Joshua 19

Ghɨ fu ɨlwêʼ sɨ̂ ghelɨ isas i ndo nɨ̀ Simìyòn

¹Ànkùmtɨ̀ isas i ndo sɨ keli alêʼ nà n-ghɨ ghelɨ isas i ndo nɨ̀ Simìyòn kɨ̀ ɨchfɨ ndo ɨchfɨ ndo. Alêʼ a àŋena nà n-ghɨ antêynɨ̀ ɨ̀lwèʼ nɨ̀ ghelɨ isas i ndo nɨ̀ Judà.

²Ɨlwêʼ ateyn nà n-ghɨ ntèʼ Beshebà, a ghɨ kɨmɨ Shebà nɨ̀ ntèʼ Moladà, ³nɨ̀ ntèʼ Haza Shuwàl, nɨ̀ Balà nɨ̀ Ezèm, ⁴nɨ̀ ntèʼ Eltolàd, nɨ̀ Betùl, nɨ̀ Homà, ⁵nɨ̀ ntèʼ Ziklàg nɨ̀ Bet Makabòt, nɨ̀ Haza Susà, ⁶nɨ̀ ntèʼ Bet Lebòt nɨ̀ Shaluhèn. Ntèʼsɨ ghaʼlɨnɨnsɨ nà n-chɨ̂yntɨ̀ ghɨ njvàsɨ̀ tal nɨ̀ ntèʼsɨ telâsɨ̀.

⁷Ntèʼsɨ ghaʼlɨnɨ sɨ lisɨ nà n-ghɨ sɨ̀ kæ̀, a ghɨ ntèʼ Ayìn nɨ̀ ntèʼ Limòn nɨ̀ ntèʼ Età nɨ̀ ntèʼ Ashàn baʼsɨ̂ nɨ̀ ntèʼ sɨtelâsɨ̀. ⁸Ghɨ n-fu meyn kɨmɨ mɨ̀ntèʼtɨ̂ ɨ̀n lì a ngùŋ ntèʼsɨ nâ ghàyn sɨ kàlì sɨ ndù a Balat-Bæ̂ ma à ti Lamà a nse ìyum abàs itsɨyn.

À ti ɨlwêʼ vzɨ̀ a ghɨ n-fu sɨ̂ ghelɨ isas i ndo nɨ̀ Simìyòn kɨ̀ ɨchfɨ̀ ndo ɨchfɨ̀ ndo. ⁹Ghɨ n-lì ɨlwêʼ nâ wèyn alèʼ nɨ̀ ghelɨ isas i ndo nɨ̀ Judà bòm ta àŋena nà n-kelɨ àlêʼ kɨ ghaʼ chwôsɨ̀-à.

Ghɨ fu ɨlwêʼ sɨ̂ ghelɨ isas i ndo nɨ̀ Zebulòn

¹⁰Ghɨ n-fi meyn fu kɨmɨ ɨ̀lwêʼ sɨ̂ ghelɨ isas i ndo nɨ̀ Zebulòn kɨ̀ ɨchfɨ ndo ɨchfɨ ndo sɨ kàli kɨ têyn sɨ chem a ntèʼ Salìd. ¹¹Ighami ateyn i nà n-dyâŋ ndû chem abàs a ntèʼ Malalà, yi fi ndu chem a ntèʼ Dabeshèt ɨ fi ndu chem afoŋlɨ a ngùŋ Joknèm. ¹²Ighami ateyn i nà lû a ntèʼ Salìd yi ngol ndù dzɨ abàs ghè a ɨchfɨ iyvɨ i nɨn sal ateyn a ntèʼ Kislot Tabò, ɨ lù afu ɨ ndù dzɨ a Dabelàt ɨ koʼ ndù a Jafìyà. ¹³Yi nà n-fî lû afu yi dyaŋ ndù dzɨ abàs a ntèʼ Gat Hefà nɨ̀ Et Kazìn ɨ ndu fvɨ̀ a Limòn, ɨ ngol ndù dzɨ a ntèʼ Neyà. ¹⁴Ighami ateyn i nà n-lû a ntèʼ Neyà, yi kali ndù dzɨ a ntèʼ Hanatòn ɨ kàli chem afoŋlɨ a Ifta El. ¹⁵Ntèʼsɨ Katà nɨ̀ Nahalàl nɨ̀ Shimlòn nɨ̀ Idalà nɨ̀ Betɨ̀lèhêm nà n-baʼsɨ̂ kɨmɨ ateyn. Ntèʼsɨ ghaʼlɨnɨsɨ nà n-chɨ̂yntɨ̀ ghɨ njvàsɨ̀ bò nɨ̀ ntèʼsɨ telâsɨ̀.

