Isaiah 14

Ghelɨ Bôbo Fɨyini læ̀ kasî kfâ

¹Bôbo Fɨyini læ̀ koynsɨ̂ ìsuyn sɨ̂ woyn Jàkôb. Wù læ̀ kasî choʼ ghelɨ Isìlæ̀ ɨ̀ nì a àŋena kasi kfa nà chî a àŋena ilaʼ. Ghelɨ ɨtum ghɨ li læ̀ gvî ghɨ̂yntɨ̀ ŋêyn àŋena, a àŋena na ghɨ kɨ sɨ afo àmòʼ.

²Ghelɨ tɨ̂laʼ tɨ litɨ læ̀ gâmtɨ̀ ghelɨ Isìlæ̀ a àŋena kasi kfa sɨ a àŋena ilaʼ a ghelɨ ɨtum ghì a ghɨ gvì sɨ nà chi a Isìlæ̀ na felɨ̀ sɨ̂ ghelɨ Isìlæ̀ ta ɨkôs ɨ lûmnɨ̀ nɨ̀ ɨki. Ghelɨ Isìlæ̀ nɨn kasî ghaytɨ̂ ghelɨ ghì a ghɨ tî ghàytɨ àŋena sɨ asɨ nà saʼ ghelɨ nâ ghì a ghɨ tî nà yeʼtɨ àŋena.

³À læ̀ nà ghɨ ɨtuʼ nâ ghè a Bôbo Fɨyini gamtɨ ghelɨ Isìlæ̀ a àŋena yvɨtɨ sɨ a ngeʼ ghè a àŋena tî nà ghɨ ateyn nɨ̀ àkôs kì a àŋena tî nà felɨ,

⁴a àŋena na mô ngàyn yèyn kûm/wêsɨ/lûʼsɨ̀ fòyn Babilòn bê na, “Adyaʼ a fòyn ɨ bɨ wèynà mæ̂ meyn. Wù læ̀ bu fu wi ngeʼ sɨ̂ wùl. (Wù læ̀ bu yeʼtɨ̂ wì ghelɨ nô sakos).

⁵Bôbo Fɨyini ni meyn ghelɨ ghɨ bɨ nâ bu kelɨ wi adyaʼ. Wù ni meyn adyaʼ a ghelɨ ghɨ saʼnɨ-a mæ̂.

⁶Ghelɨ ghɨ saʼnɨ ateyn/nâ ghèyn nɨn yeʼtɨ̂ ghelɨ/tɨ̀laʼ nɨ̀ ɨ̀toŋ ɨ yafɨnɨ, ghɨ faŋ nà fu ndû kɨ nɨ̀ ngeʼ sɨ̂ ghelɨ. Àŋena nɨn saʼ tɨ̀laʼ tɨ mbzɨ kɨ nɨ̀ ɨ̀toŋ ɨ yafɨnɨ, ndû kɨ ɨlwèʼ ɨ̀ jɨ̀m sɨ kɨŋ ghelɨ ghì a ghɨ n-to nɨ̀ àtu a sɨ àŋena, sɨ boynsɨ.

⁷Nô tɨ̀laʼ tɨ̀ jɨ̀m tɨ yvɨtɨ meyn sɨ a ngeʼ nà kelɨ mbôynɨ̀. Àŋena nɨn yem njàŋsɨ̀ (lvɨ̂yn) saŋlɨ-à.

⁸Nô mɨ ɨ̀nkâʼ mɨ̀ ɨ̀gùm nɨ̀ ɨ̀nkâʼ mɨ̀ Sedà a Lebanòn nɨn yeym njàŋsɨ̀ saŋlɨ-à bê na, “Sɨ zɨ̀tɨ ta ghɨ nì adyaʼ à kya mæ̂, nô wùl ɨ̀mòʼ bû fì gvi sɨ gvèytɨ ghes.”

