Nehemiah 7

Dzɨ̀ zɨ̂ a ka ghɨ na tisɨ̂ ìlaʼ ateyn

¹À n-læ nà ghɨ ta ghɨ kàsi bàʼlɨ̀ mèsi mbàyn Jèlusalèm ma ghaŋsɨ àchfɨ̂ ateyn, ɨ lèm ghelɨ ghì a ka ghɨ na chi-à, ɨ lèm ghelɨ ghɨ yemnɨ, ɨ choʼtɨ ghelɨ isas i ndo nɨ̀ Levì ghì a ka ghɨ na felà. ²Mɨ n-lem meyn wâynà wom Hànanì ŋêyn Hànànayà na ghɨ na tisɨ̂ Jèlusalèm. Hànànayà nà n-ghɨ àtu a sùgèyʼ sìsɨ̀ a sɨ nà n-ghɨ abaŋ a nchì bòm ta wù nà n-ghɨ wul fâyn Fɨyini chwô ghelɨ ghɨ li, taŋî kɨ samoʼ. ³Mɨ n-bè sɨ̂ àŋena na, “Ɨtuʼ na layna, ɨchfɨ̂-iyvɨ i nî faŋ tɨ̀ sal ka ghɨ n-dzɨ̀ytɨ̀ àchfɨ a mbàyn Jèlusalèm, à nî nà ghɨ aleŋ ɨlvɨ ikfa ghɨ kɨŋ fòtɨ̀ àchfɨ̂ ateyn jæ ta ka nchìsɨ̀ kfa. Mɨ n-fi meyn be kɨmɨ na àŋena choʼtɨ ghelɨ antêynɨ̀ nɨ̀ ghelɨ ghì a ghɨ n-chi a Jèlusalèm àŋena na chî mbàyn àteyn kɨ̀ ɨlwèʼ ɨlwèʼ, ghɨ li chî a ngùŋ ndosɨ nɨ̀ àŋena.

Azɨyn a ghelɨ ghì a ghɨ n-kasi kfa sɨ a Babilòyn

⁴Jèlusalèm nà n-ghaʼ kɨ tèyn mɨtì ghelɨ ɨ chî wì ateyn sɨ idvɨ̀ bula ghɨ kasi bàʼlɨ̀ ndosɨ ateyn.

⁵Fɨyini femfɨ ɨ lèm a ma ikfàʼtɨ̀ na mà yvɨŋtɨ chyeʼsɨ nɨ̀ ghelɨ ghɨ tisɨnɨ nô mɨ nɨ̀ nda ɨ̀ nyàʼ àzɨyn a àŋena kɨ̀ asas a ndosɨ asas a ndosɨ. Ma se sɨ nyàʼ ɨ kæ yeyn azɨyn a ghelɨ ghì a ghɨ n-læ kasi kfa a Jèlusalèm sɨ asɨ. À ti awo kì a mɨ n-yeyn ta ghɨ nyàʼ a ŋwàʼlɨ̀ nâ ghè:

⁶Akeynà nɨn ghɨ àzɨyn a ghelɨ ghì a ghɨ n-kàsi kfa a Jèlusalèm. Nèbòkànezà ɨ fòyn Babilòyn nɨn læ meyn lì àŋena iwòŋ, ɨ ndù nɨ̀ àŋena a Babilòyn. Àŋena nɨn kàsi kfa nô mɨ ndà ɨ nà ndû kɨ a ntèʼ ghè a wu n-fvɨ̀ ateyn a Jèlusalèm nɨ̀ Judà. ⁷Ghelɨ ghɨ tisɨnɨ nɨ̀ àŋena nà n-ghɨ Zèlubàbêl nɨ̀ Jeshùwà nɨ̀ Nèhèmayà kɨ̀mɨ nɨ̀ Àzalìyà nɨ̀ Lamayà nɨ̀ Nahamanì ŋêyn Mòdèkayà nɨ̀ Bilshàn nɨ̀ Misbelèt nɨ̀ Bigvày nɨ̀ Nehùm baʼsɨ̂ nɨ̀ Banà.