¹⁶À ti ntèʼsɨ ghaʼlɨnɨ sìsɨ̀ a ghɨ n-læ fu sɨ̂ ghelɨ isas i ndo nɨ̀ Zebulòn kɨ̀ ɨchfɨ ndo ɨchfɨ ndo baʼsɨ̂ nɨ sɨtelâsɨ̀.

Ghɨ fu ɨlwêʼ sɨ̂ ghelɨ isas i ndo nɨ̀ Isakà

¹⁷Ghɨ n-fi fu ɨlwêʼ sɨ̂ ghelɨ isas i ndo nɨ̀ Isakà kɨ̀ ɨchfɨ̀ ndo ɨchfɨ̀ ndo. ¹⁸Ɨlwêʼ àŋena nà n-ghɨ ntèʼ Jezlèl nɨ̀ Kesulòt nɨ̀ Shunèm, ¹⁹nɨ̀ Hafalèm nɨ̀ Shiyòn nɨ̀ Anahalàt, ²⁰nɨ̀ Labìt nɨ̀ Kishìyòn nɨ̀ Ebèz, ²¹nɨ̀ Lemèt nɨ̀ En Ganìm nɨ̀ En Hadà baʼsɨ̂ nɨ̀ Bet Bazèz. ²²Ighami àŋena nà n-ndû chem a ntèʼ Tabò nɨ̀ Shahàzumà nɨ̀ Bet Shemèsh ndû mæ̂ a mbæ̀ jvà Jodàn. Ntèʼsɨ ghaʼlɨnɨsɨ nà n-chɨ̂yntɨ̀ ghɨ njvàsɨ̀ ntufa baʼsɨ̂ nɨ̀ ntèʼsɨ telâsɨ̀.

²³À ti ntèʼsɨ ghaʼlɨnɨ sìsɨ̀ a ghɨ n-læ fu sɨ̂ ghelɨ isas i ndo nɨ̀ Isakà kɨ̀ ɨchfɨ ndo ɨchfɨ ndo baʼsɨ̂ nɨ sɨtelâsɨ̀.

Ghɨ fu ɨlwêʼ sɨ̂ ghelɨ isas i ndo nɨ̀ Ashà

²⁴Ghɨ n-fu meyn kɨmɨ ɨ̀lwêʼ sɨ̂ ghelɨ isas i ndo nɨ̀ Ashà kɨ̀ ɨchfɨ ndo ɨchfɨ̀ ndo. ²⁵Ɨlwêʼ àŋena nà n-ghɨ;

