Numbers 7
Ifu i ghelɨ ghɨ tisɨnɨ a Isìlæ̀
1À nà n-ghɨ achi ghè a Mosìs bàʼlɨ̀ mèsi fɨ̀ndo fɨ Bôbo Fɨyini, wu yisi nɨ̀ mɨ̀vɨ̂l mɨ̀ olìfsɨ̀ ɨ lèm sɨ a nyɨŋ sɨ̂ Bôbo Fɨyini baʼsɨ̂ nɨ̀ ɨ̀fwo vzɨ̀ a wu n-ghɨ ateyn. Wù n-yisi meyn kɨmɨ àbaŋ ifu ɨ lèm sɨ a nyɨŋ baʼsɨ̂ nɨ̀ ɨ̀fwo vzɨ̀ a wu n-ghɨ ateyn nô ɨ̀ jɨ̀m. 2Wù n-yìsi tî, ghelɨ ghɨ tisɨnɨ a Isìlæ̀ a ghɨ ghelɨ ghì a ghɨ n-tisɨ achfɨ a ndosɨ nɨ̀ àsas a ndosɨ a nɨ̀ àŋena a ghɨ kɨmɨ ghelɨ ghì a ghɨ n-læ taŋ ghelɨ Isìlæ̀ ɨ gvì nɨ̀ ìfu i àŋena i. 3Àŋena nɨn gvi nɨ̀ ìfu i sɨ̂ Bôbo Fɨyini a ghɨ mɨ̀nchaʼ ntufa nɨ̀ mbòŋsɨ̀ njvàsɨ̀ bò. Nô mɨ wul ɨ̀ tisɨnɨ ɨ̀kfà nà n-gvî nɨ̀ mbòŋ ìmòʼ, ghelɨ ghɨ tisɨnɨ ghɨ̀ bò ɨ gvî nɨ̀ fɨ̀nchaʼ fɨ̀ moʼfɨ. Àŋena nɨn chɨ̀yntɨ fu ɨfwo ateyn sɨ ifu ɨchfɨ fɨndo nɨ̀ Bôbo Fɨyini.
4Bôbo Fɨyini ɨ kæ bè sɨ̂ Mosìs na, 5“Fsɨ ifu nâ yèynì ta ka ghɨ na nî ìfêl ateyn a fɨ̂ndo nɨ̀ Bôbo Fɨyini. Wà fsɨ wa gwòtɨ sɨ̂ ghelɨ isas i ndo nɨ̀ Levì, fu nô mɨ sɨ̂ ndà kɨ̀ ta ifêl i ŋweyni nɨn dyêyn.”
6Mosìs ɨ kæ fsɨtɨ mɨ̀nchaʼ mɨ̀ àteyn baʼsɨ̂ nɨ̀ mbòŋsɨ̀ sɨ fu sɨ̂ ghelɨ levì. 7Mosìs nɨ̀n læ fu mɨ̀nchaʼ ɨ̀m bò nɨ̀ mbòŋsɨ̀ kæ̀ sɨ̂ ghelɨ Geshòn kɨ̀ ta ifêl i àŋena nɨn ndyêyn. 8Wù n-læ fu mɨ̀nchaʼ ɨ̀n kæ̀ nɨ̀ mbòŋsɨ̀ nfama sɨ̂ ghelɨ Mèlalì kɨ̀ ta ifêl i àŋena nɨn dyêyn. Wùl ɨ̀ tisɨnɨ nɨ̀ àŋena nà n-ghɨ Itamà ɨ wâyn Alòyn ɨ ngàŋ ndô Fɨyini. 9Mosìs nɨ̀n bu læ fu afo sɨ̂ ghelɨ Kohàt bòm ta ifêl i àŋena nà n-ghɨ sɨ nà beʼi ɨfwo ɨ laynɨ a fɨndo nɨ̀ Bôbo a àŋena mbèʼsɨ̀.
10À nà n-ghɨ ta ghɨ yìsi abaŋ ifu, ghelɨ ghɨ tisɨnɨ ɨ gvì nɨ̀ ìfu i àŋena sɨ lèm abaŋ ateyn sɨ a nyɨŋ sɨ̂ Fɨyini fɨ ɨ lèm asɨ abaŋ ifu nâ ghè. 11À nà n-ghɨ tì ma Bôbo Fɨyini be meyn sɨ̂ Mosìs na, “Nô mɨ wul ɨ tisɨnɨ ɨ̀kfà nɨn kelɨ sɨ fu ifu na ghɨ lem abaŋ ifu sɨ a nyɨŋ sɨ̂ Bôbo Fɨyini. Nô mɨ wul ɨ̀ tisinɨ ɨ̀ kfà nà n-fu kɨ a ŋweyn achi.”
12À na ghɨ achi a ki asɨ-a Nashòn ɨ wâyn Àminadàb ɨ wul ɨ isas i ndo nɨ̀ Judà ɨ gvì nɨ̀ ìfu i ŋweyni.
