Psalms 4
This book is a draft. It has been translated but has not yet finished checking, and is published here so the community can read and respond to it.
Ijêm i wûl ta wù n-yeʼtɨ kɨ ɨwuyn nɨ̀ Fɨyini fɨ̀
Njàŋ ta Devìt nɨn læ betɨ ɨ fu sɨ̂ nchfɨ̀ njàŋ na wù na fu-a ghɨ yema buʼ tɨ̀luŋ.
1Mɨ n-jêm sɨ̂ và a Fɨyini fɨ, Wà n-ghɨ Fɨyini fìfɨ̀ a fɨ n-tisɨ ma,
Bèynsɨ ijêm ì yemi.
Fvɨ̀sɨ ma sɨ a asùm afêyn,
Dyèyn atem a juŋà sɨ̂ mà. Bèynsɨ ijêm ì yemi
2Wùl mɨ̀sòŋ ti læ̀ wumsɨ̂ Fòyn ndù chèm wo?
Yì ti læ̀ ghâm mà ndù chèm wo? Yì ti læ̀ koʼsɨ̂ ɨ̀nfyèʼsɨ̀ ndù chèm wo?
Yì toʼ yvɨ̀tɨ.
3Yì na kya na Bôbo Fɨyini choʼ meyn mà. Mɨ n-ghɨ wul ɨ̀ fèlɨnɨ nɨ̀ ŋweyn sɨ a nyɨŋ.
Mɨ n-jemà wu yvɨ ìjêm ì yemi.
4Ka yì fî nì mbɨ; yì na fàyn Fɨyini
Yi nyiŋì, yi chimi moŋ ɨ nà kfâʼtɨ̀ àwo nâ kèynà.
Yì toʼ yvɨ̀tɨ
5Yì na fu tɨ̀fu tìtɨ̀ a tɨ n-kfeynɨ sɨ̂ Bôbo Fɨyini.
Yì na samsɨ̂ Bôbo Fɨyini.
6Ndvɨ̀ nɨ̀n bɨf a BÔBO na, njùŋ læ̀ kasî gvî sɨ̂ ghès ɨtuʼ gha a
Dyèyn ikêʼ ì zæ sɨ̂ ghès a BÔBO.
7Wà ni meyn ma na saŋlɨ̂ nô sɨ a ŋaŋ.
Mɨ n-saŋlɨ̂ chwô àŋena ɨlvɨ ta ghɨ kfì a saŋ. Mɨ n-saŋlɨ̂ chwô àŋena ɨlvɨ ta mɨ̀lùʼ kfa sɨ idvɨ̀
8Mɨ n-nyɨŋì-à ma nà bunî kɨ nɨ̀ mbôynɨ̀.
À n-kinî và kinî mà a BÔBO.