1 Chronicles 6

Ɨntweŋ ndo nɨ̀ Levì

¹Ɨghêyn nɨn læ nà ghɨ woyn Levì tèyn;

Levì nɨn læ bzɨ Geshòn nɨ̀ Kohàt nɨ̀ Melalì.

²Kohàt ɨ læ bzɨ Amlàm nɨ̀ Izà nɨ̀ Heblòn nɨ̀ Uzêl. ³Woyn Amlàm nɨn læ nà ghɨ Alòyn nɨ̀ Mosìs nɨ̀ Miliyàm.

Woyn Alòyn ɨ ghɨ Nadàb nɨ̀ Abiyù nɨ̀ Èlizà ŋêyn Itamà. ⁴Èlizà ɨ læ bzɨ Finighàs. Finighàs ɨ bzɨ Àbishùwà. ⁵Àbishùwà nɨn læ meyn bzɨ Bukì, Bukì ɨ bzɨ Uzì. ⁶Uzì nɨn læ meyn lema, ɨ bzɨ Zèlàhayà, Zèlàhayà ɨ bzɨ Melayòt. ⁷Melayòt nɨn læ nà ghɨ bò Amaliyà, Àmaliyà ɨ ghɨ bò Àhitùb. ⁸Àhitùb nɨn læ meyn lema ɨ bzɨ Zadòk, Zadòk ɨ læ bzɨ Àhimàz. ⁹Ahimàz nɨn læ meyn bzɨ Azaliyà, Azilayà ɨ læ bzɨ Jònatàn, ¹⁰Jònatàn nɨn læ bzɨ Àzaliyà vzɨ̀ a wu n-læ nà ghɨ ngàŋ ndô Fɨyini a ɨtuʼ ghê a fòyn Solomùn nɨn læ bàʼlɨ ndo Fɨyini a Jèlusalèm. ¹¹Àzalìyà nɨ læ nà ghɨ bò Àmalìyà, Àmalìyà ɨ ghɨ bò Àhitùb. ¹²Àhitùb nɨn læ meyn lema ɨ bzɨ Zadòk, Zadòk ɨ bzɨ Shalùm, ¹³Shalùm ɨ læ bzɨ Hilkayà, Hilkayà ɨ bzɨ Azaliyà. ¹⁴Azaliyà nɨn læ meyn lema ɨ bzɨ Selayà, Selayà ɨ bzɨ Jèhozadàk. ¹⁵Bôbo Fɨyini nɨn læ meyn nì fòyn Nèbùkànezà ɨ sàŋ Jèhozadàk baʼsɨ̂ nɨ̀ ghelɨ Judà, nɨ ghɨ Jèlusalèm. ¹⁶Woyn Levì nɨn læ nà ghɨ Geshòn nɨ̀ Kohàt, baʼsɨ̂ nɨ̀ Melalì. ¹⁷Geshòn nɨn læ meyn bzɨ woyn ghɨ̀bò, ɨ Libnì ŋêyn Shimèy. ¹⁸Kohàt nɨn n-bzɨ woyn ghɨ̀tal, ɨ Amlàm nɨ̀ Izà nɨ̀ Heblòn ŋêyn Uzìyèl. ¹⁹Melalì nɨn læ bzɨ woyn ghɨ̀bò, ɨ Malì ŋêyn Mushì. Ɨghêyn nɨn ghɨ woyn woyn Levì tèyn kɨ̀ sɨ a ibzɨ ta ghɨ n-læ nyaʼ lèm. ²⁰Geshòn nɨn læ nà ghɨ bò Libnì, Libnì ɨ ghɨ bò Jehàt, Jehàt ɨ ghɨ bò Zimà, ²¹Zimà ɨ ghɨ bò Jowà, Jowà ɨ ghɨ bò Idò, Idò ɨ ghɨ bò Zelà, Zelà ɨ ghɨ bò Jetalày. ²²Kohàt nɨn læ nà ghɨ bò Àminadàb, Àminadàb ɨ ghɨ bò Kolà, Kolà ɨ ghɨ bò Asìl, ²³Asìl nà n-ghɨ bò Elkanà, Elkanà ɨ ghɨ bò Ebiyasàf, Ebiyasàf ɨ ghɨ bò Asìl. ²⁴Asìl nɨn læ nà ghɨ bò Tahàt, Tahàt ɨ ghɨ bò Uliyèl, Uliyèl ɨ ghɨ bò Uziyà, Uziyà ɨ ghɨ bò Shâwl. ²⁵Woyn Elkanà nɨn læ nà ghɨ Amasày nɨ̀ Ahimòt. ²⁶Ahimòt ɨ bzɨ wayn chfɨ̀ na Elkanà, Elkanà ɨ bzɨ Zofày, Zofày ɨ bzɨ Nahàt, ²⁷Nahàt ɨ nà ghɨ bò Eliyàb, Eliyàb ɨ ghɨ bò Jelohàm. Jelohàm nɨn læ meyn bzɨ wayn ɨ chfɨ kɨmɨ na Elkanà, Elkanà ɨ læ bzɨ Samwèl. ²⁸Woyn Samwèl nɨn læ meyn bzɨ woyn ghɨ̀bò; ɨ wu asɨ ghɨ Jowèl, ànkùmtɨ̀ a ghɨ Àbijà. ²⁹Akeynà nɨn ghɨ àjaŋ a Melalì tèyn; Melalì nɨ̀n læ bzɨ Malì, Malì ɨ læ bzɨ Libnì, Libnì nà ghɨ bò Shimèy, Shimèy ɨ ghɨ bò Uzà. ³⁰Uzà nɨn læ nà ghɨ bò Shimeyà, Shimeyà ɨ ghɨ bò Hagiyà, Hagiyà ɨ ghɨ bò Àsayà.