13Wu n-læ fu akaŋ a àlèlalel àmòʼ kɨ dɨlɨ̀ chem kilù ìmòʼ nɨ̀ àbeʼa ma ghɨ faytɨ nɨ̀ àso ɨkwo a fɨfâ, nɨ̀ àkaŋ a ghaʼnɨ-a kì a ghɨ n-we mu ateyn ghɨ nà mɨsi-à kɨ dɨlɨ̀ chem ndû kilù ma ghɨ faytɨ kɨ̀mɨ nɨ̀ àso ɨkwo a fɨfâ. Ɨfwo nâ wèyn nô ɨ̀ jɨ̀m nà n-ghɨ kɨ ighel ta ɨfyêʼ ɨ ndô Fɨyini nɨn dyêyn. Ɨ̀nkfɨ̀ŋ nà n-ghɨ ɨkfaŋ nâ ghè ma ghɨ gvâ meyn mɨ̀ faytɨ kfɨ ɨ̀ fyes nɨ̀ mɨ̀vɨ̂l ɨ̀ fù sɨ ifu ɨfwo ɨ yɨnɨ. 14Wù n-fu meyn kɨmɨ àkaŋ a li-a kɨ dɨlɨ̀ chem ndû àbeʼ a kilù ma ghɨ faytɨ nɨ̀ àso ɨkwo a baŋnɨ-a ma wù we meyn ìleŋ ateyn, 15ɨ fu wâyn nyàm mbòloʼ ɨ lûmnɨ̀ ɨ fu kɨmɨ wayn àyaʼ wu ghɨ kɨ bèŋ sɨ ifu i nyoʼnɨ-i, 16ɨ fi fu ifef sɨ ifu na Fɨyini fɨ lesɨ fù mbɨ̂ ŋweyn. 17Wù n-fu meyn kɨmɨ mbòŋsɨ̀ bò nɨ̀ ɨ̀ywaʼ ɨ̀ twâyn nɨ̀ tɨ̀fef tɨ̀ tâyntɨ̀ nɨ̀ woyn njɨ̀ sɨ̀ tâyn ma sɨ chem meyn bèŋ sɨ ifu sɨ nà chi nɨ̀ mbôynɨ̀. À ti ifu zɨ̀ a Nashòn ɨ wâyn Àminadàb nɨ̀n læ fu.
18À na ghɨ a ànkùmtɨ̀ achi, Nètanèl ɨ wâyn Zuwà ɨ wul ɨ̀ tisɨnɨ isas i ndo nɨ̀ Isakà ɨ gvì nɨ̀ ìfu i ŋweyni.
19Wu n-læ fu akaŋ a àlèlalel àmòʼ kɨ dɨlɨ̀ chem kilù ìmòʼ nɨ̀ àbeʼa ma ghɨ faytɨ nɨ̀ àso ɨkwo a fɨfâ, nɨ̀ àkaŋ a ghaʼnɨ-a kì a ghɨ n-we mu ateyn ghɨ nà mɨsi-à kɨ dɨlɨ̀ chem ndû kilù ma ghɨ faytɨ kɨ̀mɨ nɨ̀ àso ɨkwo a fɨfâ. Ɨfwo nâ wèyn nô ɨ̀ jɨ̀m nà n-ghɨ kɨ ighel ta ɨfyêʼ ɨ ndô Fɨyini nɨn dyêyn. Ɨ̀nkfɨ̀ŋ nà n-ghɨ ɨkfaŋ nâ ghè ma ghɨ gvâ meyn mɨ̀ faytɨ kfɨ ɨ̀ fyes nɨ̀ mɨ̀vɨ̂l ɨ̀ fù sɨ ifu ɨfwo ɨ yɨnɨ. 20Wù n-fu meyn kɨmɨ àkaŋ a li-a kɨ dɨlɨ̀ chem ndû àbeʼ a kilù ma ghɨ faytɨ nɨ̀ àso ɨkwo a baŋnɨ-a ma wù we meyn ìleŋ ateyn, 21ɨ fu wâyn nyàm mbòloʼ ɨ lûmnɨ̀ ɨ fu kɨmɨ wayn àyaʼ wu ghɨ kɨ bèŋ sɨ ifu i nyoʼnɨ-i, 22ɨ fu kɨmɨ ìfef sɨ ifu na Fɨyini fɨ lesɨ fù mbɨsɨ. 23Wù n-fu meyn kɨmɨ mbòŋsɨ̀ bò nɨ̀ ɨ̀ywaʼ ɨ̀ twâyn nɨ̀ tɨ̀fef tɨ̀ tâyntɨ̀ nɨ̀ woyn njɨ̀ sɨ̀ tâyn ma sɨ chem meyn bèŋ sɨ ifu sɨ nà chi nɨ̀ mbôynɨ̀. À ti ifu zɨ̀ a Nètanèl ɨ wâyn Zuwà nɨ̀n læ fu.
24À na ghɨ a mɨchi ɨ̀n tal, Elìyàb ɨ wâyn Helòn ɨ wul ɨ̀ tisɨnɨ isas i ndo nɨ̀ Zebulòn ɨ gvì nɨ̀ ìfu i ŋweyni.
