Psalms 13
This book is a draft. It has been translated but has not yet finished checking, and is published here so the community can read and respond to it.
Ijêm i wûl ta wù zɨ a ngeʼ, Fɨyini fɨ fvɨsɨ̀ ŋweyn
Njàŋ ta Devìt nɨ̀n læ betɨ na nchfɨ̀ njàng na fu-a ghɨ yema.
1Wa ti n-læ̀ lêsɨ̀ mà a BÔBO ndù chèm ti a? Wa ti n-lêsɨ̀ mà kɨ̀ samoʼ ma?
Wa ti n-bèyn jɨm sɨ̂ mà ndù chèm ti a?
2Mà ti læ̀ kayn mbzɨ tèyn ndù chèm ti a?
A mà ti n-faŋa nà chî dzɨ̂ kɨ tèyn?
Mbàynɨ̀ semsɨ ti læ̀ yeʼtɨ̂ mà têyn ndù chèm ti a?
3Bôbo Fɨyini femfɨ Ki ngeʼ yem ɨ gàmtɨ̀ mà.
Yès mɨsɨ mèyn sɨ a ma asɨ a BÔBO Bu tì a ikfɨ-i li ma;
4bu tì a mbàynɨ̀ semsɨ na dyala bê na, ‘Ghesɨ to meyn chwò ŋweyn’,
Ka n-vìsi mbàynɨ̀ semsɨ na saŋlɨ-à bê na ‘Iyi ŋweyni sɨ mæ̂ ndû kɨ ndu ti’.
5Nô mɨ tì a BÔBO, Mà na samsɨ̂ kɨ và, Bòm ìkôŋ i mɨ̂kàyn nɨ̀ và;
Mà na saŋlɨ-à bòm ta wà bœsɨ meyn mà.
6Mà na yem njàŋsɨ̀ a BÔBO, koʼsɨ̂ và.
Wà ni meyn a jûŋ sɨ̂ mà.