Akeynà nɨn ghɨ àkôyn a ghɨlûmnɨ Isìlæ̀ ghì a ghɨ n-læ kasi kfa kɨ̀ asas a ndosɨ asas a ndosɨ:

⁸Ghelɨ isas i ndo nɨ̀ Balùsh nà n-ghɨ nkamsɨ̀ bò nɨ̀ ghelɨ ɨvɨ nɨ̀ ghelɨ mɨ̀vɨ̂m nsòmbo njvàsɨ̀ bò. ⁹Ɨghɨ isas i ndo nɨ̀ Shèfàtayà ɨ ghɨ ighɨ ì tal nɨ̀ ghelɨ mɨ̀vɨ̂m nsòmbo njvàsɨ̀ bò. ¹⁰Ɨghɨ isas i ndo nɨ̀ Alà ɨ ghɨ ighɨ ntufa nɨ̀ ghelɨ mɨ̀vɨm ɨ̀n tâyn njvàsɨ̀ bò. ¹¹Ghelɨ isas i ndo nɨ̀ Bàhàt Mowàb ma à ti woyn Jeshùwà ŋêyn woyn Jowàb nà n-ghɨ nkamsɨ̀ bò nɨ̀ ghelɨ ighɨ nfama nɨ̀ ghelɨ njvàsɨ̀ nfama. ¹²Ɨghɨ Elàm ɨ ghɨ nkam nɨ̀ ghelɨ ighɨ ì bò nɨ̀ ghelɨ mɨ̀vɨm ɨ̀n tâyn njvàsɨ̀ kæ̀. ¹³Ɨghɨ Zatù ɨ ghɨ ighɨ nfama nɨ̀ ghelɨ mɨ̀vɨm ɨ̀n kæ̀ njvàsɨ̀ tâyn. ¹⁴Ɨghɨ Zakày ɨ ghɨ ighɨ nsòmbo nɨ̀ ghelɨ mɨ̀vɨ̂m ntufa. ¹⁵Ghelɨ isas i ndo nɨ̀ Binyuè nà n-ghɨ ighɨ ntufa nɨ̀ ghelɨ mɨ̀vɨm ɨ̀n kæ̀ njvàsɨ̀ nfama. ¹⁶Ɨghɨ Bebày ɨ ghɨ ighɨ ntufa nɨ̀ ghelɨ mɨ̀vɨm ɨ̀m bò njvàsɨ̀ nfama. ¹⁷Ɨghɨ Azgàd ɨ ghɨ nkamsɨ̀ bò nɨ̀ ghelɨ ighɨ ì tal nɨ̀ mɨ̀vɨm ɨ̀m bò njvàsɨ̀ bò. ¹⁸Ghelɨ isas i ndo nɨ̀ Adonikàm nà n-ghɨ ighɨ ntufa nɨ̀ ghelɨ mɨ̀vɨ̂m ntufa njvàsɨ̀ nsòmbo. ¹⁹Ɨghɨ Bigvày ɨ ghɨ nkamsɨ̀ bò nɨ̀ ghelɨ mɨ̀vɨ̂m ntufa njvàsɨ̀ nsòmbo. ²⁰Ɨghɨ Adìn ɨ ghɨ ighɨ ntufa nɨ̀ ghelɨ mɨ̀vɨm ɨ̀n tâyn njvàsɨ̀ tâyn. ²¹Ɨghɨ Atà ɨ woyn Hèzèkayà ɨ ghɨ mɨ̀vɨ̂m