25Wu n-læ fu akaŋ a àlèlalel àmòʼ kɨ dɨlɨ̀ chem kilù ìmòʼ nɨ̀ àbeʼa ma ghɨ faytɨ nɨ̀ àso ɨkwo a fɨfâ, nɨ̀ àkaŋ a ghaʼnɨ-a kì a ghɨ n-we mu ateyn ghɨ nà mɨsi-à kɨ dɨlɨ̀ chem ndû kilù ma ghɨ faytɨ kɨ̀mɨ nɨ̀ àso ɨkwo a fɨfâ. Ɨfwo nâ wèyn nô ɨ̀ jɨ̀m nà n-ghɨ kɨ ighel ta ɨfyêʼ ɨ ndô Fɨyini nɨn dyêyn. Ɨ̀nkfɨ̀ŋ nà n-ghɨ ɨkfaŋ nâ ghè ma ghɨ gvâ meyn mɨ̀ faytɨ kfɨ ɨ̀ fyes nɨ̀ mɨ̀vɨ̂l ɨ̀ fù sɨ ifu ɨfwo ɨ yɨnɨ. 26Wù n-fu meyn kɨmɨ àkaŋ a li-a kɨ dɨlɨ̀ chem ndû àbeʼ a kilù ma ghɨ faytɨ nɨ̀ àso ɨkwo a baŋnɨ-a ma wù we meyn ìleŋ ateyn, 27ɨ fu wâyn nyàm mbòloʼ ɨ lûmnɨ̀ ɨ fu kɨmɨ wayn àyaʼ wu ghɨ kɨ bèŋ sɨ ifu i nyoʼnɨ-i, 28ɨ fu kɨmɨ ìfef sɨ ifu na Fɨyini fɨ lesɨ fù mbɨ ŋweyn. 29Wù n-fu meyn kɨmɨ mbòŋsɨ̀ bò nɨ̀ ɨ̀ywaʼ ɨ̀ twâyn nɨ̀ tɨ̀fef tɨ̀ tâyntɨ̀ nɨ̀ woyn njɨ̀ sɨ̀ tâyn ma sɨ chem meyn bèŋ sɨ ifu sɨ nà chi nɨ̀ mbôynɨ̀. À ti ifu zɨ̀ a Elìyàb ɨ wâyn Helòn nɨ̀n læ fu.
30À na ghɨ a mɨchi ɨ̀n kæ̀, Elizù ɨ wâyn Shedù ɨ wul ɨ̀ tisɨnɨ isas i ndo nɨ̀ Lubèn ɨ gvì nɨ̀ ìfu i ŋweyni.
31Wu n-læ fu akaŋ a àlèlalel àmòʼ kɨ dɨlɨ̀ chem kilù ìmòʼ nɨ̀ àbeʼa ma ghɨ faytɨ nɨ̀ àso ɨkwo a fɨfâ, nɨ̀ àkaŋ a ghaʼnɨ-a kì a ghɨ n-we mu ateyn ghɨ nà mɨsi-à kɨ dɨlɨ̀ chem ndû kilù ma ghɨ faytɨ kɨ̀mɨ nɨ̀ àso ɨkwo a fɨfâ. Ɨfwo nâ wèyn nô ɨ̀ jɨ̀m nà n-ghɨ kɨ ighel ta ɨfyêʼ ɨ ndô Fɨyini nɨn dyêyn. Ɨ̀nkfɨ̀ŋ nà n-ghɨ ɨkfaŋ nâ ghè ma ghɨ gvâ meyn mɨ̀ faytɨ kfɨ ɨ̀ fyes nɨ̀ mɨ̀vɨ̂l ɨ̀ fù sɨ ifu ɨfwo ɨ yɨnɨ. 32Wù n-fu meyn kɨmɨ àkaŋ a li-a kɨ dɨlɨ̀ chem ndû àbeʼ a kilù ma ghɨ faytɨ nɨ̀ àso ɨkwo a baŋnɨ-a ma wù we meyn ìleŋ ateyn, 33ɨ fu wâyn nyàm mbòloʼ ɨ lûmnɨ̀ ɨ fu kɨmɨ wayn àyaʼ wu ghɨ kɨ bèŋ sɨ ifu i nyoʼnɨ-i, 34ɨ fu kɨmɨ ìfef sɨ ifu na Fɨyini fɨ lesɨ fù mbɨ ŋweyn. 35Wù n-fu meyn kɨmɨ mbòŋsɨ̀ bò nɨ̀ ɨ̀ywaʼ ɨ̀ twâyn nɨ̀ tɨ̀fef tɨ̀ tâyntɨ̀ nɨ̀ woyn njɨ̀ sɨ̀ tâyn ma sɨ chem meyn bèŋ sɨ ifu sɨ nà chi nɨ̀ mbôynɨ̀. À ti ifu zɨ̀ a Elizù ɨ wâyn Shedù nɨ̀n læ fu.
36À na ghɨ a mɨchi ɨ̀n tâyn, Shèlumèl ɨ wâyn Zùlishadày ɨ wul ɨ̀ tisɨnɨ isas i ndo nɨ̀ Simìyòn ɨ gvì nɨ̀ ìfu i ŋweyni.
