Genesis 36

Esò ŋêyn woyn ŋweyn.

¹Akeynà nɨn ghɨ àzɨyn a woyn woyn Esò. Ghɨ nà n-toŋtɨ̂ kɨmɨ ŋweyn na Edòm.

²Esò nɨ̀n læ ndu ghɨ̀ki ŋweyn a Kenàn azɨyn a àŋena ɨ ghɨ Àda ɨ wâyn Elòn ɨ wul ɨ Hêt nɨ̀ Ohòlibamà ɨ wâyn Anà a ghɨ wâyn wâyn Zibìyòn ɨ wul ɨ̀ Hîv. ³Wù n-li meyn kɨmɨ Basemàt ɨ wâyn Ishmàyêl sɨ a wi, a ghɨ jêmtɨ̀ Nebayòt.

⁴Àda ɨ bzɨ Elifàz, Basimàt ɨ bzɨ Luwèl ŋêyn Basemàt, ⁵Ohòlibamà ɨ bzɨ Jewùsh nɨ̀ Jalàm ŋêyn Kolà. À ti woyn ghɨ lûmnɨ̀ ghì a Esò nɨn læ bzɨ ŋêyn ghɨ̀ki ŋweyn a Kenàn.

⁶Esò nɨ̀n læ meyn lù ɨ visi wâynà ŋweyn Jàkôb a Kenàn ɨ ndù alèʼ a kɨ lu-à. Wù n-se sɨ lù ɨ lì ghɨ̀ki ŋweyn nɨ̀ woyn, baʼsɨ̂ nɨ̀ ghelɨ ndo nɨ̀ ŋweyn nô ghɨ̀ jɨ̀m. Wù n-li meyn kɨmɨ nyamsɨ ŋweyn nô sɨ̀ jɨ̀m nɨ̀ ɨ̀fwo vzɨ̀ a wu n-læ keli a Kenàn nô ɨ̀ jɨ̀m. ⁷Esò nɨn læ lù bòm ta ŋêyn Jàkôb nà n-ghɨ ma ghɨ keli meyn ɨ̀fwo nô sɨ idvɨ̀ baʼsɨ̂ nɨ̀ nyamsɨ, aleʼa na sɨ læ̂ ghaʼ ta ka àŋena na chɨ̂yntɨ̀ duʼ ateyn. ⁸Esò ma à ti Edòm ɨ kæ lù sɨ ndù sɨ nà chî a Seyì ilaʼ i kfɨynsɨ.

⁹Akeynà nɨn ghɨ àzɨyn a woyn woyn Esò vzɨ̀ a wu nà n-ghɨ bæ̀ sɨ̂ ghelɨ Edòm ghì a ghɨ nà n-chi a Seyì ilaʼ i kfɨynsɨ.

¹⁰Ɨghêyn nɨn ghɨ woyn woyn Esò:

À nà n-ghɨ Elifàz ta wu n-læ bzɨ ŋêyn wî ŋweyn Àda, a ghɨ Luwèl ta wu n-læ bzɨ ŋêyn wî ŋweyn Basemàt.

¹¹Woyn ghɨ lûmnɨ̀ nɨ̀ Elifàz nà n-ghɨ Temàn nɨ̀ Omà, kɨmɨ nɨ̀ Zefò baʼsɨ̂ nɨ̀ Gatàm ŋêyn Kenàz. ¹²Elifàz ɨ wâyn Esò nà n-kelɨ ànkùmtɨ̀ a wul ɨ wi ghɨ toŋtɨ̂ na Timnà ŋêyn ŋweyn ɨ bzɨ Amalèk. Woyn ghɨ lûmnɨ̀ nâ ghèyn nà n-ghɨ woyn woyn Àda ɨ wî Esò.

