Esther 10

Ghɨ lèm Mòdèkayà alèʼ a ngaŋtɨnɨ-a.

¹Fòyn Zekzès nɨn læ meyn chwòsɨ̀ ìsaʼ na ghelɨ ilaʼ nɨ̀ ŋweyn nô ghɨ̀ jɨm sɨ ndù sɨ chem a Mèdìtèlenìyà, ma à ti a jvâ ì ghaʼnɨ na lâʼ task. ²Awo kì a fòyn Zekzès nɨn læ nì, nɨ̀ àdyaʼ a ŋweyna baʼsɨ̂ nɨ̀ alêʼ a ngaŋtɨnɨ-a kì a wu n-fu sɨ̂ Mòdèkayà nɨn ghɨ ma ghɨ nyaʼ meyn a ŋwàʼlɨ̀ mɨ̀tɨtɨ̂ nɨ̀ tɨ̀fòyntɨ Medìyàtɨ̀ nɨ̀ ɨtɨ Besìyàtɨ̀. ³A nà n-kûmtɨ̀ kɨ Mòdèkaya ɨ wul ɨ̀ Jûsɨ̀ kûmtɨ̀ sɨ̂ fòyn Zekzès, ngaŋtɨ̂ chwô ghelɨ Jûsɨ̀ nô ghɨ̀ jɨ̀m. Àŋena nà n-gvɨmlɨ̂ Mòdèkayà bòm ta wù n-læ meyn fèl nô sɨ a ŋaŋ sɨ̂ ghelɨ ŋweyn ɨ gàmtɨ̀ mbôynɨ̀ ɨ nà ghɨ sɨ̂ ghelɨ Jûsɨ̀ nô ghɨ̀ jɨ̀m.