37Wu n-læ fu akaŋ a àlèlalel àmòʼ kɨ dɨlɨ̀ chem kilù ìmòʼ nɨ̀ àbeʼa ma ghɨ faytɨ nɨ̀ àso ɨkwo a fɨfâ, nɨ̀ àkaŋ a ghaʼnɨ-a kì a ghɨ n-we mu ateyn ghɨ nà mɨsi-à kɨ dɨlɨ̀ chem ndû kilù ma ghɨ faytɨ kɨ̀mɨ nɨ̀ àso ɨkwo a fɨfâ. Ɨfwo nâ wèyn nô ɨ̀ jɨ̀m nà n-ghɨ kɨ ighel ta ɨfyêʼ ɨ ndô Fɨyini nɨn dyêyn. Ɨ̀nkfɨ̀ŋ nà n-ghɨ ɨkfaŋ nâ ghè ma ghɨ gvâ meyn mɨ̀ faytɨ kfɨ ɨ̀ fyes nɨ̀ mɨ̀vɨ̂l ɨ̀ fù sɨ ifu ɨfwo ɨ yɨnɨ. 38Wù n-fu meyn kɨmɨ àkaŋ a li-a kɨ dɨlɨ̀ chem ndû àbeʼ a kilù ma ghɨ faytɨ nɨ̀ àso ɨkwo a baŋnɨ-a ma wù we meyn ìleŋ ateyn, 39ɨ fu wâyn nyàm mbòloʼ ɨ lûmnɨ̀ ɨ fu kɨmɨ wayn àyaʼ wu ghɨ kɨ bèŋ sɨ ifu i nyoʼnɨ-i, 40ɨ fu kɨmɨ ìfef sɨ ifu na Fɨyini fɨ lesɨ fù mbɨ ŋweyn. 41Wù n-fu meyn kɨmɨ mbòŋsɨ̀ bò nɨ̀ ɨ̀ywaʼ ɨ̀ twâyn nɨ̀ tɨ̀fef tɨ̀ tâyntɨ̀ nɨ̀ woyn njɨ̀ sɨ̀ tâyn ma sɨ chem meyn bèŋ sɨ ifu sɨ nà chi nɨ̀ mbôynɨ̀. À ti ifu zɨ̀ a Shèlumèl ɨ wâyn Zùlishadày nɨ̀n læ fu.
42À na ghɨ a mɨchi ntufa, Elìyasàf ɨ wâyn Dewèl ɨ wul ɨ̀ tisɨnɨ isas i ndo nɨ̀ Gâd ɨ gvì nɨ̀ ìfu i ŋweyni.
43Wu n-læ fu akaŋ a àlèlalel àmòʼ kɨ dɨlɨ̀ chem kilù ìmòʼ nɨ̀ àbeʼa ma ghɨ faytɨ nɨ̀ àso ɨkwo a fɨfâ, nɨ̀ àkaŋ a ghaʼnɨ-a kì a ghɨ n-we mu ateyn ghɨ nà mɨsi-à kɨ dɨlɨ̀ chem ndû kilù ma ghɨ faytɨ kɨ̀mɨ nɨ̀ àso ɨkwo a fɨfâ. Ɨfwo nâ wèyn nô ɨ̀ jɨ̀m nà n-ghɨ kɨ ighel ta ɨfyêʼ ɨ ndô Fɨyini nɨn dyêyn. Ɨ̀nkfɨ̀ŋ nà n-ghɨ ɨkfaŋ nâ ghè ma ghɨ gvâ meyn mɨ̀ faytɨ kfɨ ɨ̀ fyes nɨ̀ mɨ̀vɨ̂l ɨ̀ fù sɨ ifu ɨfwo ɨ yɨnɨ. 44Wù n-fu meyn kɨmɨ àkaŋ a li-a kɨ dɨlɨ̀ chem ndû àbeʼ a kilù ma ghɨ faytɨ nɨ̀ àso ɨkwo a baŋnɨ-a ma wù we meyn ìleŋ ateyn, 45ɨ fu wâyn nyàm mbòloʼ ɨ lûmnɨ̀ ɨ fu kɨmɨ wayn àyaʼ wu ghɨ kɨ bèŋ sɨ ifu i nyoʼnɨ-i, 46ɨ fu kɨmɨ ìfef sɨ ifu na Fɨyini fɨ lesɨ fù mbɨ ŋweyn. 47Wù n-fu meyn kɨmɨ mbòŋsɨ̀ bò nɨ̀ ɨ̀ywaʼ ɨ̀ twâyn nɨ̀ tɨ̀fef tɨ̀ tâyntɨ̀ nɨ̀ woyn njɨ̀ sɨ̀ tâyn ma sɨ chem meyn bèŋ sɨ ifu sɨ nà chi nɨ̀ mbôynɨ̀. À ti ifu zɨ̀ a Elìyasàf ɨ wâyn Dewèl nɨ̀n læ fu.
48À na ghɨ a mɨchi nsòmbo, Elishamà ɨ wâyn Amihùd ɨ wul ɨ̀ tisɨnɨ isas i ndo nɨ̀ Eflèm ɨ gvì nɨ̀ ìfu i ŋweyni.