¹³Woyn ghɨ lûmnɨ̀ nɨ̀ Luwèl nà n-ghɨ Nahàt nɨ̀ zelà kɨ̀mɨ nɨ̀ Shamà ŋêyn Mizà. A ghɨ woyn woyn Basemàt ɨ wî Esò. ¹⁴Ohòlibamà nà n-ghɨ wî Esò ɨlvɨ̀ a ghɨ wâyn Anà, bò ŋweyn ɨ ghɨ Zibìyòn, ŋêyn Esò ɨ bzɨ Jêsh nɨ̀ Jalàm baʼsɨ̂ nɨ̀ Kolà.

¹⁵Ghelɨ Edòm nɨ̀ ghelɨ ghɨ tisɨnɨ nɨ̀ àŋena nɨn chɨ̀yntɨ fvɨ kɨ ɨntweŋ nɨ̀ Esò.

Woyn Elifàz ɨ wayn ɨwû àsɨ nɨ̀ Esò nà n-ghɨ ghelɨ ndô Temàn nɨ̀ ghelɨ ndô Omà kɨ̀mɨ nɨ̀ ghelɨ ndô Zefò ŋêyn ghelɨ ndô Kenàz, ¹⁶nɨ̀ ghelɨ ndô Kolà ŋêyn ghelɨ ndô Gatàm nɨ̀ ghelɨ ndô Amalèk. Woyn ɨntweŋ ndo nɨ̀ Elifàz nâ ghèyn nà n-chɨ̂yntɨ̀ ghɨ woyn woyn Àda.

¹⁷Woyn ghì a ghɨ n-fvɨ̀ ɨntweŋ nɨ̀ Luwèl ɨ wâyn Esò nà n-ghɨ,

ghelɨ ndô Nahàt nɨ̀ ghelɨ ndô Zelà kɨ̀mɨ nɨ ghelɨ ndô Shamà ŋêyn ghelɨ ndô Mizà. A ghɨ woyn woyn Basemàt ɨ wî Esò.

¹⁸Woyn Ohòlibamà ɨ wî Esò nà n-ghɨ

ghelɨ ndô Jêsh nɨ̀ ghelɨ ndô Jalàm nɨ̀ ghelɨ ndô Kolà. À ti asas a ndosɨ kì a kɨ n-fvɨ̀ ɨntweŋ nɨ̀ wî Esò ɨ Ohòlibamà ɨ wâyn Anà.

¹⁹À ti àsas ndo kì a kɨ n-fvɨ̀ ɨntweŋ nɨ̀ Esò ma à ti Edòm ɨ lema ɨ nà sɨ ghɨ ìlaʼ i Edòm.

²⁰Ɨghêyn nɨ̀n ghɨ woyn Seyì ɨ wul ɨ̀ Hôl ta àŋena nà n-chi ilaʼ i Edòm sɨ asɨ. Azɨyn a àŋena nɨn ghɨ

Lotàn nɨ̀ Shobàl ŋêyn Zibìyòn nɨ̀ Anà, ²¹kɨ̀mɨ nɨ̀ Dishòn ŋêyn Ezà nɨ̀ Dishàn. Àŋena nà n-chɨ̂yntɨ̀ ghɨ kɨ woyn woyn Seyì.

²²Woyn Lotàn nà n-ghɨ

Hôl ŋêyn Homàn, jêmtɨ̀ Lotàn ɨ ghɨ Timnà.

²³Woyn Shobàl ɨ ghɨ

Alvàn nɨ̀ Manahàt ŋêyn Ebàl nɨ̀ Shefò kɨ̀mɨ nɨ̀ Onàm.

²⁴Ɨghɨ Zibìyòn ɨ ghɨ

Ayì-à ŋêyn Anà. Anà nâ wèyn nɨn ghɨ ɨvzɨ̂ a wu n-yeyn ibɨ i mu a nse iyum ta wù n-kini njàkâysɨ bò ŋweyn.

²⁵Anà nà n-kelɨ wayn ɨ̀ lûmnɨ̀ izɨyn i ŋweyn i ghɨ

Dishòn, kelɨ wayn ɨ wi izɨyn i ŋweyn i ghɨ Ohòlibamà.

