Psalms 12
This book is a draft. It has been translated but has not yet finished checking, and is published here so the community can read and respond to it.
Gàmtɨ wul ɨ̀ vâ a Fɨyini fɨ̀
Njàŋ ta Devìt nɨn læ betɨ ɨ fu sɨ̂ nchfɨ̀ njàŋ na ghɨ na yema buʼ “ ìluŋ i mɨnchaʼ nfama.”
1Gàmtɨ ghes a Bôbo Fɨyini Ghelɨ ghì a ghɨ n-fâyn vâ mæ̂ meyn mèsì;
Wùl ɨ̀ bu ghɨ wi a wù n-yvɨnɨ vâ.
2Nô mɨ ndà nɨn wam kɨ ànkaŋ sɨ̂ wâyn nì;
Itaŋi ɨchfɨ̀ nɨ̀ àŋena nɨn fom kɨ tèyn mɨtì a gôʼ kɨ ànkàŋ Àŋena nɨn ghɨ ghelɨ gyâ sɨ̀ bò.
3Mɨ n-jêm na Bôbo Fɨyini chɨmsɨ achfɨ̂ a àŋena
Mɨ n-jêm na Bôbo Fɨyini teynsɨ itaŋi idyal nɨ̀ àŋena nâ zɨ̀.
4Àŋena nɨn bê na, “Ghèsɨ̀ bè nô mɨ na gha, a yi kfeyn kɨ̀ tî;
Ghès nɨn bê nô mɨ ghà ta ghès nɨn kôŋ Wùl ɨ ghɨ wi sɨ saʼ ghes.”
5Bôbo Fɨyini na sɨ bê na: Ma yeyn meyn ta ghɨ n-nyâblɨ̀ nɨ̀ ghelɨ ghɨ bolɨ,
Ma yvɨ meyn ta ghelɨ ànfɨf nɨn dzɨ̂,
Ɨlvɨ kfeyn meyn na mà gamtɨ àŋena.
Mà na kɨ̂ŋtɨ̀ àŋena kɨ̀ ta àŋena nɨn kɨŋ.
6Bôbo Fɨyini nɨ̀n taŋî kɨ samoʼ,
Itaŋi i ŋweyni nɨn layn kɨ ta aso ɨkwo a fɨfâ,
Ɨlvɨ ta ghɨ fàytɨ tsɨ alàm a juŋa.
7Bôbo Fɨyini feyfɨ, wa kɨ̂ŋtɨ̀ ghès ghelɨ ànfɨf,
Kɨ̀ŋtɨ ghes sɨ̂ ghelɨ awo a bɨ-a ghèyn sɨ a mɨlvɨ ɨ̀n jɨ̀m.
8Ghelɨ ghɨ bɨ nâ ghèyn nɨn dêŋsɨ̀ koʼ kɨ tèyn kalì-à
Wùl ɨ̀ mɨ̀sòŋ ɨ ghaʼsɨ̂ kɨ nchînɨ̀ ibɨ.