49Wu n-læ fu akaŋ a àlèlalel àmòʼ kɨ dɨlɨ̀ chem kilù ìmòʼ nɨ̀ àbeʼa ma ghɨ faytɨ nɨ̀ àso ɨkwo a fɨfâ, nɨ̀ àkaŋ a ghaʼnɨ-a kì a ghɨ n-we mu ateyn ghɨ nà mɨsi-à kɨ dɨlɨ̀ chem ndû kilù ma ghɨ faytɨ kɨ̀mɨ nɨ̀ àso ɨkwo a fɨfâ. Ɨfwo nâ wèyn nô ɨ̀ jɨ̀m nà n-ghɨ kɨ ighel ta ɨfyêʼ ɨ ndô Fɨyini nɨn dyêyn. Ɨ̀nkfɨ̀ŋ nà n-ghɨ ɨkfaŋ nâ ghè ma ghɨ gvâ meyn mɨ̀ faytɨ kfɨ ɨ̀ fyes nɨ̀ mɨ̀vɨ̂l ɨ̀ fù sɨ ifu ɨfwo ɨ yɨnɨ. 50Wù n-fu meyn kɨmɨ àkaŋ a li-a kɨ dɨlɨ̀ chem ndû àbeʼ a kilù ma ghɨ faytɨ nɨ̀ àso ɨkwo a baŋnɨ-a ma wù we meyn ìleŋ ateyn, 51ɨ fu wâyn nyàm mbòloʼ ɨ lûmnɨ̀ ɨ fu kɨmɨ wayn àyaʼ wu ghɨ kɨ bèŋ sɨ ifu i nyoʼnɨ-i, 52ɨ fu kɨmɨ ìfef sɨ ifu na Fɨyini fɨ lesɨ fù mbɨ ŋweyn. 53Wù n-fu meyn kɨmɨ mbòŋsɨ̀ bò nɨ̀ ɨ̀ywaʼ ɨ̀ twâyn nɨ̀ tɨ̀fef tɨ̀ tâyntɨ̀ nɨ̀ woyn njɨ̀ sɨ̀ tâyn ma sɨ chem meyn bèŋ sɨ ifu sɨ nà chi nɨ̀ mbôynɨ̀. À ti ifu zɨ̀ a Elishamà ɨ wâyn Amihùd nɨ̀n læ fu.
54À na ghɨ a mɨchi nfama, Gàmalèl ɨ wâyn Bèdazù ɨ wul ɨ̀ tisɨnɨ isas i ndo nɨ̀ Mànasè ɨ gvì nɨ̀ ìfu i ŋweyni.
55Wu n-læ fu akaŋ a àlèlalel àmòʼ kɨ dɨlɨ̀ chem kilù ìmòʼ nɨ̀ àbeʼa ma ghɨ faytɨ nɨ̀ àso ɨkwo a fɨfâ, nɨ̀ àkaŋ a ghaʼnɨ-a kì a ghɨ n-we mu ateyn ghɨ nà mɨsi-à kɨ dɨlɨ̀ chem ndû kilù ma ghɨ faytɨ kɨ̀mɨ nɨ̀ àso ɨkwo a fɨfâ. Ɨfwo nâ wèyn nô ɨ̀ jɨ̀m nà n-ghɨ kɨ ighel ta ɨfyêʼ ɨ ndô Fɨyini nɨn dyêyn. Ɨ̀nkfɨ̀ŋ nà n-ghɨ ɨkfaŋ nâ ghè ma ghɨ gvâ meyn mɨ̀ faytɨ kfɨ ɨ̀ fyes nɨ̀ mɨ̀vɨ̂l ɨ̀ fù sɨ ifu ɨfwo ɨ yɨnɨ. 56Wù n-fu meyn kɨmɨ àkaŋ a li-a kɨ dɨlɨ̀ chem ndû àbeʼ a kilù ma ghɨ faytɨ nɨ̀ àso ɨkwo a baŋnɨ-a ma wù we meyn ìleŋ ateyn, 57ɨ fu wâyn nyàm mbòloʼ ɨ lûmnɨ̀ ɨ fu kɨmɨ wayn àyaʼ wu ghɨ kɨ bèŋ sɨ ifu i nyoʼnɨ-i, 58ɨ fu kɨmɨ ìfef sɨ ifu na Fɨyini fɨ lesɨ fù mbɨ ŋweyn. 59Wù n-fu meyn kɨmɨ mbòŋsɨ̀ bò nɨ̀ ɨ̀ywaʼ ɨ̀ twâyn nɨ̀ tɨ̀fef tɨ̀ tâyntɨ̀ nɨ̀ woyn njɨ̀ sɨ̀ tâyn ma sɨ chem meyn bèŋ sɨ ifu sɨ nà chi nɨ̀ mbôynɨ̀. À ti ifu zɨ̀ a Gàmalèl ɨ wâyn Bèdazù nɨ̀n læ fu.