²⁶Woyn Dishòn nà n-ghɨ

Hemdàn nɨ̀ Eshbàn ŋêyn Itlàn nɨ̀ Kelàn.

²⁷Woyn Ezà ɨ ghɨ

Bilhàn nɨ̀ Zavàn ŋêyn Akàn.

²⁸Woyn Dishàn ɨ ghɨ Uz ŋêyn Alàn.

²⁹Azɨyn a ghelɨ ndô Hôl nà n-ghɨ Lotàn nɨ̀ Shobàl ŋêyn Zibìyòn nɨ̀ Anà, ³⁰baʼsɨ̂ nɨ̀ Dishòn ŋêyn Ezà nɨ̀ Dishàn. Àŋena nà n-saʼ kɨ àsas a ndosɨ nɨ̀ àŋena ilaʼ i Seyì.

Ghelɨ ghɨ saʼnɨ a Edòm

³¹Akeynà nɨn ghɨ àzɨyn a tɨ̂fòyn tîtɨ̀ a tɨ n-læ saʼ Edòm jæ ta ka nô fòyn læ sàʼ Isìlæ̀.

³²Belà ɨ wayn Beyò nɨn læ koʼ ɨfôyn sɨ asɨ a Edòm a ghɨ wul ɨ̀ ntèʼ Dinhabà.

³³A nà ghɨ ta Belà lè, Jobàb ɨ wâyn Zelà ɨ wul ɨ̀ Boslà ɨ koʼ ɨfôyn.

³⁴Fòyn Jobàb ɨ læ lè, Hoshàn ɨ wul ɨ̀ Temàn ɨ koʼ ɨfôyn.

³⁵A nà ghɨ ta fòyn Hoshàn lè, Hadàd ɨ wul ɨ̀ ntèʼ Avìt, a ghɨ wâyn Bedàd ɨ koʼ ɨfôyn. Hadàd nâ wèyn nà n-ghɨ ɨvzɨ̂ a wu n-tɨm yɨ ghelɨ Midìyàn ilaʼ i Mowàb tì.

³⁶A nà ghɨ ta fòyn Hadàd lè, Samlà ɨ wul ɨ̀ Maslekà ɨ koʼ ɨfôyn.

³⁷A nà ghɨ ta Fòyn Samlà lè, Shôl ɨ wul ɨ̀ Lehobòt a mbæ̀ jvà ɨ koʼ ɨfôyn.

³⁸A nà ghɨ ta fòyn Shôl lè, Bal-Hanàn ɨ wâyn Akbò ɨ koʼ ɨfôyn,

³⁹ɨ læ lè, fòyn Hadàd ɨ koʼ ɨfôyn a ghɨ wul ɨ̀ ntèʼ Buwa. Wî Hadàd nà n-ghɨ Mèhetabèl ɨ wâyn Matlèd ma à ti wâyn wâyn Me-Zahàb.

⁴⁰Tɨfôyn tîtɨ̀ a tɨ n-fvɨ̀ ɨntweŋ nɨ̀ Esò nà n-ghɨ

fòyn Timnà nɨ̀ fòyn Alvà ŋêyn fòyn Jatèt, ⁴¹nɨ̀ fòyn Ohòlibamà ŋêyn fòyn Elà kɨ̀mɨ nɨ̀ fòyn Binòn ŋêyn ⁴²fòyn Kenàz nɨ̀ fòyn Temàn baʼsɨ̂ nɨ̀ fòyn Mibzà nɨ̀ ⁴³fòyn Makdèl ŋêyn fòyn Ilàm. Tɨfôyn nâ tèyntɨ̀ nà n-chɨ̂yntɨ̀ ghɨ kɨ ghelɨ Edòm. Nô mɨ ìsas i ndo ì kà ɨ chî kɨ abàs ghè a àŋena nɨn ku. Esò nɨ̀n ghɨ bæ̀ sɨ̂ ghelɨ Edòm nô ghɨ̀ jɨ̀m.