1 Chronicles 3

Woyn Devìt

¹Ɨghêyn nɨn ghɨ woyn ghɨ lûmnɨ̀ nɨn Devìt ghì a wu n-læ bzɨ a Heblòn;

Wayn ɨwu asɨ nɨn læ nà ghɨ Alnòn, izɨyn i nà ŋweyn ɨ ghɨ Ahinòm, ɨ wâyn wùlɨ̀ Jezlìl,

ànkùmtɨ̀ a ghɨ Danyèl, nà ŋweyn ɨ ghɨ Àbigæ̀l.

²Ànkùmtɨ̀ a wayn nɨ̀ ŋweyn a li-a nà n-ghɨ Absalòm, nà ŋweyn ghɨ Makàʼ ɨ wâyn Talmày, ɨ fòyn Geshù.

Wayn ŋweyn ɨ̀lvì nà n-fî ghɨ, ghɨ toŋtɨ̂ na Àdonijà, nà àteyn ɨ ghɨ Hagìt.

³ɨlvì nà fî ghɨ kɨmɨ ghɨ, ghɨ toŋtɨ̂ na Shefatìyà, nà ŋweyn ghɨ Abitàl,

nɨ ɨ̀lvì ghɨ jâŋ na Itlɨ̀m, ma à bzɨ kɨ̀ nô wî ŋweyn Eglà.

⁴Woyn nâ ghèyn ntufa têyn nɨn ghɨ ma ghɨ̀na àŋena nɨn n-læ bzɨ sɨ̂ Devìt a Heblòn, ɨtuʼ ghê a wu n-læ chi afu sɨ a bèŋsɨ̀ nsòmbo nɨ̀ njoŋsɨ ntufa tî. Devìt nɨn læ nà ghɨ fòyn a Jèlusalèm sɨ a bèŋ mɨ̀vɨm ɨ̀ntal, njvà sɨ̀ tal. ⁵A n-læ nà ghɨ ta Devìt nɨ̀n ghɨ a Jèlusalèm, wu bzɨ woyn ghèyn afu; ɨ Shamùwà nɨ̀ Shobàb nɨ̀ Natàn baʼsɨ̂ nɨ̀ Solomùyn. Woyn nâ ghèyn têyn ghɨ̀kæ̀ nɨn ghɨ ma wu n-læ bzɨ ŋêyn wi ŋweyn Batshebà, ɨ wâyn Amìyèl. ⁶Wu n-læ meyn fi bzɨ kfeynsɨ woyn ghɨli; ɨ Ibà nɨ̀ Èlishùwà nɨ̀ Elifelèt, ⁷Baʼsɨ̂ nɨ̀ Nogà nɨ̀ Nefèk nɨ̀ Jafìyà, ⁸kɨ̀mɨ nɨ̀ Elishamà nɨ̀ Èliyadà ŋêyn Elifelèt. Àŋena nà n-chɨ̂yntɨ̀ ghɨ nfama. ⁹Woyn nâ ghèyn nô ghɨ̀ jɨ̀m nɨn læ nà ghɨ kɨ woyn Devìt, sɨ jæ sɨ baʼsɨ nɨ ɨghî a wu n-læ bzɨ ŋêyn ghɨ̀kì ghɨli abe. Devìt nɨn læ meyn nà kelɨ kɨmɨ wâyn ɨwi, ɨzɨyn iŋweyni ɨ ghɨ Tamà.

