1 Chronicles 2

Woyn Kalèb Ghɨli

⁴²Ɨghêyn nɨn ghɨ woyn ghɨ lûmnɨ̀ nɨ̀ Kalèb, ɨ wâynà Jelamìl tèyn; Meshà nɨn læ nà ghɨ wayn ŋweyn ɨwû àsɨ, ɨ bzɨ Zîf nɨ̀ Maleshà, Meleshà ɨ lema ɨ bzɨ Heblòn. ⁴³Woyn ghɨ lûmnɨ̀ nɨ̀ Heblòn nɨn læ nà ghɨ Kolà nɨ̀ Tabuwà nɨ̀ Lekèm ŋêyn Shemà. ⁴⁴Shemà nɨn læ nà ghɨ bò Lamàn, Lamàn ɨ ghɨ bò Jokìm. Lekèm ɨ ghɨ bò Shamày. ⁴⁵Shamày nɨn læ nà kelɨ wayn ɨ lûmnɨ̀ ghɨ toŋtɨ̂ na Mayòn, Mayòn ɨ ghɨ bò Betzùl. ⁴⁶Kalèb nɨn læ meyn nà kelɨ ànkùmtɨ̀ a wi izɨyn i ŋweyni ghɨ Efà, wu bzɨ woyn sɨ̂ ŋweyn ghɨ toŋtɨ̂ na Halàn nɨ̀ Mozà nɨ̀ Gazèz. Halàn nɨn læ nà ghɨ bò Gazèz. ⁴⁷Woyn ghɨ lûmnɨ̀ nɨ̀ Jadày nɨn læ̀ ghɨ Legèm nɨ̀ Jotàm nɨ̀ Geshàn nɨ̀ Pelèt nɨ̀ Efà ŋêyn Shâf. ⁴⁸Ànkùmtɨ̀ a wi nɨ̀ Kalèb ki a ghɨ nà jaŋ na Makà nɨn læ nà ghɨ nà Shebà ŋêyn Tìyanà. ⁴⁹A n-læ bzɨ kɨmɨ ŋweyn bzɨ Shâf ta wù nà n-ghɨ bò Màdmanà, ɨ bzɨ Shevà ta wù nà ghɨ bò Makbenà ŋêyn Gibìyà. Kalèb nɨn læ nà kelɨ wayn ɨwi ɨ̀mòʼ ghɨ toŋtɨ̂ na Aksà. ⁵⁰Anôyn a ghelɨ̀ nâ kèyn nô àjɨ̀m a ghɨ n-taŋtɨ kalì têyn nɨn læ nà ghɨ kɨ woyn Kalèb. Woyn ghɨ lûmnɨ̀ nɨ̀ Hûl ta nà n-ghɨ wâyn ɨwû àsɨ nɨ̀ Efratà nɨn læ nà ghɨ Shobal vzɨ̀ a wu n-læ ku ntèʼ Kiliyat Jiyalìm. ⁵¹Salmà nɨn læ ku ntèʼ Betɨ̀lɨ̀hêm, Halèf ɨ ku ntèʼ Bet Gadè. ⁵²Woyn Shobàl ta wu n-læ ku ntèʼ Kiliyat Jiyalìm nɨn læ nà ghɨ Halowè nɨ̀ ghelɨ Manahàt ghɨli. ⁵³Woyn ŋweyn nɨn læ nà ntèʼsɨ Kiliyat Jiyalìm sɨ lisɨ, ghɨ toŋtɨ̂ na, Itlàyt nɨ̀ Pût nɨ̀ Shumàt, baʼsɨ̂ nɨ̀ Zolàt nɨ̀ Estawòl ⁵⁴Woyn Salmà nɨn læ nà ghɨ ghelɨ Betɨ̀lɨ̀hêm nɨ̀ ghelɨ Netofàt, nɨ̀ ghelɨ Atlòt Bet Jowàb, nɨ̀ ghelɨ Manahàt ghɨli, baʼsɨ̂ nɨ̀ ghelɨ Zôl. ⁵⁵Woyn Salmà ghɨli nɨn læ nà nyâʼ ŋwàʼlɨ̀sɨ̀, chi a Jabèz; ɨ ghelɨ Tilàt baʼsɨ̂ nɨ̀ ghelɨ Shimìt, kɨ̀mɨ nɨ̀ ghelɨ Sucàt. Ghelɨ nâ ghèyn nɨn læ nà ghɨ ghelɨ Kên ghì a n-læ ghɨ woyn Hamàt vzɨ̀ a wù n-læ ku ntèʼ Lekàb.