Psalms 6
This book is a draft. It has been translated but has not yet finished checking, and is published here so the community can read and respond to it.
Njàŋ ta Devit nɨ̀n læ betɨ na nchvɨ̀ njàŋ na fu-a, ghɨ nà yema, buʼ ìluŋ i mɨ̂nchaʼ
1Ka wa n-lèm mà iyèʼi a Bobo nɨ̀ ɨ̀tòŋ ɨ yafɨnɨ
Ka wa n-tìsɨ mà nɨ̀ ɨ̀toŋ ɨ yafɨnɨ
2Koynsɨ isuyn sɨ̂ mà a Bobo, yi ghaʼ meyn mà;
Ma bol meyn nô sɨ a ŋaŋ a Bobo, gàmtɨ ma mà yvɨtɨ.
3Ɨlva wom nɨn lûm kɨ tèyn nchuŋ.
A mɨ ti n-faŋ kɨ a ngeʼ nâ ghàyn tèyn a Bobo.
4Kfɨnɨ ikfâʼtɨ̀ ì zæ a Bobo ɨ fɨ̀sɨ̀ mà sɨ a ngeʼ;
Gàmtɨ ma bòm ìkôŋ i mɨ̂kàyn nɨ̀ và sɨ̂ mà.
5Wùl kfɨ wu bû fì kèli ɨ̀chfɨ̂ sɨ fèʼtɨ njùŋ zyâ.
Nkfɨsɨ nse sɨ nɨn koʼsɨ̂ wì vâ.
6Ma dzɨ meyn bol
Mɨ n-chî chemsɨ̂ kɨ fɨ̀sɨ tèyn ɨtuʼ layna,
Mɨ n-chî ches kɨ fɨ̀sɨ tèyn ɨkûyn wom nà sayn kɨ tèyn woŋ.
7Ma dzɨ meyn bol, ngeʼ semsɨ nɨn dvɨ̂tɨ̀ ndu kɨ asɨ;
Mɨ n-mæ̂ ndû kɨ awu nɨ̀ mbàynɨ̀ semsɨ têyn.
8Zɨ̀ ghelɨ awo a bɨ-a ghèyn, yì kasi sɨ a ma ibàm,
Bobo yvɨ meyn idzɨ̂ ì yemi
9Bobo yvɨ meyn ta mɨ n-dzɨ̂ ɨ̀ koynsɨ isuyn sɨ̂ mà;
Bobo yvɨ meyn ìjêm ì yemi.
10Mbàynɨ̀ semsɨ nɨn nì wumî nô sɨ̀ jɨ̀m;
Iwumi ɨ nì ni-a a àŋena lêʼ kàsi sɨ a ma ibàm kɨ nɨ̀ ìnyɨŋ i.