bulamòʼ njvàsɨ̀ nfama. ²²Ɨghɨ Hashùm ɨ ghɨ ighɨ ì tal nɨ̀ ghelɨ mɨ̀vɨm ɨ̀m bò njvàsɨ̀ nfama. ²³Ghelɨ isas i ndo nɨ̀ Bezày nà n-ghɨ ighɨ ì tal nɨ̀ ghelɨ mɨ̀vɨm ɨ̀m bò njvàsɨ̀ kæ̀. ²⁴Ɨghɨ Halìf ɨ ghɨ ɨvɨ nɨ̀ ghelɨ njvàsɨ̀ bò. ²⁵Ɨghɨ Gibìyòn ɨ ghɨ mɨ̀vɨ̂m bulamòʼ njvàsɨ̀ tâyn. ²⁶Ghɨ̀lûmnɨ̀ ɨ Betɨ̀lèhêm nɨ̀ ɨ ghɨ Netofà nà n-ghɨ ɨvɨ nɨ̀ ghelɨ mɨ̀vɨ̂m nfama njvàsɨ̀ nfama. ²⁷Ɨghɨ Anatòt ɨ ghɨ ɨvɨ nɨ̀ ghelɨ mɨ̀vɨm ɨ̀m bò njvàsɨ̀ nfama. ²⁸Ɨghɨ Bet Azmavèt nà n-ghɨ mɨ̀vɨ̂m n-kæ̀ njvàsɨ̀ bò. ²⁹Ɨghɨ Kiliyat Jalìm nɨ̀ Kefilà nɨ̀ Bilòt nà n-ghɨ ighɨ nsòmbo nɨ̀ ghelɨ mɨ̀vɨm ɨ̀n kæ̀ njvàsɨ̀ tal. ³⁰Ghelɨ Lamà nɨ̀ ɨ ghɨ Gebà ɨ ghɨ ighɨ ntufa nɨ̀ ghelɨ mɨ̀vɨm ɨ̀m bò . ³¹Ɨghɨ Mikmàsh ɨ ghɨ ɨvɨ nɨ̀ ghelɨ mɨ̀vɨm ɨ̀m bò njvàsɨ̀ bò. ³²Ghelɨ Betèl nɨ̀ ɨ ghɨ Ây ɨ ghɨ ɨvɨ nɨ̀ ghelɨ mɨ̀vɨm ɨ̀m bò njvàsɨ̀ tal. ³³Ghelɨ Nebò ghɨ li ɨ ghɨ mɨ̀vɨ̂m tayn njvàsɨ̀ bò. ³⁴Ghelɨ Elàm ghɨ li ɨ ghɨ nkam nɨ̀ ghelɨ ighɨ ì bò nɨ̀ ghelɨ mɨ̀vɨm ɨ̀n tâyn njvàsɨ̀ kæ̀. ³⁵Ɨghɨ Halìm ɨ ghɨ ighɨ ì tal nɨ̀ ghelɨ mɨvɨ̂m bò. ³⁶Ɨghɨ Jèlikò ɨ ghɨ ighɨ ì tal nɨ̀ ghelɨ mɨ̀vɨm ɨ̀n kæ̀ njvàsɨ̀ tâyn. ³⁷Ɨghɨ Lôd nɨ̀ ɨ ghɨ Hadìd nɨ̀ ɨ ghɨ Onò ɨ ghɨ ighɨ nsòmbo nɨ̀ ghelɨ mɨ̀vɨm ɨ̀m bò . ³⁸Ɨghɨ Senà ɨ ghɨ nkamsɨ̀ tal nɨ̀ ghelɨ ighɨ bulamòʼ nɨ̀ ghelɨ mɨ̀vɨm ɨ̀n tal.

