Psalms 110
This book is a draft. It has been translated but has not yet finished checking, and is published here so the community can read and respond to it.
Fɨyini fɨ̀ nɨn fu àdyaʼ sɨ̂ fòyn
Njàŋ ta Devìt nɨ̀n læ betɨ
1À n-ghɨ ìtaŋi i Bôbo Fɨyini sɨ̂ Bôbo wom têyn: “Gvi dùʼi a ma ɨkœ ɨ two afêyn Sɨ chem ta ka mà suʼsɨ mbàynɨ̀ shyasɨ A sɨ kasi sɨ ɨfwo ghè a wà n-tomtɨ ɨvɨ vâ ateyn.”
2Fɨyini fɨ̀ nɨn nì-à a isaʼ ì zæ zɨtɨ a Zayòn Ɨ̀ yam ndù kɨ̀ ɨlwêʼ ɨ̀ jɨ̀m a mbzɨ A wà na saʼ mbàynɨ̀ shyasɨ.
3À læ̀ nà ghɨ achi iwòŋ A ghelɨ̀ ghya fvɨ kɨ̀ sɨ a ngeŋ ɨ̀ nù sɨ̂ và Ngvaʼ wùl læ̀ lafa ɨ̀ lèm ngeŋsɨ àŋena nɨ̀ ìlayn i Ɨ̀ bɨsɨ fvɨ̀ kɨ̀ sɨ idvɨ̀ ɨ̀ yvɨ̀sɨ̀ ɨ̀lwêʼ sɨ̂ và kɨ̀ ta amyâʼ.
4Bôbo Fɨyini lem meyn sɨ ikàyntɨ̀, Bu fì ghɨ wi sɨ kfɨnɨ ikfâʼtɨ̀ i ŋweyn na, “Wà faŋ meyn sɨ a ngàŋ ndô Fɨyini Kɨ̀ sɨ a mɨlvɨ ɨ̀n jɨ̀m kɨ̀ ta Melkizedèk.”
5À n-fu Bôbo Fɨyini fu àdyaʼ sɨ̂ và À læ̀ nà ghɨ achi ghè a ka ɨtoŋ ŋweyn baŋ, A wù zuetɨ tɨ̀fôyn tɨ mbzɨ kɨ̀ sɨ idvɨ̀.
6Wu nì saʼ tɨ̀laʼ, a ghelɨ kfɨtɨ kɨ̀ sɨ idvɨ̀ Wu nì mesì ghelɨ ghɨ tisɨnɨ kɨ̀ a tɨlaʼ tɨ mbzɨ tɨ̀ jɨ̀m.
7Bôbo wom ɨ nì nyvɨ mu isɨ i lɨmàlɨ̀mà a mbæ̀ dzɨ̀ Ɨ̀ kèli àdyaʼ ɨ̀ tɨm yɨ.