60À na ghɨ a mɨchi bulamòʼ, Abidàn ɨ wâyn Gidiyonì ɨ wul ɨ̀ tisɨnɨ isas i ndo nɨ̀ Benjamìn ɨ gvì nɨ̀ ìfu i ŋweyni.
61Wu n-læ fu akaŋ a àlèlalel àmòʼ kɨ dɨlɨ̀ chem kilù ìmòʼ nɨ̀ àbeʼa ma ghɨ faytɨ nɨ̀ àso ɨkwo a fɨfâ, nɨ̀ àkaŋ a ghaʼnɨ-a kì a ghɨ n-we mu ateyn ghɨ nà mɨsi-à kɨ dɨlɨ̀ chem ndû kilù ma ghɨ faytɨ kɨ̀mɨ nɨ̀ àso ɨkwo a fɨfâ. Ɨfwo nâ wèyn nô ɨ̀ jɨ̀m nà n-ghɨ kɨ ighel ta ɨfyêʼ ɨ ndô Fɨyini nɨn dyêyn. Ɨ̀nkfɨ̀ŋ nà n-ghɨ ɨkfaŋ nâ ghè ma ghɨ gvâ meyn mɨ̀ faytɨ kfɨ ɨ̀ fyes nɨ̀ mɨ̀vɨ̂l ɨ̀ fù sɨ ifu ɨfwo ɨ yɨnɨ. 62Wù n-fu meyn kɨmɨ àkaŋ a li-a kɨ dɨlɨ̀ chem ndû àbeʼ a kilù ma ghɨ faytɨ nɨ̀ àso ɨkwo a baŋnɨ-a ma wù we meyn ìleŋ ateyn, 63ɨ fu wâyn nyàm mbòloʼ ɨ lûmnɨ̀ ɨ fu kɨmɨ wayn àyaʼ wu ghɨ kɨ bèŋ sɨ ifu i nyoʼnɨ-i, 64ɨ fu kɨmɨ ìfef sɨ ifu na Fɨyini fɨ lesɨ fù mbɨ ŋweyn. 65Wù n-fu meyn kɨmɨ mbòŋsɨ̀ bò nɨ̀ ɨ̀ywaʼ ɨ̀ twâyn nɨ̀ tɨ̀fef tɨ̀ tâyntɨ̀ nɨ̀ woyn njɨ̀ sɨ̀ tâyn ma sɨ chem meyn bèŋ sɨ ifu sɨ nà chi nɨ̀ mbôynɨ̀. À ti ifu zɨ̀ a Abidàn ɨ wâyn Gidiyonì nɨ̀n læ fu.
66À na ghɨ a mɨchi ìvɨm, Ahizà ɨ wâyn Amishadày ɨ wul ɨ̀ tisɨnɨ isas i ndo nɨ̀ Dân ɨ gvì nɨ̀ ìfu i ŋweyni.
67Wu n-læ fu akaŋ a àlèlalel àmòʼ kɨ dɨlɨ̀ chem kilù ìmòʼ nɨ̀ àbeʼa ma ghɨ faytɨ nɨ̀ àso ɨkwo a fɨfâ, nɨ̀ àkaŋ a ghaʼnɨ-a kì a ghɨ n-we mu ateyn ghɨ nà mɨsi-à kɨ dɨlɨ̀ chem ndû kilù ma ghɨ faytɨ kɨ̀mɨ nɨ̀ àso ɨkwo a fɨfâ. Ɨfwo nâ wèyn nô ɨ̀ jɨ̀m nà n-ghɨ kɨ ighel ta ɨfyêʼ ɨ ndô Fɨyini nɨn dyêyn. Ɨ̀nkfɨ̀ŋ nà n-ghɨ ɨkfaŋ nâ ghè ma ghɨ gvâ meyn mɨ̀ faytɨ kfɨ ɨ̀ fyes nɨ̀ mɨ̀vɨ̂l ɨ̀ fù sɨ ifu ɨfwo ɨ yɨnɨ. 68Wù n-fu meyn kɨmɨ àkaŋ a li-a kɨ dɨlɨ̀ chem ndû àbeʼ a kilù ma ghɨ faytɨ nɨ̀ àso ɨkwo a baŋnɨ-a ma wù we meyn ìleŋ ateyn, 69ɨ fu wâyn nyàm mbòloʼ ɨ lûmnɨ̀ ɨ fu kɨmɨ wayn àyaʼ wu ghɨ kɨ bèŋ sɨ ifu i nyoʼnɨ-i, 70ɨ fu kɨmɨ ìfef sɨ ifu na Fɨyini fɨ lesɨ fù mbɨ ŋweyn. 71Wù n-fu meyn kɨmɨ mbòŋsɨ̀ bò nɨ̀ ɨ̀ywaʼ ɨ̀ twâyn nɨ̀ tɨ̀fef tɨ̀ tâyntɨ̀ nɨ̀ woyn njɨ̀ sɨ̀ tâyn ma sɨ chem meyn bèŋ sɨ ifu sɨ nà chi nɨ̀ mbôynɨ̀. À ti ifu zɨ̀ a Ahizà ɨ wâyn Amishadày nɨ̀n læ fu.