³⁹Ɨsêynsɨ̀ nɨn ghɨ ngàŋsɨ ndô Fɨyini sìsɨ̀ a sɨ n-læ kasi kfa a Jèlusalèm: Woyn Jèdayà ghì a ghɨ fvɨ̀ isas i ndo nɨ̀ Jeshùwà nà n-ghɨ ighɨ bulamòʼ nɨ̀ ghelɨ mɨ̀vɨ̂m nsòmbo njvàsɨ̀ tal. ⁴⁰Ɨghɨ Imà ɨ ghɨ nkam nɨ̀ ghelɨ mɨ̀vɨm ɨ̀n tâyn njvàsɨ̀ bò. ⁴¹Ɨghɨ Bashù ɨ ghɨ nkam nɨ̀ ghelɨ ighɨ ì bò nɨ̀ ghelɨ mɨ̀vɨm ɨ̀n kæ̀ njvàsɨ̀ nsòmbo. ⁴²Ɨghɨ Halìm ɨ ghɨ nkam nɨ̀ ghelɨ njvàsɨ̀ nsòmbo.

⁴³Ghelɨ isas i ndo nɨ̀ Levì ghì a ghɨ n-læ kasi kfa a Jèlusalèm nà n-ghɨ woyn Jeshùwà nɨ̀ ɨ ghɨ Kadmiyèl ma ghɨ fvɨ̀ isas i ndo nɨ̀ Hodevà ɨ ghɨ mɨ̀vɨ̂m nsòmbo njvàsɨ̀ kæ̀.

⁴⁴Ghelɨ ghɨ yemnɨ ghì a ghɨ fvɨ̀ isas i ndo nɨ̀ Asàf nà n-ghɨ ɨvɨ nɨ̀ ghelɨ mɨ̀vɨm ɨ̀n kæ̀ njvàsɨ̀ nfama.

⁴⁵Ghelɨ ghì a ghɨ nà n-chi achfɨ̂ a mbàyn nà n-ghɨ woyn isas i ndo nɨ̀ Shalùm nɨ̀ Atà kɨ̀mɨ nɨ̀ Talmòn nɨ̀ Akùb nɨ̀ Hatità baʼsɨ̂ nɨ̀ Shobày. Àŋena nà n-chɨ̂yntɨ̀ ghɨ ɨvɨ nɨ̀ ghelɨ mɨ̀vɨm ɨ̀n tal njvàsɨ̀ nfama. ⁴⁶Ɨghêyn nɨ̀n ghɨ ghelɨ ghì a ghɨ nà n-felɨ̀ a ndo Fɨyini a woyn àŋena nɨn læ kasi kfa. Àŋena nà n-ghɨ Zihà nɨ̀ Hasufà kɨ̀mɨ nɨ̀ Tabayòt, ⁴⁷nɨ̀ Kelòs nɨ̀ Siyà kɨ̀mɨ nɨ̀ Badòn, ⁴⁸nɨ̀ Lebanà nɨ̀ Hagabà kɨ̀mɨ nɨ̀ Shàlmày, ⁴⁹nɨ̀ Hanàn nɨ̀ Gidèl kɨ̀mɨ nɨ̀ Gahà, ⁵⁰nɨ̀ Lèhayà nɨ̀ Lezìn kɨ̀mɨ nɨ̀ Nekodà, ⁵¹nɨ̀ Gazàm nɨ̀ Uzà kɨ̀mɨ nɨ̀ Basèyà, ⁵²nɨ̀ Besày nɨ̀ Meyunìm kɨ̀mɨ nɨ̀ Nefusìm, ⁵³nɨ̀ Bakbùk nɨ̀ Hakufà kɨ̀mɨ nɨ̀ Halhùl, ⁵⁴nɨ̀ Bazlìt nɨ̀ Mehidà kɨ̀mɨ nɨ Hashà, ⁵⁵nɨ̀ Balkòs nɨ̀ Siselà kɨ̀mɨ nɨ̀ Temà, ⁵⁶nɨ̀ Nezìyà baʼsɨ̂ nɨ̀ Hatifà.

⁵⁷Azɨyn a ghelɨ ghɨ felɨnɨ nɨ̀ Sòlomùn ghì a woyn àŋena nɨn læ kasi kfa nà n-ghɨ Sotày nɨ̀ Sofelèt kɨ̀mɨ nɨ̀ Belidà, ⁵⁸nɨ̀ Jalà nɨ̀ Dalkòn kɨ̀mɨ nɨ̀ Gidèl, ⁵⁹nɨ̀ Shèfàtayà nɨ̀ Hatìl nɨ̀ Bokelet-Hàzèbayìm kɨ̀mɨ nɨ̀ Amòn. ⁶⁰Ghelɨ ghì a ghɨ nà n-felɨ̀ a ndo Fɨyini baʼsɨ̂ nɨ̀ woyn ghelɨ ghɨ felɨnɨ nɨ̀ Sòlomùn nà n-chɨ̂yntɨ̀ ghɨ ighɨ ì tal nɨ̀ ghelɨ mɨ̀vɨ̂m bulamòʼ njvàsɨ̀ bò.