Ajâŋ a Fòyn Solomùyn

¹⁰Lehobwàm nɨn læ nà ghɨ wâyn Fòyn Solomùyn, Àbijà ɨ ghɨ wâyn Lèhobwàm, Asa ɨ ghɨ wâyn Àbijà, Jèhoshafàt ɨ ghɨ wâyn Asà. ¹¹Jèholàm nɨn læ nà ghɨ wâyn Jèhoshafàt, Àhazìyà ɨ ghɨ wâyn Jèholàm, Jùwâsh ɨ ghɨ wâyn Ahazìyà. ¹²Juwàsh nɨn læ meyn lema ɨ bzɨ Àmazìyà, Àmazìyà ɨ lema ɨ bzɨ Àzalìyà, wu læ koʼ bzɨ Jotàm. ¹³Jotàm nɨn læ meyn bzɨ wayn ghɨ toŋtɨ̂ na Ahàz, Ahàz ɨ læ lema ɨ bzɨ Hèzèkayà, Hèzèkayà ɨ bzɨ Mànasè. ¹⁴Wâyn Mànasè nɨn læ nà ghɨ Amòn, Amòn ɨ ghɨ bò Jòsayà. ¹⁵Jòsayà nɨn læ meyn bzɨ ɨ ghɨ ŋweyn woyn ghɨ̀ kæ̀, wayn ɨwû àsɨ ɨ ghɨ Jòhanàn, ànkùmtɨ̀ a ghɨ Jèhoykìm, ànkùmtɨ̀ a li-a fî ghɨ Zèdèkayà, kɨ̀mɨ nɨ̀ ɨlvì ghɨ toŋtɨ̂ na Shalùm. ¹⁶Akeynà nɨn ghɨ àzɨyn a woyn nɨ̀ Jèhoykìm tèyn; ɨ Jèhoyachìn ŋêyn Zèdèkayà.

Ajâŋ a Fòyn Jèhoyachìn

¹⁷Akêynà nɨn ghɨ àzɨyn a woyn nɨ̀ fòyn Jèhoyachìn vzɨ̀ a ghɨ n-læ gvi ghal ɨ lù nɨ̀ ŋweyn tì; a n-læ nà ghɨ Sheltìyèl, ¹⁸nɨ̀ Malkilàm nɨ̀ Pèdayà, nɨ̀ Shenazà, nɨ̀ Jèkamayà, baʼsɨ̂ nɨ̀ Hoshama ŋêyn Nèdabayà. ¹⁹Woyn Pèdayà nɨn læ nà ghɨ Zèlubàbêl ŋêyn Shimèy. Woyn Zèlubàbêl nɨn læ nà ghɨ Meshulàm nɨ̀ Hànànây, baʼsɨ̂ nɨ̀ wayn ɨwi ghɨ toŋtɨ̂ na Shelomìt. ²⁰Zèlubabêl nɨn læ meyn nà kelɨ kɨmɨ woyn ghɨli ghɨ toŋtɨ̂ na Hashubà nɨ̀ Ohèl nɨ̀ Bèlèkayà nɨ̀ Hàsàdayà, baʼsɨ̂ nɨ̀ Jùshab-Hesèd. ²¹Woyn Hànànayà nɨn læ nà ghɨ Pèlàtayà nɨ̀ Jèshayà, Jèshayà ɨ bzɨ wayn ghɨ toŋtɨ̂ na Lèfayà, Lèfayà ɨ lema bzɨ ɨwû ŋweyn ghɨ toŋtɨ̂ na Alnàn, Alnàn ɨ bzɨ wayn izɨyn iŋweyni ɨ ghɨ Obàdayà, Obàdayà ɨ læ bzɨ Shèkànayà. ²²Ajâŋ a Shèkànayà nɨn læ nà ghɨ Shèmayà baʼsɨ̂ nɨ̀ woyn ŋweyn Hatùsh nɨ̀ Igàl nɨ̀ Baliyà, nɨ̀ Neliyà ŋêyn Shafàt. Àŋena nà n-chɨ̂yntɨ̀ ghɨ ntufa. ²³Woyn Nelìyà nɨn læ nà chɨ̂yntɨ̀ ghɨ ghɨ̀tal, a ghɨ Èliyonày nɨ̀ Hìzkayà ŋêyn AliKàm. ²⁴Èliyonày nɨn læ nà chɨ̂yntɨ̀ kelɨ woyn nsòmbo, a ghɨ Hòdàvayà, nɨ̀ Èliyashìb nɨ̀ Bèlayà nɨ̀ Akùb nɨ̀ Jòhanàn ŋêyn Dèlayà baʼsɨ̂ nɨ̀ Ananì.