Isaiah 55
This book is a draft. It has been translated but has not yet finished checking, and is published here so the community can read and respond to it.
3Yì gvi ɨ̀ tòʼ yvɨ̀tɨ ìwo zɨ̀ a mɨ n-bê. Yì (bɨmi) faytɨ yvɨ̀tɨ a ka yì na kelɨ ìchi zɨ̀ a yi læ̀ mæ̂ wi. Yì kæ yvɨ, a ghesɨ̀nà yɨ mɨkâyn a mà dyeyn ikôŋ i mɨ̂kàyn nɨ̀ mà zɨ-ì a mɨ n-læ chfɨ̀nɨ sɨ̂ Devìt.
4Mɨ n-nî meyn Devìt ɨ nà fêʼtɨ̀ ta mɨ n-ghɨ sɨ̂ tɨ̀laʼ tɨ mbzɨtɨ. Mɨ n-læ lèm ŋweyn na wù na ghɨ wul ɨ tisɨnɨ sɨ̂ tɨ̀laʼ tɨ mbzɨtɨ.
5Wu n-nì lî gvî nɨ̀ tɨ̀laʼ sɨ̂ mà. Wu nì lî gvî nɨ̀ tɨ̀laʼ tɨ bula wù tî nà kya. À n-ghɨ tɨ̀laʼ boŋ kya wi ŋweyn. Tɨlaʼ tɨ ateyntɨ læ̀ nà nyɨŋ gvì sɨ chɨ̀yntɨ zɨ bòm mà Bôbo Fɨyini ɨ Fɨyini fifɨ. Àŋena læ̀ nà gvi-à bòm ta mà ɨ Fɨyini fɨ laynɨ fɨ nɨ̀ ghelɨ Isìlæ̀ boysɨ meyn zɨ̀ yi na kelɨ ìghaʼ.
6Yì na kɨŋ læ̂ Bôbo Fɨyini lvɨ̂yn , ɨ zɨ ghì a yì kàʼ a yì yeyn ŋweyn. Yì na dzɨ̀ læ̂ sɨ̂ ŋweyn lvɨ̂yn ɨ zɨ ghì a wù n-baʼsɨ sɨ̂ zɨ̀.
7Ghelɨ ghì a ghɨ mo Fɨyini vìsi nchînɨ̀ àyùŋ ayuŋ. Ghelɨ ghì a ghɨ n-nì awo a bɨ-a visi tɨkfâʼtɨ̀ tɨ àyùŋ ayuŋ tì a àŋena nɨn kelɨ. Àŋena kasi gvì sɨ̂ Bôbo Fɨyini ta ka wù koynsɨ isuyn sɨ̂ àŋena. Àŋena kasi gvì sɨ̂ Fɨyini fɨ ghesɨ̀nà fɨ bòm ta wu nì lêsɨ̀ fu mbɨsɨ àŋena.
8Bôbo Fɨyini nɨn bè na, “Ikfâʼtɨ̀ ì yemi nɨn ghɨ wi ta ikfâʼtɨ̀ ì zɨ-i. Mà lum nî wì awo à kema a dzɨ ghê a yi n-nî aki-a ateyn.
9Kɨ̀ ighel ta iyvɨ-i nɨn ghɨ a ndyèyn sɨ̂ nse. Yi n-ghɨ kɨmɨ ta dzɨ zɨ̀ a mɨ n-nî awo ateyn nɨn ghɨ sɨ a nyɨŋ sɨ̂ dzɨ̀ zɨ̂ a yi n-nî awo à ki-a ateyn. Yi n-ghɨ kɨmɨ ighel, mɨ n-kfâʼtɨ̀ wì awo a dzɨ ghè a yi n-kfâʼtɨ̀ awo ateyn.
10Ivɨ-i nɨ̀ àwo-a ni-à suʼî a nse kɨi bû kàsi kòʼ iyvɨ bula kɨ yvɨ̂sɨ̀ nse. Ki n-ni-à yvɨ̂sɨ̀ nse ɨfwo kæ sɨ nà lemâ. Wù lema wùl ɨ̀ vzɨ̀ a wù tòʼ wu kelɨ ngœ ifɨ, wùl ɨ̀ vzɨ̀ a wù n-yɨ yɨ kelɨ ɨ̀fwo ɨ yɨnɨ.
11Yi n-ghɨ kɨmɨ ighel ta gyà yem nɨn ghɨ, gyà yem kàʼ yi bû lè salû. Gyà yem nɨn kelɨ sɨ ni kɨ iwo zɨ̀ a mà bè na yi na ghɨ-a. Iwo zɨ̀ a mà bè na yi læ̀ gaynà nɨn kelɨ sɨ læ̀ sɨ gayn kɨ tî.”
12Samoʼ, yì læ̀ lû sɨ a ndo àkòs a Babilòn nɨ̀ ìsaŋlɨ-i. Fɨyini fɨ læ̀ nà tisɨ̂ zɨ̀ nɨ̀ mbôynɨ̀, kɨ̂ŋtɨ̀ zɨ̀. Yì læ̀ se sɨ fvɨ sɨ a ilaʼ afu a kfɨynsɨ na chɨŋ tèyn ta à n-chɨŋ ghelɨ yem njàŋsɨ̀ nɨ̀ gyasɨ tosɨ. ɨ̀nkàʼ læ̀ nà saŋlɨ-à buʼ ɨ̀wu.
13Àlàmse a læ̀ nà fu dzɨ a ɨ̀nkàʼ mɨ̀ àgùm na lemâ. Àmbyèyn akù a læ̀ fu dzɨ sɨ̂ ɨ̀nkàʼ mɨ̀ Mitèl. Awo nâ kèynà læ̀ ni-à a yì na bêtɨ̀ àwo kì a Bôbo Fɨyini nì meyn. Iyeyn nâ yèynì nɨn ghɨ nchwœ ma yì faŋ meyn kɨ̀ samoʼ. À n-ghɨ nchwæ wùl ɨ ghɨ wi sɨ læ̀ sɨ nì na yì le.