⁶¹Anôyn a li-a nɨn lu meyn a ntèʼ Tel Melà nɨ̀ Tel Hashà nɨ̀ Kelùb nɨ̀ Adòn baʼsɨ̂ nɨ̀ Imà, kelɨ wi afo sɨ dyèyn na àŋena nɨn ghɨ ghelɨ Isìlæ̀. ⁶²Ghelɨ nâ ghèyn nà n-ghɨ woyn Dèlayà nɨ̀ ɨ ghɨ Tòbayà baʼsɨ̂ nɨ̀ ɨ ghɨ Nekodà. Àŋena nà n-chɨ̂yntɨ̀ ghɨ ighɨ ntufa nɨ̀ ghelɨ mɨ̀vɨm ɨ̀m bò njvàsɨ̀ bò.

⁶³Ngàŋsɨ ndô Fɨyini sɨ lisɨ nɨn læ meyn kasi kfa kɨmɨ kfa a Jèlusalèm, a ghɨ woyn Hòbayà nɨ̀ Hakòz nɨ̀ Bàzilày. Bàzilày nɨ̂n læ mala wâyn Bàzilày ɨ wul ɨ̀ Gilèd ghɨ nà sɨ toŋtɨ̂ ŋweyn na Bàzilày, a ghɨ ìzɨyn i bò wi nɨ̀ ŋweyn.

⁶⁴Ghelɨ nâ ghèyn ɨ kɨŋ azɨyn a àŋena a ŋwàʼlɨ̀sɨ̀ ɨ faŋ tɨ̀ yeyn. Ghɨ fvɨ̀sɨ̀ àŋena sɨ anòyn nɨ̀ ngàŋsɨ ndô Fɨyini na àŋena nɨn layn wi ta isaʼi nɨn dyêyn. ⁶⁵Wùl ɨ̀ vzɨ̀ a wu nà n-saʼ ghelɨ Jûsɨ̀ ɨ bè na wùl sɨ̂ àŋena nɨn yɨ ɨfwo ɨ yɨnɨ ɨ laynɨ a bu kɨ na ngàŋ ndô Fɨyini ki meyn yèyn iwo zɨ̀ a Fɨyini fɨ nɨn kɨŋ a yùlîm nɨ̀ tùmîm.

⁶⁶Ghelɨ ghì nô ghɨ̀ jɨ̀m a ghɨ n-læ kasi kfa a Judà nà n-chɨ̂yntɨ̀ ghɨ nkam mɨ̀vɨm ɨ̀n kæ̀ njvàsɨ̀ bò nɨ̀ ghelɨ ighɨ ì tal nɨ̀ ghelɨ mɨ̀vɨ̂m ntufa. ⁶⁷Ghelɨ ghɨ felɨnɨ nɨ̀ àŋena ghɨ lûmnɨ̀ nɨn ghɨki ɨ ghɨ nkamsɨ nsòmbo nɨ̀ ghelɨ ighɨ ì tal nɨ̀ ghelɨ mɨ̀vɨm ɨ̀n tal njvàsɨ nsòmbo. Ghelɨ ghɨ yemnɨ ghɨ lûmnɨ̀ nɨ̀ ghɨki ɨ ghɨ ighɨ ì bò nɨ̀ ghelɨ mɨ̀vɨm ɨ̀n kæ̀ njvàsɨ̀ tâyn. ⁶⁸Nyamsɨ kfaŋsɨ nà n-ghɨ ighɨ nsòmbo nɨ̀ nyamsɨ mɨ̀vɨm ɨ̀n tal njvàsɨ̀ ntufa. Nyam sìsɨ̀ a njàkâs nà n-ku nyam kfaŋ yi bzɨ ɨ ghɨ ighɨ ì bò nɨ̀ nyamsɨ mɨ̀vɨm ɨ̀n kæ̀ njvàsɨ̀ tâyn. ⁶⁹Kàmêlsɨ nà n-ghɨ ighɨ ì kæ̀ nɨ̀ kàmêlsɨ̀ mɨ̀vɨm ɨ̀n tal njvàsɨ̀ tâyn. Njàkâysɨ̀ ɨ ghɨ nkamsɨ ntufa nɨ̀ njàkâysɨ̀ ighɨ nsòmbo nɨ̀ njàkâysɨ̀ mɨ̀vɨm ɨ̀m bò.