⁹Ilaʼ i nkfɨsɨ nse i nɨn saŋlɨ̂ nô sɨ a ŋaŋ sɨ fsɨsɨ fòyn Babilòn. Ɨyvɨs ɨ ghelɨ ghɨ tisɨnɨ ghì a ghɨ tî nà kelɨ adyaʼ a mbzɨ nɨn lâysɨ̀ ɨ̀yvɨs ɨ ghelɨ ghɨ kfɨtɨnɨ na ghɨ/wu be na wà/wu gvi a jûŋ. Ɨyvɨsɨ tɨ̂fòyn tìtɨ̀ a tɨ tî nà saʼ tɨlaʼ a mbzɨ yvɨ meyn na fòyn Babilòn nɨ̀n gvi-à, ɨ̀ làlì sɨ a mɨ̂chɨ mɨ̀ tɨ̀fòyn nɨ̀ àŋena.

¹⁰Ɨyvɨs ɨ ghêl nâ ghì ilaʼ i nkfɨsɨ nse nô ɨ̀ jɨ̀m nɨn bê sɨ̂ ŋweyn na, “Adyaʼ à kya mæ̂ meyn wà na (sɨ boŋ yolî kɨ ta ghes) bu kelɨ wi adyaʼ kɨ̀ ta ghes.”

¹¹Awo kì a wà tî nà ghaŋsɨ ɨwuyn ateyn nô à jɨ̀m, baʼsɨ̂ nɨ̀ njàŋ sìsɨ̀ a ghɨ tî nà yema buʼ tɨ̀luŋ a mɨ̂chi mɨ̀ àyɨ a wa ntoʼ, ghɨ gvɨmi meyn và bàʼsɨ kɨ nɨ̀ àwo ateyn a. Gvɨsɨ nɨn ghɨ ɨ̀kuyn ɨ̀ vâ, tɨ̀ghòŋaghoŋtɨ ɨ ghɨ ndzɨsɨ chɨytɨnɨ nɨ̀ và.

¹²Fòyn (ghelɨ) Babilòn, fɨnjêyn fɨ n-layn ɨ̀t̀ʼ, yeyn dzɨ zɨ̀ a ghɨ sùʼsɨ vâ ateyn iyvɨ a. Wà tî nà tɨm yɨ tɨ̀laʼ tɨ/a mbzɨ kɨ̀ sɨ idvɨ̀. Mɨtì, ghɨ maʼ meyn và a nse lvɨ̂yn kɨ̀ ta fɨkâʼ a ghɨ gvèl fɨ fe.

¹³Wà tî nà bê/kfâʼtɨ̀ kɨ sɨ a wa ngeŋ na, “Mɨ n-koʼ iyvɨ ɨ̀ lèm àchɨ a tɨ̂fòyn nɨ̀ mà a kɨ na ngaŋtɨ̂ chwô nchìsɨ/mɨ̀njèyn mɨ̀ Fɨyini iyvɨ. Mɨ n-nì duʼì ta fòyn a nchɨ̀yntɨ̀ nɨ̀ mɨyini, atû kfɨ̀yn afî a àŋena nɨn yvɨ̂ŋtɨ̀ ateyn (a Zafò) abàs ikuè.

¹⁴Mɨ n-nì koʼ/ngaŋtɨ̂ chwô mɨ̀njêyn mzɨ̀ a mɨ̀ n-gaŋtɨ chwo iyvɨ, mɨ n-lêm ngêŋ yem nà ghɨ kɨ ta Fɨyini fìfɨ̀ a fɨ n-gàŋtɨ chwò.

¹⁵Mɨtì, Bôbo Fɨyini ni meyn wà kfɨ ɨ ndù ilaʼ i nkfɨsɨ nse.

¹⁶Ghelɨ ghì a ghɨ n-ghɨ ilaʼ i nkfɨsɨ nse nɨn ki và, bɨfɨ na, “Ɨwêyn nɨn ghɨ wul ɨ vzɨ̀ a wù tî nà nêʼ ɨlwêʼ kɨ̀ mbzɨ ì jɨ̀m tèyn, nì tɨlaʼ tɨ na chɨŋtɨ̂ fâyn kɨ tèyn a?

¹⁷À n-ghɨ kɨ nô wul ɨ vzɨ̀ a wù tî nì mbzɨ ì jɨ̀m na ghɨ kɨ ta nse iyum nô àfo bu koʼ wi ateyn. À tî bèbsɨ ŋweyn ntèʼsɨ ghaʼlɨnɨsɨ a mbzɨ, faŋ tɨ̀ vìsi mɨ ghelɨ ghì a ghɨ tî ghàytɨ gvì nɨ̀ àŋena a ŋweyn ilaʼ na ghɨ kasi kfa a àŋena ilaʼ.”

¹⁸Tɨfôyn tɨ tɨlaʼ tɨ nô tɨ̀ jɨ̀m, nɨn kfâ ghɨ gvìmì àŋena kɨ̀ nô a àŋena tɨ̂sè.

¹⁹Mɨtì ghɨ bû gvɨ̀mì mɨ gvɨmi vâ, ghɨ màʼì kɨ̀ màʼi igvɨyn ì zæ tɨ ghɨ nî ghɨ teyn màʼì ɨ̀fyas ɨ fɨ̂kàʼ vzɨ̀ a wu n-kelɨ wi ifêl. Igvɨyn ì zæ nɨn ghɨ ma ghɨ chɨytɨ nɨ̀ tɨ̀gvɨyn tɨ ghelɨ ghì a ghɨ zuètɨ, ɨ̀ ghlɨ ghì a mbàynɨ̀sɨ̀ zuètɨ nɨ̀ mɨ̀nyuè ɨtwaʼ iwòŋ. Ghɨ màʼ ìgvɨyn ìzæ ibɨ i ghaʼnɨ-i iwu, ghɨ na jêylɨ̀ nɨ̀ ɨ̀vɨ̀.

²⁰Ghɨ n-gvìmì wì vâ ta ghɨ gvìmì tɨ̀fôyn tɨ litɨ (bòm ta) wà bebsɨ meyn ìlaʼ ì zæ, fì zuètɨ ghelɨ̀ ghya. Ghɨ læ̀ nà bu kfâʼtɨ̀ wì woyn wûl ɨ̀lvɨ̀ ta vâ.

²¹Yì baʼtɨ/faytɨ alêʼ ɨ̀ zuètɨ woyn ghɨ lûmnɨ̀ nɨ̀ ŋweyn ateyn. Woyn fòyn nâ wèyn nɨn kfɨtɨ-à bòm mbɨsɨ ghɨ̀bo àŋena. Àŋena læ̀ bu lalì wi sɨ lì ilaʼ ateyn/nâ yèynì sɨ nà saʼ mbzɨ ì jɨ̀m, sɨ bàʼlɨ ntèʼ sɨ ghaʼnɨsɨ nɨ̀ àŋena ateyn.

²²Bôbo Fɨyini ɨ Bò Ɨ̀dwaʼ ɨ̀ jɨ̀m nɨn bê na, “Mɨ n-nì lalì kêʼ ghelɨ Babilòn ɨ̀ bèbsɨ ìlaʼ ateyn nô ì jɨ̀m a nô àfo a na bu ghɨ wi afu. Woynda læ̀ nà bu ghɨ wi afu, nô wùl ɨ ghɨ wi ta wù faŋ. À bè mà Bôbo Fɨyini.”

²³Mɨ n-nì-à a ilaʼ i Babilòn ì na ghɨ kɨ ta ichûʼ, a chî kɨ ɨ̀ngêynɨ̀ afu. Mɨ n-nì bebsɨ̂ nô mɨ ghà ilaʼ afu, a yi na yum kɨ ta ghɨ yès nɨ̀ àyesa. À bè mà Bôbo Fɨyini ɨ Bò Ɨ̀dwaʼ ɨ̀ jɨ̀m.

Bôbo Fɨyini nɨn gu ngeʼ sɨ̂ ghelɨ Asilìyà

²⁴Bôbo Fɨyini ɨ Bò Ɨdwaʼ ɨ̀ jɨ̀m chɨnɨ meyn ɨ̀ yɨ mɨkàyn ɨ̀ bè na,

“Yi n-ghɨ samoʼ na mɨ n-kelɨ sɨ ni nô mɨ ghà kɨ̀ ta mà bàʼtɨ, kelɨ sɨ ni nô mɨ ghà kɨ̀ ighel ta mà kfàʼtɨ̀/chòʼnɨ.

