Psalms 54
This book is a draft. It has been translated but has not yet finished checking, and is published here so the community can read and respond to it.
Fsɨ ma sɨ ɨwu nɨ̀ mbàynɨ̀ semsɨ
Njàŋ àbòŋ ta Devìt nɨ̀n læ betɨ ɨ fu sɨ̂ nchfɨ̀ njàŋ na wù na fu-a, ghɨ nà yema buʼ tɨ̀luŋ. À nà n-ghɨ ɨtuʼ ghê a ghelɨ Zîf nɨ̀n læ ndù sɨ̂ Sôl ɨ bè na, “Ba Devìt nɨ̀n lêytɨ̀ chwô antêynɨ̀ nɨ̀ ghès?”
1Bœ̀sɨ ma a Fɨyini femfɨ sɨ adyaʼ nɨ̀ và;
Dyèyn adyaʼ a bemnɨ-a nɨ̀ và, saʼ fu nsaʼ yem.
2Yvɨ ijêm ì yemi a Fɨyini fɨ̀,
Yvɨtɨ iwo zɨ̀ a mɨ n-bê sɨ̂ và.
3Ghelɨ ɨtum nɨn nyɨŋ a ma ibàm;
À n-ghɨ ghelɨ lum koynsɨ̂ wì isuyn sɨ̂ wùl
Àŋena nɨn kɨŋ sɨ zue ma Àŋena nɨn lî wì na Fɨyini fɨ̀ nɨn ghɨ àfo.
Yì toʼ yvɨ̀tɨ.
4Samoʼ, Fɨyini fɨ̀ nɨn ghɨ ngàmtɨ̀ yem;
À n-nî và a Bôbo na mà na chi-à.
5Buʼsɨ ghelɨ ghì a ghɨ n-nyaʼ jelɨ̀ a ma ibàm;
Ni àŋena kasi lì kɨ̀ ɨtwam ghè a àŋena bèyntɨ̀ sɨ̂ mà. Bebsɨ àŋena, ni kɨ iwo zɨ̀ a wà n-læ chfɨ̀nɨ.
6Mɨ n-fu ìfu ikòŋ nɨ̀ mà sɨ̂ và a BÔBO;
Mà na koʼsɨ̂ ìzɨyn ì zæ, izɨyn ì zæ nɨn jofà.
7Wà fvɨsɨ meyn mà sɨ a ma ngeʼsɨ nô sɨ̀ jɨ̀m,
Ma yeyn meyn nɨ̀ àsɨ à kema a BÔBO. Ma yeyn meyn ta mbàynɨ̀ semsɨ fèlɨ.