Nehemiah 10

¹Ghelɨ ghì a ghɨ n-læ tom awu a ŋwàʼlɨ̀ nâ ghè sɨ asɨ nà n-ghɨ:

Nèhèmayà ɨ wâyn Hàkalìyà nɨ̀ Zèdèkayà. Nèhèmayà nà n-ghɨ wul ɨ̀ saʼnɨ.

²Ngàŋsɨ ndô Fɨyini sìsɨ̀ a sɨ n-læ tom awu nà n-ghɨ: Sèlayà nɨ̀ Azalìyà kɨ̀mɨ nɨ̀ Jèlìmayà,

³nɨ̀ Bashùl nɨ̀ Amalìyà kɨ̀mɨ nɨ̀ Malkijà, ⁴nɨ̀ Hatùsh ŋêyn Shèbànayà nɨ̀ Malùk,

⁵kɨ̀mɨ nɨ̀ Halìm ŋêyn Melemòt nɨ̀ Obàdayà,

⁶kɨ̀mɨ nɨ̀ Danìyèl ŋêyn Ginetòn nɨ̀ Balùk,

⁷nɨ̀ Meshulàm ŋêyn Abijà kɨ̀mɨ nɨ̀ Mijamìn,

⁸nɨ̀ Mazayà ŋêyn Bilgày nɨ̀ Shèmayà.

⁹Ghelɨ ndo nɨ̀ Levì ghì a ghɨ n-læ tom awu a ŋwàʼlɨ̀ nâ ghàyn nà n-ghɨ:

Jeshùwà ɨ wâyn Azànayà nɨ̀ Binyuè ɨ wul ɨ̀ ndo nɨ̀ Henadàd ŋêyn Kadmìyèl,

¹⁰nɨ̀ woynà àŋena ghɨ li ɨ Shèbànayà nɨ̀ Hòdayà ŋêyn Kelità kɨ̀mɨ nɨ̀ Bèlayà nɨ̀ Hanàn,

¹¹kɨ̀mɨ nɨ̀ Mikà ŋêyn Lehòb nɨ̀ Hàshàbayà,

¹²kɨ̀mɨ nɨ̀ Zakùl nɨ̀ Shèlèbayà ŋêyn Shèbànayà,

¹³nɨ̀ Hòdayà nɨ̀ Banì baʼsɨ̂ nɨ̀ Beninù.

¹⁴Ghelɨ ghɨ tisɨnɨ ghì a ghɨ n-læ tom awu nà n-ghɨ:

Balùsh ŋêyn Bàhàt Mowàb kɨ̀mɨ nɨ̀ Elàm ŋêyn Zatù nɨ̀ Banì,

¹⁵kɨ̀mɨ nɨ̀ Bunì ŋêyn Azgàd kɨ̀mɨ nɨ̀ Bebày,

¹⁶nɨ̀ Adonijà ŋêyn Bigvày kɨ̀mɨ nɨ̀ Adìn,

¹⁷nɨ̀ Atà ŋêyn Hèzèkayà nɨ̀ Azùl,

¹⁸kɨ̀mɨ nɨ̀ Hòdayà nɨ̀ Hashùm ŋêyn Bezày,

¹⁹nɨ̀ Halìf ŋêyn Anatòt, nɨ̀ Nebày,

²⁰kɨ̀mɨ nɨ̀ Magbiyàsh ŋêyn Meshulàm nɨ̀ Hezìl,

²¹kɨ̀mɨ nɨ̀ Mèshezabèl ŋêyn Zadòk nɨ̀ Jadùwà,

²²nɨ̀ Bèlàtayà kɨ̀mɨ nɨ̀ Hanàn ŋêyn Anayà,

²³kɨ̀mɨ nɨ̀ Hosheyà nɨ̀ Hànànayà ŋêyn Hashùb,

²⁴nɨ̀ Halohèsh kɨ̀mɨ nɨ̀ Bilhà ŋêyn Shobèk,

²⁵nɨ̀ Lehùm kɨ̀mɨ nɨ̀ Hàshabnà ŋêyn Maseyà,

²⁶nɨ̀ Ahiyà kɨ̀mɨ nɨ̀ Hanàn ŋêyn Anàn,

²⁷nɨ̀ Malùk ŋêyn Halìm baʼsɨ̂ nɨ̀ Banà.