²⁵Mɨ n-nì bebsɨ̂/gvâ ghelɨ Asilìyà ghì a ghɨ n-ghɨ a Isìlæ̀/ma ilaʼ, tɨm yɨ àŋena a kfɨynsɨ nɨ̀ mà kɨ̀ ta mà jèylɨ̀ àŋena nɨ̀ ɨ̀vɨ. Mɨ n-nì-à a ghelɨ̀ ghem na bu felɨ̀ wì akôs sɨ̂ àŋena, àŋena bu fu wi ngeʼ sɨ̂ /yeʼtɨ̂ wì ghelɨ̀ ghem.”

²⁶À ti n-ghɨ ìwo zɨ̀ a mà bàʼtɨ sɨ nì kɨ̀ mbzɨ ì jɨ̀m à ti n-ghɨ àwu kì a mà nàysɨ̀ sɨ saʼ kɨ tɨ laʼ tɨ̀ jɨ̀m a mbzɨ.

²⁷Bôbo Fɨyini ɨ Bò Ɨ̀dwaʼ ɨ̀ jɨ̀m sɨ ghɨ ma wù lem/choʼnɨ meyn ìwo zɨ̀ a ka wù ni, wùl ɨ ghɨ wi a wù kàʼ a wù kfɨnɨ ibaʼtɨ ateyn, wù laysɨ meyn àwu, ma wùl kàʼ wu bû tùynsɨ ìwo i ŋweyn.

Saʼgha i bɨ kûm ghelɨ Fìlisìyà.

²⁸À n-læ nà ghɨ a bêŋ ghè a fòyn Ahàz kfɨ, Bôbo Fɨyini ɨ taŋi sɨ̂ Isayà ɨ bè na,

²⁹“Zɨ̀ ghelɨ Fìlisìyà, ka yì na saŋlɨ-à ta ghɨ tɨm yɨ mbàynɨ̀ zɨ̀ a yì tî tɨm yɨ̀ zɨ bòm ta mbam ì lì nɨn fvɨ̂ koʼ aghaŋ ateyn nɨ ɨzɨ nâ zɨ̀, bem chwô ɨ̀nyeyn) Mbam nɨn kfɨ-a, mbam ì lì ɨ lì àlèʼ ateyn bem chwô ɨzɨ nâ zɨ̀. Awu a mbam a nɨn kêʼ ta tɨ̀ntælæʼ.

³⁰Nô mɨ ghelɨ ànfɨf ghì a ghɨ n-ghɨ a Isìlæ̀ læ̀ nà kelɨ ɨ̀fwo ɨ yɨnɨ wu dvɨ̂ ghaʼnɨ-à. Ghelɨ ghɨ jɨŋnɨ chî kɨ nô nɨ̀ mbôynɨ̀, mɨtì ma ghɨ sɨ nì na jèŋ i bemnɨ ku zɨ ɨ̀ zuètɨ mèsì ghelɨ ghi ghì a ghɨ fàŋ sɨ ilæ.

³¹Ghelɨ ghɨ tisɨnɨ ghì a ghɨ n-yvɨ̂ŋtɨ̀ ɨchfɨ mbàyn a Fìlisìyà, yì na dzɨ̂ nô sɨ a ŋaŋ. Ghelɨ Fìlisìyà, yì na dzɨ̂ a yi a ntèʼsɨ kûm ìwo zɨ̀ a yi n-gâyn sɨ̂ zɨ̀. Zɨ̀ ghelɨ Fìlisìyà, yì na chɨŋtɨ̂ faynà, sugèyʼ sɨ tosɨ nɨn gvî ta fɨleʼ ma sɨ lù dzɨ abàs ikuè. Nô mɨ sugèyʼ ì kà ɨ gvɨ̂tɨ̀ kɨ sɨ nù, ghɨ wi sɨ kòytɨ̀ ibàm.

³²Ghɨ ti n-bè nô na gha sɨ̂ ghelɨ ntum ghì a ghɨ lù a Fìlisìyà a? Ghesɨ̀nà nɨn bê na, “Bôbo Fɨyini nî meyn ntèʼ Zayòn na to, ghelɨ ŋweyn ghì a ghɨ n-chi ateyn ghɨ yeʼtɨ̂ àŋena na lêytɨ̀ àteyn.