Psalms 1
This book is a draft. It has been translated but has not yet finished checking, and is published here so the community can read and respond to it.
Njùŋ wùl àtì-ati nɨ̀ ngòʼsɨ wùl àwo a bɨ-a
1Njùŋ nɨ̀n ghɨ sɨ̂ wùl ɨ̀ vzɨ̀ a wù n-jelɨ wi ŋêyn ghelɨ awo a bɨ-a,
Nî wì awo kì a ghelɨ ghɨ bɨ nɨn nî,
Chɨ̂yntɨ̀ wì anôyn a ghelɨ ghì a ghɨ n-chêysɨ̀ ghelɨ Fɨyini.
2Mɨtì, a fom kɨ ìwo i Fɨyini sɨ̂ ŋweyn,
Ikfâtɨ̀ i ŋweyni nô ì jɨ̀m i ti kɨ iwo nɨ̀ Bôbo Fɨyini mɨlvɨ ɨ̀n jɨ̀m.
3Wùl àteyn nɨn ghɨ ta fɨkâʼ a ghɨ yel a mbæ̀ jvà,
Kolâ mɨ̀tam kɨ̀ ɨlvɨ,
tɨfvɨ tɨ ateyn tɨ ɨ lum yum wi,
Wu lêm àwu nô mɨ a gha yi nà ndû kɨ nɨ̀ àsɨ-a.
4Mɨtì, yi ghɨ wi tî sɨ̂ ghelɨ ghɨ bɨ,
Àŋena nɨn ghɨ tèyn ta ɨywafà,
afyef a tâynsɨ̀-à.
5Yi ti n-ndyêyn na ghelɨ mɨtem ɨmbɨ̂ læ̀ fê nsaʼ.
A ghelɨ awo a bɨ-a læ̂ nà kelɨ wi alêʼ antêynɨ̀ nɨ̀ ghelɨ ghɨ jûŋ.
6Yi n-ghɨ tèyn bòm ta, Bôbo Fɨyini nɨ̀n tisɨ ghelɨ àtì-ati,
Mɨtì ghelɨ awo a bɨ-a ndû kɨ ibebsɨ.