Isaiah 12
This book is a draft. It has been translated but has not yet finished checking, and is published here so the community can read and respond to it.
Njànsɨ ikoʼsɨ ta Bôbo Fɨyini bœ̀sɨ ghelɨ ŋweyn
1À læ̀ nà ghɨ ta ɨlvɨ nâ vzɨ̀ kfeyn, a yì na bê na,
“Mà na koʼsɨ̂ và a Bôbo Fɨyini nô mɨ ta wà tî nà nyoʼsɨ ɨtoŋ sɨ̂ mà. Mɨtì wà bu nyôʼsɨ̀ wì ɨtoŋ (ɨtoŋ ɨ yafɨnɨ nɨ̀ bà mæ̂ meyn, wà na kfɨmtɨ̂ mà.
2Samoʼ, Fɨyini fɨ nɨn ghɨ mbœ̀sɨ̀ yem. Mà na samsɨ̂ kɨ ŋweyn, bu fì fâyn wì afo. Bôbo Fɨyini nɨn ghɨ àdyaʼ à kema ghɨ njàŋ zɨ̀ a mɨ n-yem. Wù nî meyn ma tɨm yɨ.
3Ghelɨ Fɨyini læ̀ nà saŋlɨ̂ ta Fɨyini fɨ gamtɨ/bœsɨ àŋena kɨ̀ ta wùl nî wu nà saŋlɨ-à ɨlvɨ ta wù n-tu mu sɨ nyvɨ.
4Ɨlvɨ nɨn kfeyna a ghelɨ Fɨ̂ynini na (yema) bê na,
“Yì na fu àyòŋnɨ̀ sɨ̂ Bôbo Fɨyini, koʼsɨ̂ ŋweyn. Yì na fêʼtɨ̀ àwo a juŋà kì a wù nì (ghelɨ tɨ̂laʼ tɨ litɨ yvɨtɨ-à) sɨ̂ tɨ̀laʼ tɨ litɨ. Yì na fêʼtɨ̀ sɨ̂ àŋena na izɨyn i ŋweyni nɨ ngaŋtɨ̂ chwô nô mɨ ìzɨyn ì kà a mbzɨ.
5Yì na yem njàŋsɨ̀ koʼsɨ̂ Bôbo Fɨyini bòm àwo a juŋà a kaynɨ kì a wù n-nî. Yì feʼtɨ ghɨ na kya kɨ mbzɨ ì jɨ̀m na à ti awo a kaynɨ kì a wù nì.
6Ghelɨ ghì a ghɨ n-chi a Zayòn, yì yem njàŋsɨ̀ nô nɨ̀ gyasɨ tosɨ, saŋlɨ-à bòm ta Fɨyini fɨ laynɨfɨ nɨ̀ ghelɨ Isìlæ̀ nɨn ngaŋtɨ-à, ghɨ a yi antêynɨ̀.