Helkàt nɨ̀ Halì nɨ̀ Betèn nɨ̀ Akshàf, ²⁶nɨ̀ Alamelèk nɨ̀ Amàd baʼsɨ̂ nɨ̀ Mishàl. Ighami àŋena abàs injɨyn nà n-ndû chem a kfɨyn Kamèl nɨ̀ ntèʼ Shiho Libnàt, ²⁷ɨ̀ lù afu, yi ngol ndù dzɨ a ntèʼ Bet Dagòn ɨ fi ndu chem a Zebulòn nɨ̀ àfoŋlɨ a Ifta El à. Yi nà n-lû afu yi koʼ ndù dzɨ a ntèʼ Bet Emèk nɨ̀ ntèʼ Nêl nɨ̀ Kabùl. ²⁸Yi nà n-ndû chem kɨmɨ a Abdòn nɨ̀ Lehòb nɨ̀ Hamòn nɨ̀ Kanà fî ndû chem a ntèʼ ighaʼnɨ afî a ghɨ nà n-toŋtɨ na Sidòn. ²⁹Ighami ateyn i nà n-lû afu, yi kasi ngol ndù dzɨ a Lamà ɨ fi ndu chem a ntèʼ Tayà, yi ghɨ antêynɨ̀ mbàyn, ɨ̀ lù sɨ afu yi ngol ndù dzɨ a Hosà ɨ ndu fvɨ̀ a ɨchfɨ jvâ ìghaʼnɨ abàs a Akzìb, ³⁰nɨ̀ Umà nɨ̀ Afèk baʼsɨ̂ nɨ̀ Lehòb. Ntèʼsɨ ghaʼlɨnɨsɨ nà n-chɨ̂yntɨ̀ ghɨ mɨ̀vɨm ɨ̀m bò njvàsɨ̀ bò baʼsɨ̂ nɨ̀ ntèʼsɨ telâsɨ̀.

³¹À ti ntèʼsɨ ghaʼlɨnɨ sìsɨ̀ a ghɨ n-læ fu sɨ̂ ghelɨ isas i ndo nɨ̀ Ashà kɨ̀ ɨchfɨ ndo ɨchfɨ ndo baʼsɨ̂ nɨ sɨtelâsɨ̀.

Ghɨ fu ɨlwêʼ sɨ̂ ghelɨ isas i ndo nɨ̀ Naftalì

³²Ghɨ n-fu meyn kɨmɨ ɨ̀lwêʼ sɨ̂ ghelɨ isas i ndo nɨ̀ Naftalì kɨ̀ ɨchfɨ ndo ɨchfɨ ndo.

³³Ighami àŋena nà n-lû a ntèʼ Helèf a ngùŋ fɨ̀kàʼ fɨ ghaʼnɨfɨ afî a fɨ nà n-ghɨ a Zananìm, ndû chwô Adami Nekèb nɨ̀ Jabnìl ndû dzɨ a Lakùm, ndû chem a jvâ Jodàn. ³⁴Ighami ateyn i nà n-lû afu, yi dyaŋ ɨ chwò a Aznot Tabò ɨ gvi fvɨ̀ a Hukòk. Yi nà n-lû a Hukòk, yi ndu chem a Zebulòn abàs itsɨyn ɨ dyaŋ ndù dzɨ a Ashà ɨ kasi dyaŋ ndù dzɨ a jvâ Jodàn. ³⁵Ntèʼ sîsɨ̀ a sɨ nà n-ghɨ antêynɨ̀ mbàyn nà n-ghɨ; Zidìm nɨ̀ Zâ nɨ̀ Hamàt nɨ̀ Lakàt nɨ̀ Kinelèt, ³⁶nɨ̀ Adamà nɨ̀ Lamà nɨ̀ Hazò, ³⁷nɨ̀ Kedèsh nɨ̀ Edlè nɨ̀ En Hazò, ³⁸nɨ̀ Ayòn nɨ̀ Migdal Êl nɨ̀ Holèm nɨ̀ Bet Anàt nɨ̀ Bet Shemèsh. Ntèʼsɨ ghaʼlɨnɨsɨ nà n-chɨ̂yntɨ̀ ghɨ njvàsɨ̀ bulamòʼ baʼsɨ̂ nɨ̀ ntèʼsɨ telâsɨ̀.

³⁹À ti ntèʼsɨ ghaʼlɨnɨ sìsɨ̀ a ghɨ n-læ fu sɨ̂ ghelɨ isas i ndo nɨ̀ Naftalì kɨ̀ ɨchfɨ ndo ɨchfɨ ndo baʼsɨ̂ nɨ sɨtelâsɨ̀.

Ghɨ fu ɨlwêʼ sɨ̂ ghelɨ isas i ndo nɨ̀ Dan

⁴⁰Ghɨ n-læ fu gòʼsɨ ɨlwêʼ sɨ̂ ghelɨ isas i ndo nɨ̀ Dân kɨ̀ ɨchfɨ ndo ɨchfɨ̀ ndo. ⁴¹Ɨlwêʼ àŋena nà n-baʼsɨ̂ nɨ̀ ntèʼ Zolà nɨ̀ Eshtòl nɨ̀ Il Shemèsh, ⁴²nɨ̀ Shalabìn nɨ̀ Ayjalòn nɨ̀ Itlà, ⁴³nɨ̀ Elòn nɨ̀ Timnà nɨ̀ Eklòn, ⁴⁴nɨ̀ Eltekè nɨ̀ Gibetòn nɨ̀ Balàt, ⁴⁵nɨ̀ Jehùd nɨ̀ Bene Belàk nɨ̀ Gat Limòn, ⁴⁶nɨ̀ Me Jakòn nɨ̀ Lakòn nɨ̀ àlêʼ kì a kɨ nà n-keʼnɨ Jobà.

⁴⁷Ghɨ n-læ fu mɨ ɨ̀lwêʼ nâ wèyn sɨ̂ ghelɨ isas i ndo nɨ̀ Dân tì, àŋena wo sɨ ghal, mbàynɨ̀sɨ̀ ɨ ghal fsɨ. Ghɨ n-ghal fsɨ tî, àŋena ɨ lu koʼ ndù dzɨ abàs ikuè ɨ tɨm yɨ Leshèm ɨ ghal fsɨ ntèʼ àteyn ɨ nà sɨ chî ateyn. Àŋena nɨ̂n se sɨ chi a ntèʼ nâ ghàyn, ɨ kfɨnɨ ìzɨyn ateyn ɨ chfɨ̀ na Dan ma à ti izɨyn i bò bò àŋena.

⁴⁸À ti ntèʼsɨ ghaʼlɨnɨ sìsɨ̀ a ghɨ n-læ fu sɨ̂ ghelɨ isas i ndo nɨ̀ Dan kɨ̀ ɨchfɨ ndo ɨchfɨ ndo baʼsɨ̂ nɨ sɨtelâsɨ̀.

Ghɨ fu ɨlwêʼ sɨ̂ ghelɨ isas i ndo nɨ̀ Joshwà

⁴⁹À nà n-ghɨ ta ghɨ gwòtɨ̀ mèsì ɨlwêʼ sɨ̂ ghelɨ Isìlæ̀, ɨ fu alêʼ sɨ̂ Joshwà, ɨ wâyn Nûn a àŋena antêynɨ̀. ⁵⁰Àŋena nɨn fu ntèʼ Timnat Selà atû kfɨ̀yn a Eflèm, a ghɨ ɨzɨ̂ a Joshwà nɨ̂n bɨf. Bôbo nà n-ghɨ ma wù bè meyn na Joshwà bɨf nô mɨ ntèʼ ì kà ghɨ fu sɨ̂ ŋweyn. Joshwà ɨ bàʼlɨ̀ ntèʼ nâ zɨ̀ ɨ nà chî ateyn.

⁵¹À ti ɨlwêʼ vzɨ̀ a Elezà ɨ ngàŋ ndô Fɨyini ŋêyn Joshwà, ɨ wâyn Nûn nɨ̀ ghelɨ ghɨ tisɨnɨ asas a ndo nɨ̀ ghelɨ Isìlæ̀ nɨn læ chɨ̀yntɨ gwòtɨ sɨ̂ àsas a ndo nɨ̀ ghelɨ Isìlæ̀. Àŋena nɨn læ gwòtɨ ma ghɨ tɨm bèyʼ asɨ nɨ̀ Bôbo Fɨyini a Shilò sɨ yeyn na Bôbo nɨn kɨŋ na àŋena gwotɨ ti ɨlwêʼ ateyn a. À ti dzɨ zɨ̀ a àŋena nɨn læ gwòtɨ mèsi ɨlwêʼ nâ wèyn ateyn.