72À na ghɨ a mɨchi, Bagìyèl ɨ wâyn Oklàn ɨ wul ɨ̀ tisɨnɨ isas i ndo nɨ̀ Ashà ɨ gvì nɨ̀ ìfu i ŋweyni.
73Wu n-læ fu akaŋ a àlèlalel àmòʼ kɨ dɨlɨ̀ chem kilù ìmòʼ nɨ̀ àbeʼa ma ghɨ faytɨ nɨ̀ àso ɨkwo a fɨfâ, nɨ̀ àkaŋ a ghaʼnɨ-a kì a ghɨ n-we mu ateyn ghɨ nà mɨsi-à kɨ dɨlɨ̀ chem ndû kilù ma ghɨ faytɨ kɨ̀mɨ nɨ̀ àso ɨkwo a fɨfâ. Ɨfwo nâ wèyn nô ɨ̀ jɨ̀m nà n-ghɨ kɨ ighel ta ɨfyêʼ ɨ ndô Fɨyini nɨn dyêyn. Ɨ̀nkfɨ̀ŋ nà n-ghɨ ɨkfaŋ nâ ghè ma ghɨ gvâ meyn mɨ̀ faytɨ kfɨ ɨ̀ fyes nɨ̀ mɨ̀vɨ̂l ɨ̀ fù sɨ ifu ɨfwo ɨ yɨnɨ. 74Wù n-fu meyn kɨmɨ àkaŋ a li-a kɨ dɨlɨ̀ chem ndû àbeʼ a kilù ma ghɨ faytɨ nɨ̀ àso ɨkwo a baŋnɨ-a ma wù we meyn ìleŋ ateyn, 75ɨ fu wâyn nyàm mbòloʼ ɨ lûmnɨ̀ ɨ fu kɨmɨ wayn àyaʼ wu ghɨ kɨ bèŋ sɨ ifu i nyoʼnɨ-i, 76ɨ fu kɨmɨ ìfef sɨ ifu na Fɨyini fɨ lesɨ fù mbɨ ŋweyn. 77Wù n-fu meyn kɨmɨ mbòŋsɨ̀ bò nɨ̀ ɨ̀ywaʼ ɨ̀ twâyn nɨ̀ tɨ̀fef tɨ̀ tâyntɨ̀ nɨ̀ woyn njɨ̀ sɨ̀ tâyn ma sɨ chem meyn bèŋ sɨ ifu sɨ nà chi nɨ̀ mbôynɨ̀. À ti ifu zɨ̀ a Bagìyèl ɨ wâyn Oklàn nɨ̀n læ fu.
78À na ghɨ a mɨchi njvàsɨ̀ bò, Ahilà ɨ wâyn Enàn ɨ wul ɨ̀ tisɨnɨ isas i ndo nɨ̀ Naftalì ɨ gvì nɨ̀ ìfu i ŋweyni.
79Wu n-læ fu akaŋ a àlèlalel àmòʼ kɨ dɨlɨ̀ chem kilù ìmòʼ nɨ̀ àbeʼa ma ghɨ faytɨ nɨ̀ àso ɨkwo a fɨfâ, nɨ̀ àkaŋ a ghaʼnɨ-a kì a ghɨ n-we mu ateyn ghɨ nà mɨsi-à kɨ dɨlɨ̀ chem ndû kilù ma ghɨ faytɨ kɨ̀mɨ nɨ̀ àso ɨkwo a fɨfâ. Ɨfwo nâ wèyn nô ɨ̀ jɨ̀m nà n-ghɨ kɨ ighel ta ɨfyêʼ ɨ ndô Fɨyini nɨn dyêyn. Ɨ̀nkfɨ̀ŋ nà n-ghɨ ɨkfaŋ nâ ghè ma ghɨ gvâ meyn mɨ̀ faytɨ kfɨ ɨ̀ fyes nɨ̀ mɨ̀vɨ̂l ɨ̀ fù sɨ ifu ɨfwo ɨ yɨnɨ. 80Wù n-fu meyn kɨmɨ àkaŋ a li-a kɨ dɨlɨ̀ chem ndû àbeʼ a kilù ma ghɨ faytɨ nɨ̀ àso ɨkwo a baŋnɨ-a ma wù we meyn ìleŋ ateyn, 81ɨ fu wâyn nyàm mbòloʼ ɨ lûmnɨ̀ ɨ fu kɨmɨ wayn àyaʼ wu ghɨ kɨ bèŋ sɨ ifu i nyoʼnɨ-i, 82ɨ fu kɨmɨ ìfef sɨ ifu na Fɨyini fɨ lesɨ fù mbɨ ŋweyn. 83Wù n-fu meyn kɨmɨ mbòŋsɨ̀ bò nɨ̀ ɨ̀ywaʼ ɨ̀ twâyn nɨ̀ tɨ̀fef tɨ̀ tâyntɨ̀ nɨ̀ woyn njɨ̀ sɨ̀ tâyn ma sɨ chem meyn bèŋ sɨ ifu sɨ nà chi nɨ̀ mbôynɨ̀. À ti ifu zɨ̀ a Ahilà ɨ wâyn Enàn nɨ̀n læ fu.
