Psalms 133
This book is a draft. It has been translated but has not yet finished checking, and is published here so the community can read and respond to it.
Njùŋ ɨ̀chfɨ̂ ɨ̀mòʼ
Njàŋ ta Devìt nɨn læ betɨ na ghɨ na yema ɨlvɨ ta ghɨ n-koʼ a ndô Fɨyini
1Yì yeyn iwo a!
Woyn ghɨ̂ni nɨn se sɨ nà chi akaʼ àmòʼ, ti ɨchfɨ̂ ɨ̀mòʼ, iwo ateyn i nà foma fî jôfɨ̀ nô a jûŋ.
2Iwo ateyn i nɨn nî yi nà fɨsɨ̂ mɨ̀vɨl ɨlvɨ ta ghɨ sfɨ̀s atu nɨ̀ Alòyn
Mɨ̀ na kuŋ kɨ tèyn kalì a ŋweyn idyèl
Lu sɨ a ŋweyn idyel
chemlɨ̂ a ŋweyn a ndzɨsɨ.
3Woyn ghɨ̂ni nɨn se sɨ chi akaʼ àmòʼ iwo ateyn i nà fɨsɨ̂ àmyâʼ ɨlvɨ ta kɨ chi sùʼi atû kfɨ̂yn Hemòn,
Kàlì kɨ̀ têyn ndù gvɨ̀ a kfɨynsɨ a Zayòn.
Woyn ghɨ̂ni nɨn se sɨ chi akaʼ àmòʼ Bôbo Fɨyini ɨ boysɨ àŋena,
Woyn ghɨ̂ni nɨn se sɨ chi akaʼ àmòʼ àŋena keli ichi ma yi kfeynɨ meyn.