Psalms 20
This book is a draft. It has been translated but has not yet finished checking, and is published here so the community can read and respond to it.
Ijêm na fòyn seʼ tɨm yɨ
Njàŋ ta Devìt nɨ̀n læ betɨ ɨ fu sɨ̂ nchfɨ̀ njàŋ na wù na fu-a ghɨ yema
1Mɨ n-jêm na Bôbo Fɨyini beynsɨ ijêm ì zæ achi a ngeʼ nɨ̀ và;
Jêm na Fɨyini fɨ Jàkôb fɨ̀ kɨŋtɨ vâ bòm ìzɨyn i ŋweyn.
2Mɨ n-jêm na wù tum ìgâmtɨ̀ yi lu alèʼ a laynɨ-a nɨ̀ ŋweyn ɨ̀ gvì sɨ̂ và.
Jêm na igâmtɨ̀-ì lu sɨ̂ ŋweyn a Zayòn ɨ̀ gvì sɨ̂ và.
3Mɨ n-jêm na ka BÔBO nɨ̂n lèsɨ̀ tɨ̀fu tìtɨ̀ a wà n-fu sɨ̂ ŋweyn nô tɨ̀ jɨ̀m,
Jêm na wù fsɨ tɨfu tɨ nyoʼnɨtɨ nɨ̀ và.
Yì toʼ yvɨ̀tɨ.
4Mɨ n-jêm na Bôbo Fɨyini fu ɨfwo vzɨ̀ sɨ̂ và a wà n-koŋ.
Jêm na BÔBO ni nô mɨ ghà ta wà bàʼtɨ, yi kfeyn.
5Mɨ n-jêm na wù bœsɨ vâ ta ka ghès na luʼa,
Nêʼ ɨ̀ywaŋ ta wà tɨm yɨ sɨ izɨyn nɨ̀ Fɨyini fɨ ghesɨ̀nàfɨ.
Mɨ n-jêm na Bôbo Fɨyini fu nô mɨ ghà ta wà n-bɨf.
6Samoʼ mɨ n-kya na BÔBO nɨn bœ̀sɨ̀ fòyn vzɨ̀ a wù yìsi ɨ̀ lèm;
Wu n-tum ìgâmtɨ̀ a yi lu alèʼ a laynɨ-a nɨ̀ ŋweyn ɨ̀ gvì sɨ̂ fòyn.
Wu n-bœ̀sɨ̀ fòyn nɨ̀ àdyaʼ a kaynɨ-a.
7Ghelɨ ghɨ li nɨn yeʼtɨ̂ kɨ ɨfwo iwòŋ nɨ̀ àŋena. Ghɨli yeʼtɨ̂ kɨ a mɨ̂nyaʼ ta àŋena nɨn fyeŋ,
Mɨtì ghès ɨ samsɨ̂ kɨ izɨyn nɨ̀ Bôbo Fɨyini feyfɨ.
8Àŋena læ̀ nà bolî felɨ-à,
Mɨtì a ghès timi nà to kɨ tèyn nteŋ.
9Bœ̀sɨ fòyn wes a BÔBO!
Ghesɨ̀nà nɨn dzɨ̂ na wù beynsɨ ijêm i ghesɨ̀nà layn!