Isaiah 20
This book is a draft. It has been translated but has not yet finished checking, and is published here so the community can read and respond to it.
Saʼgha kûm ghelɨ Ijìb nɨ̀ ghelɨ Kûsh
1À n-læ nà ghɨ a bêŋ ghè a Sagòn ɨ fòyn Asilìyà tum atu a sugèyʼsɨ̀ nɨ̀ ŋweyn na kɨ ndu kèʼ ntèʼ Ashdòd a Fìlisìyà/tɨm yɨ ntèʼ àteyn. 2Bôbo Fɨyini ɨ taŋi sɨ̂/toynɨ a Isayà ɨ wâyn Amòz ɨ bè na, “Choʼ fɨ̀ntsɨ fìfɨ̀ a wà màʼ tî ɨ choʼtɨ gvɨsɨ ɨvɨ̀ sîsɨ̀ a sɨ n-ghɨ a wa ɨvɨ̀.” Isayà ɨ ni kɨ ta wù bè ɨ nà jelɨ̀ chwô kɨ nɨ̀ ɨ̀wuyn ɨ yûm nɨ̀ ɨ̀vɨ ɨ yûm.
3(À na ghɨ a bêŋ sɨ̀ tal) Bôbo Fɨyini ɨ kæ bè na, “Ta Isayà ɨ wul ɨ̀ felɨnɨ nɨ̀ mà jèlɨ̀ chwo nɨ̀ ɨ̀wuyn ɨ yum nɨ̀ ɨ̀vɨ ɨ yum sɨ a bèŋsɨ̀ tal, à n-ghɨ nchwæ ìwo zɨ̀ a ka mà ni sɨ̂ ghelɨ Ijìb nɨ̀ ghelɨ Kûsh. 4Fòyn Asilìyà læ̀ ghaytɨ̂ lû nɨ̀ ghelɨ Ijìb baʼsɨ̂ nɨ̀ ghelɨ Kûsh, ɨ̀ ndù nɨ̀ àŋena a Asilìyà ta ghelɨ a ghɨ ghàytɨ iwòŋ. Wù læ̀ ni-à a àŋena na jelɨ̀ kɨ nɨ̀ àwuyn a yuma, kelɨ̀ kɨ nɨ̀ ɨ̀vɨ ɨ yum. Ghɨ̀lema nɨ̀ woynda læ̀ nà ghɨ kɨ nɨ̀ àsas a yuma a ghɨ kɨ nô ìwo i wuminɨ-i sɨ̂ ghelɨ Ijìb. 5Ghelɨ ghì a ghɨ n-samsɨ ghelɨ Kûsh nɨ̀ ɨghî a ghɨ n-ghaŋsɨ ɨwuyn kûm ghelɨ Ijìb na ghɨ gamtɨ àŋena læ̀ wumi-à. Àŋena læ̀ nà fâyn nô sɨ a ŋaŋ. 6A læ̀ nà ghɨ ɨtuʼ nâ ghè a ghelɨ ghì a ghɨ n-chi a mbæ̀sɨ jvâ a Fìlisìyà na bê na, “Yì yeyn iwo zɨ̀ a yi gàyn sɨ̂ ghelɨ ghì a ghesɨ̀ nɨn yeʼtɨ ɨwuyn nɨ̀ àŋena na ghɨ gamtɨ ghes sɨ awu nɨ̀ fòyn Asilìyà a. Ghès ti kàʼ ghɨ leʼ nò ti a?