84À ti ifu zɨ̀ a ghelɨ ghɨ tisɨnɨ a Isìlæ̀ nɨ̀n læ gvi nɨ̀ ìnyeyni ta ghɨ nà n-yisi abaŋ ifu sɨ lem sɨ a nyɨŋ sɨ̂ Fɨyini fɨ. Àŋena nɨn læ chɨ̀yntɨ fu ɨkfaŋ àlèlalel njvàsɨ̀ bò ma ghɨ faytɨ nɨ̀ àso ɨkwo a fɨfâ nɨ̀ ɨ̀kfaŋ ɨ ghaʼlɨnɨ vzɨ̀ a ghɨ n-we mu ateyn ghɨ nà mɨsì-à njvàsɨ̀ bò ma ghɨ faytɨ kɨ̀mɨ nɨ̀ àso ɨkwo a fɨfâ baʼsɨ̂ nɨ̀ ɨ̀kfaŋ ɨlvɨ̀ njvàsɨ̀ bò ma ghɨ faytɨ nɨ̀ àso ɨkwo a baŋnɨ-a. 85Nô mɨ àkaŋ alèlalèl à kà ta ghɨ fàytɨ nɨ̀ àso ɨkwo a fɨfâ nà n-dɨlɨ̀ chem kilù ìmòʼ nɨ̀ àbeʼa, nô mɨ àkaŋ a ghaʼnɨ-a à kà ta ghɨ n-we mu ateyn ghɨ nà mɨsì-à ɨ dɨlɨ̀ chem wi abeʼ a kilù. Yi ti n-dyêyn na ɨkfaŋ vzɨ̀ nô ɨ̀ jɨ̀m a ghɨ n-fàytɨ nɨ̀ àso ɨkwo a fɨfâ nà n-chɨ̂yntɨ̀ dɨlɨ̀ chem kilùsɨ̀ mɨ̀vɨm ɨ̀m bò njvàsɨ̀ nfama kɨ̀ ighel ta ɨfyêʼ ɨ ndô Fɨyini nɨn dyêyn. 86Nô mɨ àkaŋ à kà antêynɨ̀ ɨ̀kfaŋ ghè njvàsɨ̀ bò a ghɨ n-fàytɨ nɨ̀ àso ɨkwo a baŋnɨ-a ɨ we ìleŋ ateyn tì nà n-dɨlɨ̀ chem kilù ìmòʼ nɨ̀ àbeʼa kɨ̀ ighel ta ɨfyêʼ ɨ ndô Fɨyini nɨn dyêyn. Yi ti n-dyêyn na ɨkfaŋ aso ɨkwo a baŋnɨ-a nà n-chɨ̂yntɨ̀ dɨlɨ̀ chem ndû kilù ìmòʼ nì àbeʼa. 87Nyam sìsɨ̀ nô sɨ̀ jɨ̀m a ghɨ n-læ fu sɨ ifu i nyoʼnɨ-i nà n-chɨ̂yntɨ̀ ghɨ woyn nyâm mbòloʼ njvàsɨ̀ bò nɨ̀ ɨ̀ywaʼ njvàsɨ̀ bò nɨ̀ njɨ̀sɨ̀ njvàsɨ̀ bò ma nô mɨ ì ka chem meyn bèŋ. Àŋena nɨn læ fu ɨ baʼsɨ nɨ̀ ìfu ɨfwo ɨ yɨnɨ nɨ̀ àŋena. Ghɨ n-fu tɨfef njvàsɨ̀ bò sɨ ifu na Bôbo Fɨyini lesɨ fù mbɨsɨ àŋena. 88Nyam sìsɨ̀ nô sɨ̀ jɨ̀m a ghɨ n-læ chɨ̀yntɨ fu sɨ ifu sɨ nà chi nɨ̀ mbôynɨ̀ nà n-ghɨ mbòŋsɨ̀ mɨ̀vɨm ɨ̀m bò njvàsɨ̀ kæ̀ nɨ̀ ɨ̀ywaʼ mɨ̀vɨ̂m ntufa nɨ̀ tɨ̀feftɨ mɨ̀vɨ̂m ntufa nɨ̀ njɨ̀sɨ̀ mɨ̀vɨ̂m ntufa, sɨ ghɨ kɨ bèŋ. À ti tɨfu tìtɨ̀ a ghɨ n-læ fu ta ghɨ yìsi abaŋ ifu ɨ̀ lem sɨ a nyɨŋ sɨ̂ Fɨyini fɨ. 89Mosìs nà n-zɨ a fɨndo nɨ̀ Bôbo Fɨyini sɨ taŋi ŋêyn Bôbo Fɨyini nô mɨ ɨlvɨ gha, wu yvɨ gyâ Bôbo ta wù n-taŋi sɨ̂ ŋweyn antêynɨ̀ chelùbsɨ̀ atû àntàyntayn a mɨ̂kàyn nɨ̀ Bôbo. À ti dzɨ zɨ̀ a Bôbo Fɨyini nà n-taŋi sɨ̂ Mosìs ateyn.