Devìt ɨ choʼtɨ ghelɨ ghɨ yemnɨ a ndô Fɨyini

³¹Akeynà nɨn ghɨ àzɨyn a ghelɨ ghì a Devìt nɨn læ choʼtɨ ɨ lèm na àŋena na yem njàŋsɨ̀ a ndo nɨ̀ Bôbo Fɨyini, ɨtuʼ ghê a ghɨ kàsi kfa nɨ̀ àntayntayn a mɨ̂kàyn à. ³²Àŋena nɨn læ nà yem njàŋsɨ̀, koʼsɨ̂ Bôbo Fɨyini a ɨchfɨ fɨndo nɨ̀ Bôbo, jæ ta ka fòyn Solomùyn læ̂ bàʼlɨ̀ ndô Bôbo Fɨyini a Jèlusalèm. Àŋena nà n-yem njàŋsɨ afu kɨ̀ adzɨ ghè a isaʼi Bôbo bè na ghɨ na yema ateyn.

³³Ɨghêyn nɨn ghɨ ghelɨ ghì a ghɨ n-læ nà yem njàŋ nâ sìsɨ̀ têyn, baʼsɨ̂ nɨ̀ woyn àŋena:

Anôyn a yemna a kɨ asɨ-a nɨn læ nà tisɨ̂ Hemàn, a ghɨ wâyn wayn Kohàt. Bò Hemàn nɨn læ nà ghɨ Jowèl, Jowèl ɨ ghɨ wâyn Samwèl. ³⁴Samwèl nɨn læ nà ghɨ wâyn Elkanà, Elkanà ɨ ghɨ wâyn Jèlohàm, Jèlohàm ɨ ghɨ wâyn Eliyèl, Eliyèl ɨ ghɨ wâyn Towà. ³⁵Towà nɨn læ nà ghɨ wâyn Zûf, Zûf ɨ ghɨ wâyn Elkanà, Elkanà ɨ ghɨ wâyn Mahàt, Mahàt ɨ ghɨ wâyn Amasày. ³⁶Amasày nɨn læ nà ghɨ wâyn Elkanà, Ekanà nâ wèyn ɨ ghɨ wâyn Jowèl, Jowèl ɨ ghɨ wâyn Azaliyà, Azaliyà ɨ ghɨ wâyn Zèfànayà. ³⁷Zefànayà nɨn læ nà ghɨ wâyn Tahàt, Tahàt ɨ ghɨ wâyn Asì, Asì ɨ ghɨ wâyn Ebyasàf, Èbiyasàf ɨ ghɨ wâyn Kolà. ³⁸Kolà nɨn læ nà ghɨ wâyn Izà, Izà ɨ ghɨ wâyn Kohàt, Kohàt ɨ ghɨ wâyn Levì, Levì ɨ ghɨ wâyn Jàkôb. ³⁹Wùl vzɨ̀ a wù nà n-gâmtɨ̀ Hemàn nà n-ghɨ izɨyn i ŋweyni ɨ ghɨ Asàf, wu lum ti kɨ a ɨkoe ɨtwo nɨ̀ ŋweyn. Asàf nɨn læ nà ghɨ wâyn Bèlekayà, Belèkayà ɨ ghɨ wâyn Shimiyà. ⁴⁰Shimiyà nɨn læ nà ghɨ wâyn Mikèl, Mikèl ɨ ghɨ wâyn Bàseyà, Baseyà ɨ ghɨ wâyn Malkijà. ⁴¹Malkijà nɨn læ nà ghɨ wâyn Etinì, Etinì ɨ ghɨ wâyn Zelà, Zelà ɨ wâyn Àdayà, ⁴²Àdayà ɨ ghɨ wâyn Etàn, Etàn, Etàn ɨ ghɨ wâyn Zimà, Zimà ɨ ghɨ wâyn Shimèy. ⁴³Shimèy nɨn læ nà ghɨ wâyn Jahàt, Jahàt ɨ ghɨ wâyn Geshòn, Geshòn ɨ ghɨ wâyn Levì. ⁴⁴Ghelɨ ghì a ghɨ n-læ nà timi a abàs ɨkœ nɨ̂nkœ̀, baʼsɨ̂ sɨ̂ Hemàn ŋêyn ànoyn a ŋweyna nà n-ghɨ woyn Levì, a tisɨ̂ Etàn tisɨ̂ àŋena. Etàn nâ wèyn nɨn læ nà ghɨ wâyn Kishì, ma Kishì nɨn læ nà ghɨ wâyn Abdì, Abdì ɨ ghɨ wâyn Malùk. ⁴⁵Malùk nɨn læ nà ghɨ wâyn Hashbiyà, Hashbiyà ɨ ghɨ wâyn Àmaziyà, Àmaziyà ɨ ghɨ wâyn Hìlkayà, ⁴⁶Hilkayà ɨ ghɨ wâyn Amzì, Amzì ɨ ghɨ wâyn Banì, Banì ɨ ghɨ wâyn Shemèl. ⁴⁷Shemèl nɨn læ nà ghɨ wayn Malì, Malì ɨ ghɨ wâyn Mushì, Mushì ɨ ghɨ wâyn Melalì, Melalì ɨ ghɨ wâyn Levì. ⁴⁸Woynà Hemàn ghɨli, ma à ti ghelɨ isas i ndo nɨ̀ Levì ghɨli, nɨn læ nà ni ndu nà àwo a li-a a ndo nɨ̀ Bôbo Fɨyini. ⁴⁹Ifêl i Alòyn ŋêyn woyn ŋweyn nɨn læ nà ghɨ kɨ sɨ nà nyoʼ tɨfu a abaŋ ifu, fî nyoʼ kɨmɨ ìleŋ a ndo nɨ̀ Bôbo Fɨyini. Nô mɨ ghà ta ghɨ nà n-kelɨ sɨ nì antêynɨ̀ àlèʼ ghè a kɨ layn gòʼsɨ̀ nɨn læ nà ni àŋena. Àŋena nà n-jêm sɨ̂ Bôbo Fɨyini na ka wù nyòʼsɨ̀ ɨ̀toŋ sɨ̂ ghelɨ Isìlæ̀, kɨ̀ ta Mosìs, ɨ wul ɨ̀ felɨnɨ nɨ̀ Fɨyini fɨ nɨn læ bè na àŋena na ni-à. ⁵⁰Akeynà nɨn ghɨ ànoyn a woyn nɨ̀ Alòyn tèyn; Alòyn nɨn læ bzɨ Èlizà, Èlizà ɨ bzɨ Fineghàs, Fineghàs ɨ bzɨ Àbishuwà. ⁵¹Àbishuwà nɨn n-lema meyn, ɨ bzɨ Bukì, Bukì ɨ læ bzɨ Uzi, Uzì ɨ bzɨ Zèlàhayà, ⁵²Zèlàhayà ɨ bzɨ Melayòt, Melayòt ɨ bzɨ Àmaliyà, Àmaliyà ɨ bzɨ Àhitùb, ⁵³Àhitùb nɨn læ meyn lema koʼ, ɨ bzɨ Zadòk, Zadòk ɨ bzɨ Ahimàz. ⁵⁴Ɨwêyn nɨn ghɨ ɨ̀lwêʼ vzɨ̀ a ghɨ n-læ fu sɨ̂ isas i ndo nɨ̀ Alòyn; sɨ̂ woyn Kohàt, na àŋena baʼlɨ ateyn. A n-læ nà ghɨ ta ghɨ n-gwo ɨlwêʼ, ghɨ tɨm bèyʼ, a fvɨ̀ izɨyn i àŋena sɨ asɨ. ⁵⁵Ghɨ n-læ fu Heblòn sɨ̂ àŋena, baʼsɨ̂ nɨ̀ ɨ̀twaʼ nyamsɨ vzɨ a wu nà n-ghɨ a ngùŋ àteyn. ⁵⁶Ghɨ n-læ fu gveyn sìsɨ̀ a sɨ nà n-ghɨ a ngùŋ Heblòn, baʼsɨ̂ nɨ̀ ntèʼsɨ lisɨ sɨ̂ Kalèb, ɨ wâyn Jefunè. ⁵⁷À ti n-ghɨ na ghɨ n-læ chɨ̀yntɨ fu Heblòn, ɨ ntèʼ zɨ̂ a ghɨ nà n-leʼ lêytɨ̀ ateyn sɨ̂ woyn Alòyn, baʼsɨ̂ nɨ̀ Libnà, nɨ̀ Jatì nɨ̀ Eshtemowà, ⁵⁸kɨ̀mɨ nɨ̀ Hilèn baʼsɨ̂ nɨ̀ Debì. ⁵⁹Ghɨ n-fu meyn kɨmɨ Ashàn nɨ̀ Jutà nɨ̀ Bet Shemèsh, baʼsɨ̂ nɨ̀ ɨ̀twaʼ nyamsɨ nɨ̀ àŋena. ⁶⁰Ghɨ n-læ fu Gibeyòn nɨ̀ Gebà nɨ̀ Alemèt nɨ̀ Anatòt, baʼsɨ̂ kɨ nɨ̀ ɨ̀twaʼ ɨ nyamsɨ nɨ̀ àŋena sɨ̂ ghelɨ isas i ndo nɨ̀ Benjamìn. Ntèʼ nâ sèynsɨ̀ a ghɨ n-læ gwòtɨ sɨ̂ woyn Kohàt têyn nà n-chɨ̂yntɨ̀ ghɨ njvàsɨ tal. ⁶¹Ghɨ n-læ li ntèʼsɨ ìvɨm abàs a Mànasè ɨ tɨm bèyʼ, ɨ gwòtɨ̀ sɨ̂ ghelɨ isas i ndo nɨ̀ Kohàt. ⁶²Ghɨ n-læ li ntèʼsɨ njvàsɨ̀ tal abàs a Isakà, nɨ̀ Ashà nɨ̀ Naftalì, baʼsɨ̂ nɨ Mànasè, ɨ gwòtɨ̀ kɨ a ɨchfɨ ndo ɨchfɨ ndo sɨ̂ Ghelɨ isas i ndo nɨ̀ Geshòn. ⁶³Ghɨ n-læ meyn ndu kɨmɨ isas i ndo nɨ̀ Melalì, kɨ̀ ɨchfɨ ndo ɨchfɨ ndo ɨ fu ntèʼsɨ njvàsɨ̀ bò, a ɨchfɨ ndo nɨ̀ Lubèyn nɨ̀ Gâd, baʼsɨ̂ nɨ̀ Zebulùn. ⁶⁴Yi ti n-dyêyn na ghelɨ Isìlæ̀ nɨn læ fu ntèʼ nâ sèynsɨ̀ sɨ̂ woyn Levì baʼsɨ̂ kɨ nɨ̀ ɨ̀twaʼ nyamsɨ̀. ⁶⁵Ntèʼsɨ Judà nâ sèynsɨ̀; ɨ Simìyòn nɨ̀ Benjamìn, nɨn ghɨ ma ghɨ læ tɨm