Isaiah 54
This book is a draft. It has been translated but has not yet finished checking, and is published here so the community can read and respond to it.
Fɨyini fɨ chfɨ̀nɨ na Jèlusalèm læ̀ nà ghɨ àlêʼ a ngaŋtɨnɨ-a.
1Bôbo Fɨyini nɨn bè sɨ̂ ghelɨ Jèlusalèm na, “Akaynà na yem njàŋsɨ̀ nɨ̀ gyà ito saŋlɨ-à. Wayn bû tìm lùm vâ. Woyn wûl ɨ wi vzɨ̀ a wù n-kelɨ wi lum læ̀ dvɨ tèyn chwo ɨghɨ wul ɨ wi vzɨ̀ a ghɨ bzɨ ŋêyn lum (lûm ŋweyn).
2Bàʼlɨ (ghaʼsɨ) ɨtwo vzɨ̀ a wà n-chi ateyn ɨ gùbtɨ̀ kfɨ̀sɨ sɨ kum mɨkfɨ̂s mɨ̀ ɨ̀twò. Nàysɨ ndzɨ sìsɨ̀ a wa n-ghaŋsɨ ɨzɨ ɨtwò sɨ na ghaʼa.
3Wa n-ghaʼsɨ̂ àbâs ɨkœ ɨtwo, ghàʼsɨ ndù ɨkœ bolɨ bòm ta woyn woyn ghya læ̀ tɨm yɨ tɨ̀laʼ. Tɨlaʼ tɨ ateyntɨ se sɨ nà ghɨ kɨ tɨ yum a àŋena ndu nà chî a ntèʼ sɨ ghaʼlɨnɨsɨ nɨ̀ àŋena.
4K yi n-fàyn, yì na bu fì wumî wì. Ka yì na fâyn na ghɨ n-wumsɨ̂ zɨ̀. Yi nì lêsɨ̀ àwo a wuminɨ-a kì a yi n-læ nà nî ɨtuʼ ɨ ngwaʼ wùl nɨ̀ zɨ̀, ɨ̀ lèsɨ̀ ìchyeʼ zɨ̀ a ghɨ nà n-chyeʼ zɨ ɨtuʼ ghê a ghɨ n-nì yi nà ghɨ ta ghɨ̀ki nkfɨ.
5Yì læ̀ lêsɨ̀-à bòm ta wùl ɨ̀ vzɨ̀ a wù n-fâyn zɨ nɨn ghɨ lûm vzɨ. Izɨyn i ŋweyni nɨn ghɨ Bôbo Fɨyini ɨ Bò Ɨ̀dwaʼ ɨ̀ Jɨ̀m. À fvɨ̀sɨ̀ Fɨyini fɨ laynɨfɨ nɨ̀ ghelɨ Isìlæ̀ fvɨ̀sɨ̀ zɨ̀ sɨ a ndô àkòs (nchaʼ). Wù n-ghɨ Fɨyini a saʼ kɨ ŋweyn saʼ mbzɨ yèyn ì jɨ̀m.