Psalms 131
This book is a draft. It has been translated but has not yet finished checking, and is published here so the community can read and respond to it.
Ghɨ n-kelɨ sɨ nà samsɨ Fɨyini
Njàŋ ta Devìt nɨ̀n læ betɨ na ghɨ na yem ɨlvɨ ta ghɨ n-koʼ a ndô Fɨyini
1Mɨ n-ghaŋsɨ̂ wì ɨwuyn a Bôbo Fɨyini Mɨ n-kesɨ̂ wì wul, Mɨ n-zɨ̂ wì awo ɨfwo nse Mɨ n-nyɨŋ wi ibàm i ɨfwo.
2Ma ghal meyn ngêŋ yem, Nà tsɨ kɨ tèyn moŋ Mɨ n-ghɨ kɨ ta wayn Ɨlvɨ ta ghɨ tèyn sɨ igheyn, Wù na bu kòŋ kɨ sɨ nà duʼ ŋêyn nà ŋweyn.
3Yì na yeʼtɨ̂ kɨ ɨwùyn nɨ̀ BÔBO mɨlvɨ ɨ̀n jɨ̀m a ghelɨ Isìlæ̀, Yì na yeʼtɨ̂ kɨ ɨwùyn nɨ̀ BÔBO nô ta ka ghɨ̀ læ̂ ghɨ̀.