²⁸“Ghelɨ Isìlæ̀ ghɨ li ma à ti ngàŋsɨ ndô Fɨyini nɨ̀ ghelɨ ndo nɨ̀ Levì kɨ̀mɨ nɨ̀ ghelɨ ghì a ghɨ n-chî achfɨ̂ a mbàyn nɨ̀ ghelɨ ghɨ yemnɨ nɨ̀ ghelɨ ghɨ felɨnɨ a ndo Fɨyini nɨ̀n chɨyntɨ meyn woynà àŋena. Nô ghelɨ ghì ghɨ̀ jɨ̀m a ghɨ n-fvɨ̀sɨ ngeŋsɨ àŋena sɨ antêynɨ̀ nɨ̀ ghelɨ tɨlaʼ tɨ lûtɨ̀ sɨ nà yvɨnɨ̂ isaʼ i Fɨyini ŋêyn ghɨ̀ki àŋena nɨ̀ woyn àŋena ghɨ lûmnɨ̀ nɨ̀ ghɨki baʼsɨ̂ nô mɨ nɨ̀ nda vzɨ̂ a wù lèma meyn ɨ̀ kfeyn sɨ yvɨ sɨ keli iwo, ²⁹nɨ̀n chɨyntɨ meyn ŋêyn woynà àŋena ghì a à nà n-ghɨ ghelɨ ghɨ tisɨnɨ, ɨ yɨ mɨkâyn na àŋena kæ fe isaʼ zɨ̀ a Fɨyini fɨ nɨ̂n fu toynɨ̂ a Mosìs ɨ wul ɨ felɨnɨ nɨ̀ ŋweyn a Fɨyini fɨ fu ngeʼ sɨ̂ àŋena. Àŋena nɨ̂n chfɨ̀nɨ na àŋena na yvɨnɨ̂ tɨ̀saʼ tɨ Bôbo Fɨyini nô tɨ̀ jɨ̀m nɨ̀ ìyeʼi i ŋweyni.

³⁰“Ghès nɨn chfɨnɨ meyn na ghès læ̀ fu wi woyn ghes sɨ a ghɨ̂kì sɨ̂ ghelɨ ɨtum ghì a ghɨ n-chi ilaʼ nâ ghè kèsa ndu ghɨ̀kì sɨ̂ woyn ghes ilaʼ afu.

³¹“Ghelɨ ilaʼ nâ ghèyn kæ gvi nɨ̀ ɨ̀fwo beyʼlɨnɨ kèsa ɨfwo ɨ yɨnɨ sɨ beyʼlɨ achi ɨtuʼ ilaʼ kèsa nô mɨ achi a laynɨ-a à kà ghèsɨ bû yuyn. Ghès na fèlɨ̀ sɨ a bèŋsɨ̀ ntufa à na ghɨ a bèŋsɨ̀ nsòmbo, ghesɨ visi gveynsɨ sɨ chwòtɨ̀. À na ghɨ a bêŋ nâ ghàyn, ghès ɨ visi ndù nô mɨ nɨ̀ ìkwo ì kà ta wùl ti nà kelɨ sɨ làʼ sɨ̂ ghès.

³²Ghèsɨ bɨmi meyn na ghès na fu àso ɨkwo a fɨfâ kɨ dɨlɨ̀ chem ndû àbeʼ a kilù nô mɨ a bêŋ ì kà ta ka ghɨ na nì ìfêl ateyn a ndô Fɨyini. ³³Ɨkwo nâ wèyn nɨn ghɨ sɨ nà yuyn ɨfwo ndô Fɨyini ateyn. Ɨfwo ateyn nɨn ghɨ àbayn a laynɨ-a nɨ̀ ìfu ɨfwo ɨ yɨnɨ-i zɨ̀ a ghɨ n-fu mɨchi ɨ̀n jɨ̀m, nɨ̀ ìfu i nyoʼnɨ-i kɨ̀mɨ nɨ̀ ìfu zɨ̀ a ghɨ n-fu achi ɨtuʼ ilaʼ nɨ̀ ìfu i ayɨ ɨchfɨ njoŋ kɨ̀mɨ nɨ̀ ìfu i mɨchi mɨ̀ àyɨ ɨ̀n lì. Ghɨ n-yuyn kɨmɨ ɨ̀fwo ifu i laynɨ-i nɨ̀ ɨ̀ŋweyn nɨ̀ ɨwu ifu sɨ yuyn atu a ghelɨ Isìlæ̀ baʼsɨ̂ nɨ̀ ɨ̀fwo vzɨ̀ a ghɨ n-nî ifêl ateyn a ndô Fɨyini.

³⁴Ngàŋsɨ ndô Fɨyinisɨ nɨ̀ ghelɨ ndo nɨ̀ Levì nɨ̀ ghelɨ ghɨ li nɨn tɨm meyn bèyʼ ɨ fèʼtɨ̀ ɨ̀lvɨ vzɨ̀ a ka nô mɨ ìsas i ndo ì kà na gvî nɨ̀ ɨ̀nkàʼ ateyn a bêŋ, ghɨ kwô abaŋ ifu a ndo nɨ̀ Bôbo Fɨyini ɨ Fɨyini feyfɨ kɨ̀ ta isaʼi nɨn dyêyn.

