà ti n-fɨmsɨ̂ nô ngeŋ yem têyn bòm ghà?
Mà na yeʼtɨ̂ kɨ ɨwuyn nɨ Fɨyini fɨ̀, koʼsɨ̂ kɨ ŋweyn.
Wù n-ghɨ Fɨyini femfɨ, ghɨ mbœ̀sɨ̀ yem.