kɨmɨ bèyʼ jæ ta ka ghɨ gwotɨ. ⁶⁶Ghɨ n-læ fu ntèʼ sɨ lisɨ sɨ̂ woyn Kohàt baʼsɨ̂ nɨ̀ ɨ̀twaʼ nyamsɨ dzɨ abàs a Eflèm; ⁶⁷A n-læ nà ghɨ a ilaʼ i kfɨynsɨ a Eflèm ghɨ fu ntèʼ Shechèm; alêʼ a leytɨ na, sɨ̂ àŋena baʼsɨ̂ nɨ̀ Gezà. ⁶⁸Ghɨ n-læ meyn fu kɨ mɨ Jokmèm nɨ̀ Bet Holòn, ⁶⁹nɨ̀ Ayjalòn nɨ̀ Gât nɨ̀ Limòn, baʼsɨ̂ kɨ nɨ ɨ̀twaʼ nyamsɨ nɨ̀ àŋena. ⁷⁰A n-læ nà ghɨ abàs a Manasè a li-a, ghelɨ Isìlæ̀ ɨ fu Anà nɨ̀ Bilèm, baʼsɨ̂ kɨ nɨ̀ ɨ̀twaʼ nyamsɨ nɨ̀ àŋena sɨ̂ ghelɨ ndo nɨ̀ Kohàt. ⁷¹Ghelɨ ndo nɨ̀ Geshòn nɨn læ keli ɨlwêʼ abàs a Mànasè a li-a; àŋena nɨn læ keli Golàn, a Bashàn, nɨ̀ Ashtalòt, baʼsɨ̂ kɨmɨ nɨ̀ ɨ̀twaʼ nyamsɨ̀ nɨ̀ àŋena. ⁷²A n-læ nà ghɨ abàs a ntèʼ Ishakà, àŋena keli Kedèsh nɨ̀ Daberàt, ⁷³nɨ̀ Lamòt nɨ̀ Anèm, baʼsɨ̂ kɨ nɨ̀ ɨ̀twaʼ nyamsɨ̀ nɨ̀ àŋena. ⁷⁴A nà ghɨ a ntèʼ Ashà, àŋena keli Mashàl nɨ̀ Abdòn, ⁷⁵nɨ̀ Hukòk nɨ̀ Lehòb, baʼsɨ̂ kɨ nɨ̀ ɨ̀twaʼ nyamsɨ̀ nɨ̀ àŋena. ⁷⁶Ghelɨ Naftali nɨn læ keli Kedèsh a Galilì nɨ̀ Hamòn nɨ̀ Kìliyatàym, baʼsɨ̂ nɨ̀ ɨ̀twaʼ nyamsɨ̀ nɨ̀ àŋena. ⁷⁷Ghelɨ Melalìt; ɨ ghelɨ ghì a ghɨ n-læ faŋ, nɨn læ keli ɨlwêʼ a ntèʼ Zebulùn, ɨ Joknìm nɨ̀ Katà nɨ̀ Limonò nɨ̀ Tabò, baʼsɨ̂ kɨ nɨ̀ ɨ̀twaʼ nyamsɨ̀ nɨ̀ àŋena. ⁷⁸Ghelɨ ntèʼ Lubèyn nô ghɨ̀ jɨ̀m a ɨnjɨyni jvâ Jodàn, abàs ghè a ɨchfɨ iyvɨ i nɨn sal ateyn a Jèlikò ɨ keli ɨ̀lwêʼ a Bezà, a nse ìyum, nɨ̀ Jazà, ⁷⁹nɨ̀ Kedemòt nɨ̀ Mefàt, baʼsɨ̂ kɨ nɨ̀ ɨ̀twaʼ nyamsɨ̀ nɨ̀ àŋena. ⁸⁰Ghelɨ ntèʼ Gâd nɨn læ keli Lamòt a Gilèd nɨ̀ Màhanàym, ⁸¹nɨ̀ Heshbòn nɨ̀ Jazà, baʼsɨ̂ kɨ nɨ̀ ɨ̀twaʼ nyamsɨ nɨ̀ àŋena.