³⁵“Ghèsɨ ti meyn lèm kɨ̀mɨ na ghès na gvî nɨ̀ mɨ̀tam mɨ̀ àsɨ ɨfwo ghè a ghèsɨ̀ kfì nɨ̀ ɨmzɨ̂ a ghèsɨ̀ kœ̀ ɨnkàʼ a ndo nɨ̀ Bôbo Fɨyini kɨ bèŋ nɨ̀ bèŋ.

³⁶“Ghèsɨ̀ na gvì kɨmɨ nɨ̀ woyn ghɨ lûmnɨ̀ ɨ ghɨ asɨ nɨ̀ ghès a ndo nɨ̀ Fɨyini feyfɨ fu sɨ̂ ngàŋ ndô Fɨyini zɨ̀ a yì n-fêl ɨlvɨ nâ ghè. Ghès na gvî kɨmɨ nɨ̀ woyn nyamsɨ mbòloʼ ghɨ lûmnɨ̀ ɨ sɨ asɨ nɨ̀ woyn bzɨsɨ ndoŋ nɨ̀ njɨ̀sɨ̀ ɨ sɨ asɨ, ghɨ fu sɨ̂ Fɨyini fɨ kɨ̀ ighel ta isaʼi nɨn dyêyn.

³⁷“Ghèsɨ ti meyn lèm kɨ̀mɨ na ghès na kfì àsaŋ ɨ̀ gvà ɨ̀nkfɨ̂ŋ ɨ mzɨ̂ àsɨ, ghèsɨ gvì nɨ̀ ɨ̀mêyn ɨ gvi kɨmɨ nɨ̀ ìfu ɨfwo ɨ yɨnɨ ɨlvɨ nɨ̀ ɨ̀ntam mɨ̀ ɨ̀nkàʼ nô ɨ̀n jɨ̀m kɨ̀mɨ nɨ̀ mɨ̀lùʼ nɨ̀ mɨ̀vɨ̂l mɨ̀ Olìfsɨ̀ ghɨ lèm alèʼ ghè a ghɨ n-lêm ɨfwo ateyn a ndô Fɨyini. Ghès na lì ɨ̀fwo vzɨ̀ a ghèsɨ̀ ghàyn a gvêynsɨ̀, ghèsɨ gwòtɨ̀ ɨlwêʼ ìvɨm ɨ lì àlêʼ àmòʼ ɨ fu sɨ̂ ghelɨ ndo nɨ̀ Levì bòm ta à n-fsɨ àŋena ɨfwo nâ wèyn a ntèʼsɨ ghê nô sɨ̀ jɨ̀m a ghès nɨn felɨ̀ ateyn. ³⁸Ngàŋ ndô Fɨyini ma wù fvɨ̀ isas i ndo nɨ̀ Alòyn nɨn kelɨ sɨ nà ghɨ ŋêyn ghelɨ ndo nɨ̀ Levì ɨlvɨ ta àŋena nɨn fsɨtɨ afo àmòʼ àmòʼ antêynɨ̀ ɨ̀fwo ìvɨm sɨ̂ ghelɨ Isìlæ̀. Àŋena fsɨ, ghɨ chɨ̀yntɨ̀ ɨ gwòtɨ̀ ɨlwêʼ ìvɨm ɨ lì àlêʼ àmòʼ ɨ gvi fu a ndo nɨ̀ Fɨyini feyfɨ ghɨ lem alèʼ ghè a ghɨ n-lêm ɨfwo ateyn. ³⁹Ghelɨ Isìlæ̀ ŋêyn ghelɨ ndo nɨ̀ Levì nɨn kelɨ sɨ gvi nɨ̀ ìfu i àŋena, a ghɨ asaŋ nɨ̀ mɨ̀lùʼ nɨ̀ mɨ̀vɨ̂l sɨ lèm alèʼ ghè a ghɨ n-lêm ɨfwo ateyn a ndô Fɨyini. Alêʼ nâ kèynà nɨn ghɨ àlêʼ kì a ngàŋsɨ ndô Fɨyini sìsɨ a sɨ n-felɨ̀ achi nâ ghè, nɨ̀ ghelɨ ghì a ghɨ n-chi achfɨ̂ a mbàyn baʼsɨ̂ nɨ̀ ghelɨ ghɨ yemnɨ nɨn chi ateyn.

“Ghès nɨn chfɨ̂nɨ̀ na ghès na tôʼnɨ̀ kɨ toʼnɨ̀ nɨ̀ ndô Fɨyini feyfɨ.”