1 Chronicles 24

Devìt ɨ gwòsɨ̀ ngàŋsɨ ndô Fɨyini a inòyn-inòyn, nômɨ ànôyn àkà ɨ felɨ̀ kɨ a àŋena ɨlvɨ

¹Tèyn nɨ̀ ghɨ ìnôyn zɨ̀ a ghelɨ ndo nɨ̀ Alòyn nà n-ghɨ ateyn. Woyn Alòyn nà n-ghɨ Nadàb nɨ̀ Àbihù nɨ̀ Èlizà nɨ̀ ɨtamà. ²Mɨtì Nadàb ŋêyn Àbihù ɨ kfɨ sɨ asɨ nɨ̀ bò àŋena, kelɨ wi wayn, Èlizà ŋêyn Ìtama ɨ nà sɨ ghɨ ngàŋsɨ ndô Fɨyini. ³Zadòk, ɨ wul ɨ̀ ndo nɨ̀ Èlizà ŋêyn Àhimelèk, ɨ wulɨ̀ ndo ndo nɨ Itamà, nɨn gamtɨ meyn Devìt wu gwòsɨ̀ ghelɨ ndo nɨ̀ Alòyn inôyn-inôyn na àŋena na nî ìfêl zɨ̀ a ghɨ choʼ àŋena na ghɨ na ni-à, kɨ̀ a ɨlweŋ ɨlweŋ. ⁴Ghɨ n-yeyn meyn nghelɨ ghɨtisɨnɨ a antêynɨ̀ woyn nɨ̀ Èlizà ghɨ dvɨ̂ chwo ta ghɨ nà ghɨ a antêynɨ̀ nɨ̀ woyn Itamà, ɨ kæ gwòsɨ̀ ɨtu asas a ndo nɨ̀ Èlizà inôyn njvàsɨ̀ ntufa nɨ̀ ɨ̀tu asas a ndo nɨ̀ Itamà inôyn nfama, kɨ̀ ighel ta àŋena nà n-dvɨ̂ chem. ⁵Ghɨ n-bu læ sesɨ gwòsɨ̀ ɨ yeʼtɨ wul bòmta chyeʼsɨ ndo Fɨyini sɨ̀ ŋêyn nfèʼtɨ̀ sɨ̀ ma sɨ fvɨ̀ a woyn nɨ̀ Itamà nɨ ɨghɨ Èlizà , nà n-ghɨ afu. Ghɨ n-læ sesɨ gwòsɨ àŋena ɨ màʼ mɨ̀ŋwàʼlɨ̀ àŋena boŋtɨ. ⁶Wul ɨ nyaʼnɨ, ma àti Shemayà, ɨ wâyn Netanèl, ɨwulɨ̀ ndo nɨ̀ Levì vzɨ̀, nà n-nyâʼ àzɨyn a àŋena asɨ nɨ̀ fòyn, ŋêyn chyeʼsɨ ŋweynsɨ. Zadòk, ɨ ngàŋ ndô Fɨyini nà n-ghɨ kɨmɨ afu nɨ̀ Àhimelèk, ɨ wâyn Àbiyatà nɨ̀ ɨ̀tu asas a ndo nɨ̀ ngàŋsɨ ndô Fɨyini, nɨ ɨghî a ghɨ n-tisɨ a ghɨ kɨ ghelɨ ndo nɨ̀ Levì. Ghɨ nà n-choʼ isas i ndo ìmòʼ abàs nɨ̀ Èlizà, ghɨ choʼ ìmòʼ abàs nɨ̀ Itamà. Itu asas a ndo nɨn læ boŋtɨ azɨyn ghɨ gwòtɨ̀ ìfêl sɨ̂ ànkeyna a dzɨ ghàyn tèyn; ⁷Ghɨ n-gwòtɨ fu ifêl iyi asɨ-i sɨ̂ Jèhoyalìb, ɨ fu ànkùmtɨ̀ afyàʼ sɨ̂ Jèdayà, ⁸ɨ fu ili sɨ̂ Halìm nɨ̀ Seyòlìm, ⁹nɨ̀ Màlkijà nɨ̀ Mijamìn, ¹⁰nɨ̀ Hakòz nɨ̀ Abijà, ¹¹nɨ̀ Jeshuwà nɨ̀ Shekànayà, ¹²nɨ̀ Èliyashìb nɨ̀ Jakìm, ¹³Hubà nɨ̀ Jeshebèb ¹⁴nɨ̀ Bilgà nɨ̀ Imà ¹⁵nɨ̀ Hezìl nɨ̀ Hàbizìz ¹⁶nɨ̀ Bètahiyà nɨ̀ Jèhezkèl ¹⁷nɨ̀ Jakìn nɨ̀ Gamùl ¹⁸nɨ̀ Dèlayà nɨ̀ Mazayà. ¹⁹À ti dzɨ zɨ̀ a àŋena nà n-fêl ateyn a ndô Fɨyini, kɨ̀ ighel ta Bôbo Fɨyini, ɨ Fɨyini fɨ Isìlæ̀ fɨ nɨn læ bè bò àŋena, Alòyn ɨ lèm. ²⁰Ɨghêyn nɨn ghɨ ɨtu asas a ndo nɨ̀ Levì ghɨli; Shubayèl nà n-ghɨ àtu sɨ̂ woyn Amlàm, Jèdèyiyà ɨ ghɨ àtu sɨ̂ woyn Shubayèl, ²¹Ishiyà ɨ ghɨ àtu sɨ̂ woyn Lèhabiyà, ²²Shelomòt ɨ ghɨ àtu sɨ̂ woyn Izàl, Jahàt ɨ ghɨ àtu sɨ̂ woyn Shelomòt. ²³Wayn àsɨ nɨ̀ Heblòn nà n-ghɨ Jeliyà, Àmaliyà ɨ ghɨ ànkùmtɨ̀, ghɨli ghɨ Jehaziyèl ŋêyn Jekamìm. ²⁴Uziyèl nà n-kelɨ kɨ wayn ɨlûmnɨ̀ ɨ̀mòʼ a ghɨ Mikà, wu ghɨ àtu isas i ndo, Shamì ɨ ghɨ àtu sɨ̂ woyn Mikà. ²⁵Zakàliyà nà n-ghɨ àtu sɨ̂ woyn Ishìyà, ɨ wâynà Mikà. ²⁶Malì ŋêyn Mushì nà n-ghɨ ɨ̀tu sɨ̂ Melalì, Benò ɨ wâyn ɨ̀lûmnɨ̀ ɨ̀mòʼ vzɨ̂ a Jàzayà nà n-kelɨ ɨ ghɨ àtu a ndo nɨ̀ àŋena. ²⁷Wâyn Jàzayà, ɨ wâyn ɨ wâyn Melalì nà n-ghɨ Benò nɨ̀ Shohàm nɨ̀ Zakù nɨ̀ Iblì. ²⁸Èlizà ɨ wâyn Malì nà n-kelɨ wi wayn, ²⁹Jelamìl ɨ wâyn Kîsh ɨ ghɨ àtu sɨ̂ wôyn Kîsh. ³⁰Malì nɨ̀ Edà nɨ̀ Jelimòt ɨ ghɨ woyn Mushù. Akeyn nâ kèyna nà n-ghɨ àzɨyn a ghelɨ ndo nɨ̀ Levì kɨ̀ ighel ta asas a ndo nɨ̀ àŋena nà n-ghɨ. ³¹Àŋena nɨ̂n maʼ meyn kɨmɨ àzɨyn kɨ̀ ta ghelɨ ndo nɨ̀ àŋena ghɨli, ma àti woyn Alòyn nɨn læ màʼ. Fòyn Devìt nɨ̀ Zadòk nɨ̀ Àlimelèk nɨ̀ ɨ̀tu asas a ndo nɨ̀ Levì nà n-ghɨ afu. Ghɨ n-læ lì asas a ndo nɨ̀ woyn ghɨnì ghɨlema nɨ̀ akɨ woyn ibàm kɨ̀ ighel-ighel.