Psalms 125
This book is a draft. It has been translated but has not yet finished checking, and is published here so the community can read and respond to it.
Njàŋ ta ghelɨ ghɨ bɨminɨ nɨ̀n læ nà yem ɨlvɨ ta ghɨ n-koʼ a Jèlusalèm sɨ koʼsɨ Bôbo Fɨyini
1Ghelɨ ghì a ghɨ n-yeʼtɨ ɨwùyn nɨ̀ Bôbo Fɨyini Nɨn ghɨ ta kfɨyn Zayòn Ma afo-a kàʼ kɨ bû læ̀ nèʼsɨ̀ Yì faŋ meyn sɨ a mɨlvɨ ɨ̀n jɨ̀m.
2Dzɨ̀ zɨ̂ a kfɨynsɨ jɨ̀ŋ kàli Jèlusalèm ateyn Nɨ̀n ghɨ kɨ dzɨ zɨ̀ a Bobo Fɨyini jɨ̀ŋ kàli ghelɨ ŋweyn Yi n-ghɨ kɨ tì lvɨ̂yn, ghɨ sɨ nà ghɨ kɨ tì nô ta ka ghɨ̀ læ̂ ghɨ̀.
3Samoʼ, Fɨyini fɨ nɨn visî wì na ghelɨ ghɨ bɨ faŋ na saʼ kɨ sa tɨlaʼ tìtɨ̀ a wù fu sɨ̂ ghelɨ àtì-ati Fɨyini fɨ nɨn visî wi bu tì a ghelɨ àtì-ati beynlɨ nà nî mbɨ.
4Ni njùŋ sɨ̂ ghelɨ ghɨ jûŋ a Bôbo Fɨyini Ni njùŋ sɨ̂ ghelɨ àtì-ati.
5Bôbo Fɨyini ɨ nì sâŋ fvɨ̀sɨ̀ ghelɨ ghì a ghɨ n-jelɨ̀ wì a dzɨsɨ àtì-ati Ɨ̀ sàŋ fvɨ̀sɨ̀ kɨ̀mɨ ghelɨ awo a bɨ-a. Mbôynɨ̀ ɨ nì nà ghɨ sɨ̂ ghelɨ Isìlæ̀.