⁷⁰Ghelɨ ghɨ tisɨnɨ asas a ndosɨ a li-a nɨn læ meyn tòʼ ifêl ateyn. Wul ɨ saʼnɨ abàs ilaʼ nâ ghè nɨ̂n fu aso ɨkwo a baŋnɨ-a kɨ dɨlɨ̀ chem kilùsɨ̀ nfama nɨ̀ àbeʼa ɨ fu ɨkfaŋ ɨ ghaʼlɨnɨ mɨ̀vɨm ɨ̀n tâyn baʼsɨ̂ nɨ̀ ndzɨsɨ ngàŋsɨ ndô Fɨyinisɨ̀ ighɨ ì tâyn nɨ̀ ndzɨsɨ mɨ̀vɨm ɨ̀n tal sɨ tòʼ ifêl ateyn. ⁷¹Ghelɨ ghɨ tisɨnɨ asas a ndosɨ a li-a ɨ fu aso ɨkwo a baŋnɨ-a kɨ dɨlɨ̀ chem ndû kilùsɨ̀ ɨvɨ nɨ̀ kilùsɨ̀ mɨ̀vɨ̂m nsòmbo, baʼsɨ̂ nɨ̀ àso ɨkwo a fɨfâ kɨ dɨlɨ chem kilùsɨ̀ nkam nɨ̀ kilùsɨ̀ ighɨ ì tal. ⁷²Ghelɨ ghɨ li ɨ chɨ̀yntɨ fu aso ɨkwo a baŋnɨ-a kɨ dɨlɨ̀ chem kilùsɨ̀ ɨvɨ nɨ̀ kilùsɨ̀ mɨ̀vɨ̂m nsòmbo nɨ̀ àso ɨkwo a fɨfâ kɨ dɨlɨ̀ chem kilùsɨ̀ nkam nɨ̀ kilùsɨ̀ ighɨ ì bo baʼsɨ̂ nɨ̀ ndzɨsɨ ngàŋsɨ ndô Fɨyinisɨ̀ mɨ̀vɨ̂m ntufa njvàsɨ̀ nsòmbo.

⁷³Ngàŋsɨ ndô Fɨyinisɨ̀ nɨ̀ ghelɨ ndo nɨ̀ Levì nɨ̀ ghelɨ ghì a ghɨ nà n-chi achfɨ̂ a mbàyn kɨ̀mɨ nɨ̀ ghelɨ ghɨ yemnɨ nɨ̀ ghelɨ àntsɨ ghɨ li, nɨ̀ ghelɨ ghì a ghɨ n-felɨ̀ a ndô Fɨyini baʼsɨ̂ nɨ̀ ghelɨ Isìlæ̀ nô ghɨ̀ jɨ̀m ɨ kasi ndu nà chî a ntèʼsɨ nɨ̀ àŋena a Judà.

Ezlà ɨ taŋ isaʼ sɨ̂ ghelɨ

À n-læ se sɨ nà ghɨ a njoŋsɨ nsòmbo ma ghelɨ Isìlæ̀ sɨ chî a ntèʼsɨ nɨ̀ àŋena.