Psalms 3
This book is a draft. It has been translated but has not yet finished checking, and is published here so the community can read and respond to it.
Ijêm sɨ loyn igâmtɨ̀ sɨ̂ Fɨyini fɨ̀
Njàŋ ta Devìt nɨn læ betɨ ɨtuʼ ghè a wù leʼ wâyn ŋweyn Absalòm.
1Mbàynɨ̀sɨ lali meyn a ma ibàm a Bôbo Fɨyini dvɨ̂ kɨ tèyn.
Ghelɨ awo a bɨ-a jɨŋ meyn kàli mà nô sɨ idvɨ̀, nà choʼ àvɨ à kema.
2Àŋena nɨn bê na,
“Fɨyini fɨ nɨn gâmtɨ̀ wì ŋweyn.”
Yì toʼ yvɨ̀tɨ
3Mɨtì wa ghɨ àbâʼ a ma atu a BÔBO,
Ma wà ni meyn ma na koʼnɨ-à. Wà lisi meyn ìwumi sɨ a ma atu.
4Mɨ n-dzɨ̂ nô mɨ ɨlvɨ gha a BÔBO, Wa yvɨ mà alèʼ a laynɨ-a nɨ̀ và.
5Mɨ n-nyɨŋì-à, ma nà buni-à, ku-à.
Wà n-kinî mà a BÔBO.
6Mɨ n-fâyn wì afo,
Nô mɨ ta mbàynɨ̀sɨ̀ kèʼ ma kɨ̀ ɨbyâs ɨ̀ jɨ̀m, dvɨ̂ kɨ tèyn.
7Gàmtɨ ma ɨ nù mbàynɨ̀ semsɨ a BÔBO.
Wà lum wumsɨ̂ kɨ wumsɨ àŋena a Fɨyini femfɨ.
8À n-gâmtɨ̀ Bôbo Fɨyini gâmtɨ̀ ghelɨ.
Boysɨ ghelɨ̀ ghya a BÔBO.