Isaiah 4
This book is a draft. It has been translated but has not yet finished checking, and is published here so the community can read and respond to it.
Fɨyini fɨ ɨ chfɨ̀nɨ sɨ kasi sɨ bàʼlɨ Jèlusalèm
2Ɨlvɨ nì kfeynà a Bôbo Fɨyini ni a nô mɨ ghà ta ghɨ tòʼ a Jèlusalèm baʼsɨ̂ nɨ̀ ɨ̀nkàʼ lema nà ghaʼlɨ̂ kɨ tèyn fî jofà. Ghelɨ Isìlæ̀ ghì a ghɨ faŋ nô ghɨ̀ jɨ̀m læ̀ nà saŋlɨ-à, àŋena læ̀ nà ghaŋsɨ̂ ɨ̀wyn bòm ɨ̀fwo ɨ yɨnɨ vzɨ̀ a wu n-koʼ a Isìlæ̀. 3Ghɨ læ̀ nà toŋtɨ̂ ghelɨ ghì a ghɨ faŋ a Jèlusalèm na ghelɨ ghɨ laynɨ, ɨ ghelɨ ghì a Fɨyini fɨ nì ghɨ faŋ tɨ̀ kfɨ̀tɨ̀ ɨlvɨ ngeʼ, ghɨ taŋ àŋena akòyn nɨ̀ ghelɨ ghì a ghɨ bu chî a Jèlusalèm. 4Bôbo Fɨyini læ̀ sû lisì àwo a bɨ-a nɨ̀ ghɨ̀ki Zayòn. Wù læ̀ ni-à a ghelɨ Jèlusalèm na kasî layn ta isaʼi nɨn dyèyn. 5Bôbo Fɨyini læ̀ chɨytɨ̂ kfɨ̂yn Zayòn, chɨ̀ytɨ ghelɨ ghì a ghɨ yvɨ̀ŋtɨ̀ afu nô ghɨ̀ jɨ̀m. Wù læ̀ na chɨytɨ̂ àŋena nɨ̀nchuè nɨ̀ mbàʼsɨ̀ sɨ ghɨ ta fɨleʼ, a na ghɨ nɨ̀ntuʼ wu chɨytɨ̂ àŋena nɨ̀ ìlemi ɨvɨs i. Iŋwâʼ i Bôbo Fɨyini læ̀ chɨytɨ̂ Jèlusalèm fì kɨ̀ŋtɨ̀ ntèʼ àteyn. 6Iŋwâʼ i Fɨyini læ̀ nà ghɨ ta ndo sɨ̂ àŋena, fî kɨ̂ŋtɨ̀ ànena sɨ̂ chuè ito. Yi læ̀ nà ghɨ ta alêʼ a leytɨnɨ-a nɨ̀ àŋena, alêʼ kì a àŋena leʼ ivɨ nɨ̀ àfyef ato-a ghɨ lèytɨ̀ ateyn.